અમરેલી / નાના સમઢિયાળામાં સિંહનું રેસ્ક્યૂ, વન વિભાગે કુવામાંથી સુરક્ષિત રીતે બહાર કાઢ્યો

અમરેલી: ગીર પૂર્વ વન વિભાગ હેઠળની જસાધાર રેન્જના નાના સમઢિયાળા ગામે કૂવામાં સિંહ ખાબકતાં વન વિભાગમાં દોડધામ મચી હતી. ઘટનાની જાણ થતાં જ વન વિભાગની ટીમો તાત્કાલિક ઘટનાસ્થળે પહોંચી હતી.

અંદાજે 2થી 3 વર્ષનો સિંહ કૂવામાં પડી ગયો

મળતી માહિતી મુજબ, અંદાજે 2થી 3 વર્ષનો સિંહ કૂવામાં પડી ગયો હતો. સિંહ કૂવામાં પડ્યાની જાણ થતાં જ જસાધાર અને તુલસીશ્યામ રેન્જનો સ્ટાફ ઘટનાસ્થળે પહોંચ્યો હતો. ગામલોકોની મદદ સાથે વન વિભાગની ટીમે સાવચેતીપૂર્વક રેસ્ક્યૂ ઓપરેશન હાથ ધર્યું હતું.

ટીમે સફળતાપૂર્વક સિંહને કૂવામાંથી સુરક્ષિત બહાર કાઢ્યો

રેસ્ક્યૂ દરમિયાન સિંહને કોઈ નુકસાન ન થાય તેની ખાસ તકેદારી રાખવામાં આવી હતી. ટીમે સફળતાપૂર્વક સિંહને કૂવામાંથી સુરક્ષિત બહાર કાઢ્યો હતો.

જસાધાર એનિમલ કેર સેન્ટર ખાતે ખસેડવામાં આવ્યો

રેસ્ક્યૂ બાદ સિંહને વધુ તપાસ અને જરૂરી સારવાર માટે જસાધાર એનિમલ કેર સેન્ટર ખાતે ખસેડવામાં આવ્યો હતો. અહીં વન વિભાગના નિષ્ણાતો દ્વારા સિંહની તબિયતની તપાસ કરવામાં આવી રહી છે.

આ પણ વાંચોઃ ‘શેરબજારમાં ડબલ પૈસા’ની લાલચ આપી ₹40 કરોડની ઠગાઈ, સુરત સાયબર ક્રાઈમે ઠગ ટોળકી પકડી

સિંહની હાલત પર સતત નજર રાખવામાં આવી રહી છે

વન વિભાગ દ્વારા સિંહની હાલત પર સતત નજર રાખવામાં આવી રહી છે અને તપાસ બાદ સિંહને જંગલમાં છોડવા અંગે આગળની કાર્યવાહી હાથ ધરવામાં આવશે.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ