રાજનીતિ / ગુજરાતમાં સ્થાનિક સ્વરાજની ચૂંટણી લડવા IPS અધિકારીનું રાજીનામું, ભાજપની સેન્સ પ્રક્રિયામાં ગયા

IPS Manoj Ninama Resign : ગુજરાતમાં ફરી એકવાર બ્યુરોક્રેસીમાંથી રાજકારણમાં પ્રવેશ કરવાની ઘટના સામે આવી છે. વાસ્તમાં રાજ્યના ટ્રાફિક IG તરીકે ફરજ બજાવતા મનોજ નિનામાએ પોતાનું પદ છોડીને રાજકીય સફર શરૂ કરવાની દિશામાં મહત્વપૂર્ણ પગલું ભર્યું છે. તેમના આ નિર્ણયે રાજકીય વર્તુળોમાં ચર્ચાનો વિષય ઉભો કર્યો છે.

શું છે સમગ્ર મામલો ?

વિગતો મુજબ મનોજ નિનામા વર્ષ 2006 બેચના IPS અધિકારી છે અને નિવૃત્તિ પહેલા જ તેમણે રાજીનામું આપી દીધું છે. તેઓ અરવલ્લી જિલ્લાના શામળાજી વિસ્તારના જાબ ચિતરિયા ગામના વતની છે. સ્થાનિક સ્તરે તેમની સારી ઓળખ અને સામાજિક જોડાણોને ધ્યાનમાં રાખીને તેઓ હવે જાહેર જીવનમાં વધુ સક્રિય થવા માંગે છે.

મીડિયા અહેવાલો મુજબ ભાજપ તરફથી તેઓ શામળાજી જિલ્લા પંચાયતની ઓડ બેઠક પરથી ચૂંટણી લડી શકે છે. ખાસ વાત એ છે કે, તેમણે અગાઉ ભાજપની સેન્સ પ્રક્રિયામાં ગોપનીય રીતે પોતાની દાવેદારી નોંધાવી હતી. જોકે સરકારી પદ પર હોવાના કારણે તેઓ ખુલ્લેઆમ તેમાં જોડાઈ શક્યા નહોતા.

VTV ન્યૂઝ સાથેની વાતચીતમાં શું કહ્યું મનોજ નિનામાએ ?

આ તરફ આજે VTV ન્યૂઝ સાથેની વાતચીતમાં મનોજ નિનામાએ જણાવ્યું હતું કે, તેમણે પારિવારિક કારણોસર આ નિર્ણય લીધો છે, પરંતુ ભવિષ્યમાં સામાજિક અને શૈક્ષણિક પ્રવૃત્તિઓ સાથે રાજકારણમાં સક્રિય ભૂમિકા ભજવવાની તેમની ઇચ્છા છે. તેમણે એ પણ સંકેત આપ્યો કે યોગ્ય સમય આવતાં તેઓ મોટા સ્તરે રાજકીય જવાબદારી સંભાળી શકે છે.

આ પણ વાંચો : બનાસકાંઠામાં તાંત્રિક વિધિના બહાને હિંદુ મહિલા પર પતિના મુસ્લિમ મિત્રોએ સામૂહિક દુષ્કર્મ કર્યું, અશ્લીલ ફોટા પાડ્યાં

મનોજ નિનામાની રાજકીય સફર સાથે એક રસપ્રદ જોડાણ પણ સામે આવ્યું છે. રાજ્યના મંત્રી પી સી બરંડા અને મનોજ નિનામા બંને એક જ તાલુકાના વતની છે. બંનેએ સાથે અભ્યાસ કર્યો હતો અને 2006માં પોલીસ સેવાઓમાં જોડાયા હતા. તેમની ટ્રેનિંગ પણ સાથે જ પૂર્ણ થઈ હતી. હવે સંભાવના છે કે બંને રાજકારણમાં પણ સાથે આગળ વધશે.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ