રેસિપી / ઘરે બનાવો માર્કેટ જેવી ક્રિસ્પી Peri Peri Fries! એકવાર ખાશો તો વારંવાર બનાવશો

સાંજની ચા સાથે કે મિત્રો સાથેની હળવી પાર્ટીમાં જો ક્રિસ્પી ફ્રેન્ચ ફ્રાઈઝ મળી જાય તો મજા બમણી થઈ જાય છે. જો તમે પણ ફ્રેન્ચ ફ્રાઈઝના શોખીન હો અને કંઈક નવું અજમાવવા માંગતા હો તો પેરી પેરી ફ્રેન્ચ ફ્રાઈઝ બનાવી જુઓ. તેનો સ્વાદ ચટપટો અને મસાલેદાર હોય છે. જે બાળકોથી માંડીને મોટાઓ સુધી બધાને ગમી જાય છે.

જેની સૌથી સારી વાત એ છે કે તેને તમે ઘરે જ ઇઝીલી તૈયાર કરી શકો છો. ચાલો જાણીએ કે પેરી પેરી ફ્રેન્ચ ફ્રાઈઝ કેવી રીતે બનાવવી અને તેના માટે કઈ-કઈ વસ્તુઓની જરૂર પડે છે.

જરૂરી સામગ્રી

3 બટાકા

1 ચમચી લાલ મરચું પાવડર

1 ચમચી ચિલી ફ્લેક્સ

½ ચમચી કાળા મરીનો પાવડર

1 ચમચી લસણ પાવડર

અડધી ચમચી ચાટ મસાલો

સ્વાદ અનુસાર મીઠું

તળવા માટે તેલ

બનાવવાની રીત

પહેલા બટાકાને સારી રીતે ધોઈને છોલી લો. પછી તેમને લાંબાઈમાં કાપીને ફ્રેન્ચ ફ્રાઈઝનો આકાર આપો. બધા ટુકડા એકસરખી સાઈઝના રાખો જેથી તે સાથે સારી રીતે તળાઈ શકે.

એક વાટકામાં લાલ મરચું પાવડર, ચિલી ફ્લેક્સ, કાળા મરીનો પાવડર, લસણ પાવડર, ચાટ મસાલો અને મીઠું નાખીને સારી રીતે મિક્સ કરો. ઇચ્છા હોય તો આ બધાને હળવા હાથે પીસીને એક મસાલા પાવડર પણ બનાવી શકો છો. આ જ તમારો પેરી પેરી મસાલો છે.

પછી એક પૅનમાં તેલ ગરમ કરો. તેલ ગરમ બાદ આગની ફ્લેમને મીડિયમ કરી દો. બટાકાના ટુકડાઓને થોડા-થોડા કરીને ઓઈલમાં નાખો અને ગોલ્ડન રંગના તથા ક્રિસ્પી થાય ત્યાં સુધી ડીપ ફ્રાય કરો. તૈયાર ફ્રાઈઝને ટિશ્યુ પેપર પર કાઢી લો જેથી વધારાનું તેલ નીકળી જાય.

હવે ગરમ ફ્રાઈઝને એક મોટી વાટકામાં નાખો. ઉપરથી તૈયાર કરેલો પેરી પેરી મસાલો છાંટીને સારી રીતે ટૉસ કરો જેથી મસાલો બધી ફ્રાઈઝ પર સરખી રીતે લાગી જાય.

વધુ વાંચો : ચોમાસાની સાંજ બનાવો વધુ મજેદાર! ઘરે જ બનાવો ક્રિસ્પી મરચાંના પટ્ટી ભજીયા

આમ આ રીતે તમારા ચટપટા અને ક્રિસ્પી પેરી પેરી ફ્રેન્ચ ફ્રાઈઝ તૈયાર થઇ જશે. તેને ટમેટો કેચપ કે તમારી પસંદની ડિપ સાથે સર્વ કરો. આ સ્નેક સાંજે ચા સાથે કે અચાનક ભૂખ લાગે ત્યારે એકદમ પરફેક્ટ છે. આને એકવાર અજમાવી જુઓ ઘરના બધા માણસો વખાણ કરશે.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ