દુખદ / સામેથી આવતી કારે ટક્કર મારતાં રિક્ષાનો કચ્ચરઘાણ, જામનગરમાં ભયાનક અકસ્માતમાં 3 લોકોના મોત, 10 ઘાયલ

જામનગર નજીક ચેલા-ચાંગા વચ્ચે રિક્ષા અને કાર વચ્ચેની ટક્કરમાં રિક્ષામાં બેઠેલા 3 લોકોના મોત થયા હતા તથા 6 લોકો ઘાયલ થયા હતા. સામેથી આવતી કારે ટક્કર મારતાં રિક્ષાનો કચ્ચરઘાણ નીકળી ગયો હતો. ઇજાગ્રસ્તોમાં 2 મહિલાઓ અને 5થી 6 બાળકોનો સમાવેશ થાય છે. ઇજાગ્રસ્તોને સારવાર માટે હોસ્પિટલમાં દાખલ કરવામાં આવ્યાં છે. અકસ્માતને પગલે ઘટનાસ્થળે અને હોસ્પિટલમાં ભારે દોડધામ મચી હતી.

મૃતકોના નામ

1. ગુલાબ બારોટ
2. નોમાન સમા
3. નવીન પઠાન

ભોળેશ્વરથી પરત ફરતી વખતે અકસ્માત

શ્રાવણ માસના સોમવારે ભોળેશ્વરથી પરત ફરતી વખતે ચેલા ગામ નજીક આ અકસ્માત સર્જાયો હતો. કાર, બાઈક અને રિક્ષા વચ્ચે અચાનક ટક્કર થતાં ત્રણેય વાહનોને નુકસાન થયું હતું. અકસ્માતની ગંભીરતા એટલી હતી કે 3 લોકોના ઘટનાસ્થળે જ મોત થયા હતા.

વધુ વાંચો : જામનગર જિલ્લા પંચાયત સમિતિના ચેરમેનના પુત્રનું 16 વર્ષની વયે હાર્ટએટેકથી મોત થતાં પરિવારમાં શોક, નાનપણથી હતી બીમારી

અમદાવાદના અખબારનગર અંડરપાસમાં અકસ્માત

અમદાવાદના અખબારનગર અંડરપાસમાં આજે 31 ઓગસ્ટે પિક અવર્સમાં એક કાર ચાલકે અચાનક બ્રેક મારતા પાછળથી આવતી ગાડીઓ એક બાદ એકબીજા સાથે અથડાઈ હતી. આ અકસ્માતમાં 5 ગાડીને નુકસાન થયું હતું.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ