ક્રાઈમ / અમરેલીના લાઠીમાં સગીરા સાથે સામૂહિક દુષ્કર્મ, 2 શખ્સોએ સંબંધ બાંધવાનું દબાણ કર્યું, ન્યૂડ ફોટો-વીડિયો પાડ્યાં

અમરેલીના લાઠીમાં સગીરા સાથે દુષ્કર્મની ઘટના બની છે. સગીરાના ન્યૂડ ફોટો-વીડિયો વાયરલ કરવાની ધમકી આપી હતી. સગીરાના પરિવારને જાનથી મારી નાખવાની ધમકી આપી હોવાનો પણ ફરિયાદમાં ઉલ્લેખ કરાયો છે. બે આરોપીઓએ સગીરા સાથે દુષ્કર્મ આચર્યાની ફરિયાદ નોંધાવી હતી. જ્યારે અન્ય 2 આરોપીઓએ શારીરિક સંબંધ બાંધવાની માંગણી કરી હોવાનો આક્ષેપ કરાયો છે. દામનગર પોલીસ સ્ટેશનમાં 4 આરોપીઓ વિરુદ્ધ પોક્સો સહિતની વિવિધ ગુન્હો નોંધાયો હતો. દામનગર પોલીસે ચારેય આરોપીઓની શોધખોળ હાથ ધરી હતી.

ચાલતી બસમાં સગીરા સાથે ગેંગરેપ

ઉલ્લેખનીય છે કે આજે દિલ્હીમાં પણ આવો જ એક બનાવ સામે આવ્યો છે. કાશ્મીરી ગેટ વિસ્તારમાં એક ભયાનક ઘટના પ્રકાશમાં આવી છે. સ્લીપર બસમાં 16 વર્ષની છોકરી પર સામૂહિક બળાત્કાર થયો હતો. દિલ્હી પોલીસે કાર્યવાહી કરીને બસ ડ્રાઇવર અને કંડક્ટરની ધરપકડ કરી છે. આ ઘટના 4 ઓગસ્ટની રાત્રે બની હોવાનું કહેવાય છે. પોલીસે બસ ડ્રાઇવર કુલદીપ અને કંડક્ટર સંદીપની ધરપકડ કરી છે. પીડિતા ઉત્તર પ્રદેશના મૈનપુરી જિલ્લાની રહેવાસી અને 11મા ધોરણમાં ભણે છે. વિદ્યાર્થીની તેના પરિવારને જાણ કર્યા વિના નોઈડા આવી ગઈ હતી.

પરિવાર સાથે ઝગડો કરીને નીકળી હતી

વિદ્યાર્થીની તેના પરિવારથી નારાજ થઈને ઘરેથી નીકળી ગઈ હતી અને નોઈડામાં તેના પિતરાઈ ભાઈના ઘરે જઈ રહી હતી. ભારે વરસાદ અને અંધારાને કારણે, તે ભૂલથી પરી ચોક પર ઉતરી ગઈ. તે જ સમયે, એક ખાલી સ્લીપર બસ ત્યાંથી પસાર થઈ. વિદ્યાર્થીનીએ બસને રોકવાનો સંકેત આપ્યો અને બસ ઉભી રહી ગઈ. ડ્રાઈવર અને કંડક્ટરે તેણીને કહ્યું કે તેઓ નોઈડા સેક્ટર 63 જઈ રહ્યા છે. એવો આરોપ છે કે બસ ચાલુ થયાના થોડા સમય પછી, કંડક્ટરે પીડિતા તરફ અશ્લીલ હરકતો કરવાનું શરૂ કર્યું. પીડિતાના જણાવ્યા મુજબ, ડ્રાઈવર અને કંડક્ટરે તેના પર બળાત્કાર ગુજાર્યો અને જો તેણીએ પ્રતિકાર કર્યો તો તેને મારી નાખવાની ધમકી આપી.

વધુ વાંચો : જામનગર જિલ્લા પંચાયત સમિતિના ચેરમેનના પુત્રનું 16 વર્ષની વયે હાર્ટએટેકથી મોત થતાં પરિવારમાં શોક, નાનપણથી હતી બીમારી

પીડિતાએ કાશ્મીરી ગેટ પોલીસ સ્ટેશનમાં ફરિયાદ નોંધાવી

આરોપીઓએ મોડી રાત્રે કાશ્મીરી ગેટ બસ સ્ટેશન નજીક રિંગ રોડ પર પીડિતાને છોડી દીધી અને ભાગી ગયો. ગભરાયેલા વિદ્યાર્થીએ કાશ્મીરી ગેટ પોલીસનો સંપર્ક કર્યો અને ઘટનાની જાણ કરી. પોલીસે તિમારપુરમાં બસ પાર્કિંગમાંથી બંને આરોપીઓની ધરપકડ કરી. ઘટનામાં વપરાયેલી સ્લીપર બસ જપ્ત કરવામાં આવી છે અને તેની ફોરેન્સિક તપાસ ચાલી રહી છે.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ