અમદાવાદ / સગીરા સાથે દુષ્કર્મ, વીડિયો બનાવીને લગ્ન ન કર્યાં, વીડિયો વાયરલ કરીને બીજે ઠેકાણેથી સગાઈ તોડાવી

સોશિયલ મીડિયાથી શરૂ થયેલો પ્રેમસંબંધ હવે સગીરા માટે મુશ્કેલીનું કારણ બન્યો હોવાનો ચોંકાવનારો કિસ્સો અમદાવાદના નરોડામાં સામે આવ્યો છે.. લગ્નની લાલચ આપી સગીરા સાથે દુષ્કર્મ આચર્યું અને સગીરાનો વીડિયો બનાવ્યો હતો પરંતુ આરોપીએ લગ્ન નહીં કર્યા અને જ્યારે સગીરાની અન્ય યુવક સાથે સગાઈ થઈ, ત્યારે એ જ વીડિયો વાયરલ કરી સગાઈ તોડાવી દીધી હોવાનો આક્ષેપ છે. સમગ્ર મામલે નરોડા પોલીસે ગુનો નોંધી આરોપીની ધરપકડ કરી છે.

આરોપીની ધરપકડ

નરોડા પોલીસે આરોપી જયદીપ રબારીની દુષ્કર્મ અને પોકસોના ગુનામાં નરોડા પોલીસે ધરપકડ કરી છે. નરોડામાં રહેતી એક સગીરાનો સોશિયલ મીડિયા મારફતે આરોપી જયદીપ રબારી સાથે સંપર્ક થયો હતો. બંને વચ્ચે વાતચીત વધતા પ્રેમસંબંધ બંધાયો હોવાનો પોલીસ ફરિયાદમાં ઉલ્લેખ છે.

નાના ચિલોડાની હોટલમાં બાંધ્યો શારીરિક સંબંધ

આરોપીએ સગીરાને લગ્ન કરવાની લાલચ આપી હતી અને ત્યારબાદ તેને નાના ચિલોડા વિસ્તારમાં આવેલી હોટલમાં લઈ જઈ તેની સાથે શારીરિક સંબંધ બાંધ્યો હતો.આ દરમિયાન સગીરાનો વીડિયો પણ આરોપીએ બનાવ્યો હતો. સગીરાએ લગ્નની વાત પ્રેમી જયદીપને કરતા તેને લગ્નનો ઇનકાર કર્યો હતો જેથી સગીરાએ અન્ય યુવક સાથે સગાઈ કરી હતી પરંતું આરોપીએ સગીરાનો વીડિયો વાયરલ કર્યો અને તેના કારણે સગીરાની સગાઈ તૂટી ગઈ.

વધુ વાંચો : વાવ થરાદમાં પિતાએ દલાલ દ્વારા સગીર દીકરીનો સોદો કરી યુવક સાથે લગ્ન કરાવ્યા, જાણો આખો બનાવ

સ્નેપ ચેટ પરથી પ્રેમમાં પડ્યાં

પોલીસ તપાસમાં સામે આવ્યું છે કે આરોપી જયદીપ રબારી નરોડનો રહેવાસી છે અને ડ્રાઇવિંગ સાથે જોડાયેલો છે.. 8 મહિના પહેલા સ્નેપ ચેટ પર આરોપી જયદીપએ સગીરાને મેસેજ કર્યો હતો..અને બંન્ને વચ્ચે વાતચીત શરૂ થઈ હતી ત્યાર બાદ પ્રેમસંબંધના નામે સગીરાનું શોષણ શરૂ કર્યું હતું.. પરિવારે સગીરા પાસેથી સમગ્ર હકીકત જાણી અને ત્યારબાદ નરોડા પોલીસ સ્ટેશનમાં ફરિયાદ નોંધાવી..ફરિયાદના આધારે પોલીસે આરોપી જયદીપ રબારી સામે POCSO એક્ટ સહિતની કલમો હેઠળ ગુનો નોંધી તેની ધરપકડ કરી છે.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ