8 ફોટો ગેલેરી

બિઝનેસ / USમાં શેરબજાર ધડામ, તો ભારતમાં રોકાણકારોની બલ્લે-બલ્લે! 5 દિવસમાં સેન્સેક્સની ધમાકેદાર વાપસી

Last Updated: 01:06 PM, 4 November 2026

FOLLOW ON

શેર કરો

અમેરિકન બજારમાં સતત ઘટાડો અને વૈશ્વિક અનિશ્ચિતતા વચ્ચે ભારતીય શેરબજારે છેલ્લા પાંચ દિવસમાં જોરદાર કમબેક કર્યું છે. ક્રૂડ ઓઇલના ઘટતા ભાવ, GST કલેક્શનમાં વધારો અને LTCG ટેક્સમાં સંભવિત રાહતની આશાએ બજારમાં ફરી તેજીનો માહોલ ઊભો કર્યો છે.

1/8

1. ભારતીય શેરબજારમાં તેજી

છેલ્લા અમુક સમયથી શેરબજારમાં ચાલી રહેલી ઉથલપાથલ વચ્ચે ભારતીય શેરબજારે અચાનક જોરદાર વાપસી કરીને રોકાણકારોને આશ્ચર્યમાં મૂકી દીધા છે. એક તરફ અમેરિકાના શેરબજારમાં સતત ઘટાડો જોવા મળી રહ્યો છે, તો બીજી તરફ ભારતીય બજારમાં છેલ્લા પાંચ ટ્રેડિંગ સેશનથી તેજીનો માહોલ છે.

આ તસવીર શેર કરો

2/8

2. ભારતીય બજારને મદદ આપતા મુખ્ય કારણો

આ પાંચ દિવસ દરમિયાન સેન્સેક્સમાં અંદાજે 4000 પોઈન્ટનો ઉછાળો આવ્યો છે અને બજારમાં 5 ટકાથી વધુની વૃદ્ધિ નોંધાઈ છે. જેની ખાસ વાત એ છે કે ગ્લોબલ માર્કેટમાં નકારાત્મક સંકેતો હોવા છતાં ભારતીય શેરબજાર પોતાની મજબૂતી બતાવી રહ્યું છે. હવે સવાલ એ છે કે એવી કઈ બાબતો છે જેના કારણે બજારને નવો ટેકો મળી રહ્યો છે? ચાલો જાણીએ ભારતીય બજારને ટેકો આપતા મુખ્ય કારણો વિષે.

આ તસવીર શેર કરો

3/8

3. ક્રુડ ઓઈલના ભાવમાં ઘટાડો

અમેરિકા અને ઈરાન વચ્ચે તણાવ ઘટાડવા અને સમાધાનની કોશિશોને કારણે ઇન્ટરનેશનલ માર્કેટમાં ક્રુડ ઓઈલના ભાવમાં સારો ઘટાડો થયો છે. ભારત પોતાની ઊર્જા જરૂરિયાતનો મોટો ભાગ આયાત કરે છે આથી ક્રૂડ ઓઈલના ભાવમાં ઘટાડો આર્થિકતા માટે મોટો બૂસ્ટર સાબિત થઈ શકે છે.

આ તસવીર શેર કરો

4/8

4. મજબૂત GST કલેક્શન

ઓક્ટોબર 2026માં ભારતનું GST કલેક્શન ગયા વર્ષ કરતાં 22.9% વધીને 2.31 લાખ કરોડ રૂપિયા રહ્યું છે. ચાલુ નાણાકીય વર્ષ એપ્રિલ-ઓક્ટોબરમાં કુલ ગ્રોસ GST કલેક્શન 14.78 લાખ કરોડ રૂપિયા થયું છે. જે 13.2%ની વૃદ્ધિ દર્શાવે છે. આ દેશની અંદર વેપાર, ઉત્પાદન અને વપરાશની ગતિ મજબૂત હોવાનું સીધું પ્રમાણ છે.

આ તસવીર શેર કરો

5/8

5. કોર્પોરેટ અર્નિંગ્સ

વૈશ્વિક ઉથલપાથલ વચ્ચે ઘરેલું કંપનીઓના ત્રિમાસિક પરિણામોએ માર્કેટને ટેકો આપ્યો છે. જેમાં અમુક મોટી કંપનીઓના સારા પ્રદર્શનને કારણે માર્કેટ તૂટતું અટક્યું છે.

આ તસવીર શેર કરો

6/8

6. LTCG ટેક્સમાં કપાતની સંભાવના

સૌથી મોટો પોઝિટિવ સિગ્નલ નાણામંત્રી નિર્મલા સીતારમણના નિવેદનથી આવ્યો છે. તેમને લોંગ-ટર્મ કેપિટલ ગેઈન્સ (LTCG) ટેક્સમાં કપાત પર વિચાર કરવાની વાત કહી છે. આ સંભવિત રાહતથી રોકાણકારોનો વિશ્વાસ મજબૂત થયો છે. જો આગામી બજેટમાં LTCG પર રાહત મળે તો તે ગેમ-ચેન્જર સાબિત થઈ શકે છે.

આ તસવીર શેર કરો

7/8

7. રિટેલ અને ડોમેસ્ટિક રોકાણકારોનો ટેકો

વિદેશી રોકાણકારોની ભારે વેચાણ છતાં ઘરેલું સંસ્થાકીય રોકાણકારો અને રિટેલ રોકાણકારોએ SIP દ્વારા આવતા પૈસાથી બજારને મોટા ઝટકાથી બચાવી રાખ્યું છે. જેમાં હાલની તેજી છતાં ભારતીય બજાર પોતાના ઓલ-ટાઈમ હાઈથી આશરે 10 ટકા નીચે છે. નિફ્ટી 50નું ઓલ-ટાઈમ હાઈ 26,373.20 પોઈન્ટ છે. જે આ વર્ષે જાન્યુઆરીમાં બન્યું હતું.

આ તસવીર શેર કરો

8/8

8. DISCLAIMER

બિઝનેસને લગતો આ આર્ટિકલ ન્યૂઝ આધારિત છે જેમાં રિસ્કનું પ્રમાણ વધુ હોય શકે છે, કોઈ પણ જગ્યાએ રોકાણ કે બિઝનેસને લગતો વહીવટ કરતી વખતે એક વખત માર્કેટ નિષ્ણાંતની સલાહ લેવી જરૂરી છે, vtvgujarati.com કોઈ પણ મુશ્કેલી માટે બંધનકર્તા રહેશે નહીં જેની ખાસ નોંધ લેવી.

આ તસવીર શેર કરો

સંકળાયેલા મુદ્દાઓ

Indian Stock Market Stock Market Recovery Sensex Rally