પંચમહાલ / મોરવા હડફમાં ઘરની છત પર દીપડો આવી બેસતા ફફડા, અંધારું થતાં જંગલ તરફ ચાલ્યો ગયો

પંચમહાલ: મોરવા હડફ તાલુકાના નાગલોદ ગામમાં દીપડો દેખાતા સ્થાનિકોમાં ભયનો માહોલ જોવા મળ્યો હતો. ગામમાં એક ઘરની છત પર દીપડો આવી ચઢતાં લોકોમાં ભારે ફફડાટ ફેલાયો હતો.

સ્થાનિકોએ તાત્કાલિક વન વિભાગને જાણ કરી

મળતી માહિતી મુજબ, દીપડો અચાનક ગામમાં આવી પહોંચ્યો હતો અને ત્યારબાદ એક ઘરની છત પર અડિંગો જમાવ્યો હતો. દીપડાને છત પર બેઠેલો જોઈ સ્થાનિકોએ તાત્કાલિક વન વિભાગને જાણ કરી હતી.

આસપાસના લોકોમાં પણ ભયનો માહોલ સર્જાયો

દીપડાની હાજરીના સમાચાર મળતાં આસપાસના લોકોમાં પણ ભયનો માહોલ સર્જાયો હતો. સ્થાનિકોએ સાવચેતી રાખી ઘરની બહાર નીકળવાનું ટાળ્યું હતું અને વન વિભાગની ટીમને જાણ કરી હતી.

અંધારું થતાં જ દીપડો ત્યાંથી નીકળી જંગલ તરફ ગયો

જોકે, અંધારું થતાં જ દીપડો ત્યાંથી નીકળી જંગલ તરફ વાટ પકડી ગયો હતો. દીપડો નજરે પડતાં સ્થાનિકોમાં ચિંતા સાથે ભયનો માહોલ જોવા મળ્યો હતો.

આ પણ વાંચોઃ અમદાવાદમાં રિસાયેલી પત્નીને મનાવવા આવેલા પતિએ 4-5 છરીના ઘા માર્યા, હુમલા બાદ ટ્રેન નીચે પડતું મૂકી જીવન ટૂંકાવ્યું

ગામ લોકોએ વિસ્તારમાં દીપડાની અવરજવર અંગે વન વિભાગ દ્વારા જરૂરી તકેદારી અને દેખરેખ રાખવામાં આવે તેવી માંગ કરી છે.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ