BIG NEWS / 3 ટકા મોંઘવારી ભથ્થાને ગુજરાત સરકારની મંજૂરી! સત્તાવાર જાહેરાત બાકી

રાજ્યના સરકારી કર્મચારીઓ માટે દિવાળી પહેલાં રાહતના સમાચાર સામે આવ્યા છે. રાજ્ય સરકારે કર્મચારીઓના મોંઘવારી ભથ્થા (DA)માં 3 ટકાનો વધારો મંજૂર કર્યો હોવાની માહિતી મળી રહી છે. સરકારના આ નિર્ણયથી રાજ્યના લાખો કર્મચારીઓ અને પેન્શનરોને લાભ મળવાની શક્યતા છે. દિવાળી પહેલાં સરકાર તરફથી મળેલી આ ભેટને કર્મચારીઓ માટે મોટી ખુશખબર માનવામાં આવી રહી છે. જોકે, આ અંગેની સત્તાવાર જાહેરાત અને અમલીકરણની વિગતો ટૂંક સમયમાં જાહેર થાય તેવી શક્યતા છે.

DA એટલે શું? કર્મચારીઓને કેવી રીતે થશે ફાયદો?

DA એટલે મોંઘવારી ભથ્થું (Dearness Allowance). વધતી મોંઘવારીને કારણે કર્મચારીઓના ઘરખર્ચ પર પડતી અસર ઘટાડવા માટે સરકાર દ્વારા મૂળ પગારના ચોક્કસ ટકાના દરે આ ભથ્થું આપવામાં આવે છે. સામાન્ય રીતે મોંઘવારીના આંકડાઓને ધ્યાનમાં રાખીને દર છ મહિને DAના દરમાં સુધારો કરવામાં આવે છે. સરકારી કર્મચારીઓની જેમ પેન્શનર્સને પણ મોંઘવારી રાહત (DR) આપવામાં આવે છે.

અગાઉ કેટલું DA મળતું હતું?

ગુજરાત સરકારે મે 2026માં 7મા પગારપંચ હેઠળના કર્મચારીઓના મોંઘવારી ભથ્થામાં 2 ટકાનો વધારો કર્યો હતો. આ વધારા બાદ DAનો દર 58 ટકાથી વધીને 60 ટકા થયો હતો. હવે જો સરકાર દ્વારા વધુ 3 ટકાનો વધારો મંજૂર કરવામાં આવ્યો છે. DAનો દર 60 ટકાથી વધીને 63 ટકા થઈ શકે છે.

₹30,000 મૂળ પગાર હોય તો કેટલો ફાયદો થશે?

જો DAમાં 3 ટકાનો વધારો થાય તો કર્મચારીઓને તેમના મૂળ પગારના આધારે વધારાની રકમ મળશે.

ઉદાહરણ તરીકે:

મૂળ પગાર: ₹30,000

હાલના 60% DA મુજબ: ₹18,000

સંભવિત 63% DA મુજબ: ₹18,900

દર મહિને વધારાનો ફાયદો: ₹900

આ રીતે મૂળ પગાર જેટલો વધારે હશે, તેટલો DA વધારાનો લાભ પણ વધુ મળશે.

આ પણ વાંચોઃ ખ્રિસ્તી કબ્રસ્તાનમાંથી મળી આવ્યું માથા વગરનું નગ્ન ધડ, આરોપીની ચોંકાવનારી કબૂલાત

જુલાઈ 2026થી વધારો લાગુ થશે તો એરિયર્સ મળશે?

જો સરકાર DAમાં વધારો જુલાઈ 2026થી અમલી બનાવવાનો નિર્ણય લે તો કર્મચારીઓને અગાઉના સમયગાળાનું એરિયર્સ મળવાની શક્યતા પણ રહેશે. જોકે, એરિયર્સ કઈ તારીખથી ગણવામાં આવશે અને તેની ચુકવણી ક્યારે કરવામાં આવશે તે અંગે સરકારની સત્તાવાર જાહેરાત મહત્વપૂર્ણ રહેશે.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ