દુઃખદ / મમતા મરી પરવારી, નર્મદા કાંઠેથી મળ્યો નવજાત બાળકીનો મૃતદેહ, પોલીસે કાર્યવાહી શરૂ કરી

અંકલેશ્વર નજીક નર્મદા નદીના કિનારે એક નવજાત બાળકીનો મૃતદેહ મળી આવતાં વિસ્તારમાં ચકચાર મચી ગઈ હતી. નદી કિનારે માછીમારી કરી રહેલા માછીમારોની નજર બિનવારસી હાલતમાં પડેલા મૃતદેહ પર પડતાં તેમણે તાત્કાલિક પોલીસને જાણ કરી હતી.

પોલીસની ટીમ ઘટનાસ્થળે પહોંચી

ઘટનાની જાણ થતાં પોલીસની ટીમ ઘટનાસ્થળે પહોંચી હતી. આ દરમિયાન સામાજિક આગેવાન ધર્મેશ સોલંકી અને તેમની ટીમ પણ સ્થળ પર પહોંચી હતી. ટીમ દ્વારા નવજાત બાળકીના મૃતદેહને પોલીસને સોંપવામાં આવ્યો હતો.

મૃતદેહને પોસ્ટમોર્ટમ માટે મોકલ્યો

પોલીસે મૃતદેહનો કબજો મેળવી પોસ્ટમોર્ટમ માટે મોકલી આપ્યો છે. બાળકીનું મૃત્યુ કયા સંજોગોમાં થયું અને મૃતદેહ નદી કિનારે કોણ મૂકી ગયું તે અંગે પોલીસે તપાસ શરૂ કરી છે.

આ પણ વાંચોઃ પાકિસ્તાનની જેલમાં ગીર સોમનાથના કોબા ગામના માછીમારનું નિધન, મૃતકના પરિવારને મળ્યો પત્ર

પોલીસે સમગ્ર મામલે તપાસ શરૂ કરી

નવજાત બાળકીના મૃતદેહને બિનવારસી હાલતમાં છોડી જનાર વ્યક્તિની ઓળખ કરી તેની સામે કડક કાર્યવાહી કરવામાં આવે તેવી સ્થાનિક લોકોમાં માંગ ઉઠી છે. હાલ પોલીસે આસપાસના વિસ્તારની માહિતી એકત્રિત કરી સમગ્ર ઘટનાની તપાસ હાથ ધરી છે.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ