બિઝનેસ / કામ નીકળી ગયું! નવરાત્રિ પહેલા સસ્તું થઈ ગયું સોનું, ચાંદી ન થઈ ટસની મસ, જાણો લેટેસ્ટ રેટ

નવરાત્રિ પહેલા સોનાના ભાવમાં ઘટાડો થયો છે. ગયા અઠવાડિયે ભારતીય શેર માર્કેટમાં તેજી જોવા મળી હતી અને સોનાના ભાવમાં ઉછાળો નોંધાયો હતો. સેન્સેક્સ એક અઠવાડિયામાં 721.53 પોઈન્ટ (0.88 ટકા) વધ્યો હતો. આ દરમિયાન 24 કેરેટ સોનાના ભાવમાં 10 ગ્રામ દીઠ 230નો ઘટાડો થયો છે.

• સોનાના ભાવમાં ઘટાડો
  ગયા અઠવાડિયા એટલે કે, 15 સપ્ટેમ્બરના રોજ 24 કેરેટ સોનાનો ભાવ 10 ગ્રામ દીઠ 110,650 રૂપિયા હતો. પરંતુ 18 સપ્ટેમ્બર સુધીમાં આ ભાવ ઘટીને 109,530 રૂપિયા થઈ ગયો હતો. 20 સપ્ટેમ્બર શુક્રવારના રોજ 10 ગ્રામ સોનાનો ભાવ ઘટીને 110,420 રૂપિયા થઈ ગયો હતો. આમ આ અઠવાડિયે માર્કેટ બંધ થતાં સોનાના ભાવ 230 રૂપિયા પ્રતિ 10 ગ્રામ ઘટ્યા હતા.
  

આ સાથે MCX (મલ્ટિ કોમોડિટી એક્સચેન્જ) પર સોનાના ભાવમાં પણ આવો જ ટ્રેન્ડ જોવા મળ્યો હતો. 15 સપ્ટેમ્બરે 10 ગ્રામ 24 કેરેટ સોનાનો ભાવ 1,10,179 હતો જ્યારે 18 સપ્ટેમ્બરે આ ભાવ ઘટીને 1,09,052 થયો હતો. તો 19 સપ્ટેમ્બરે સોનાનો આ ભાવ 1,09,847 એ પહોંચ્યો હતો.

• શું છે ચાંદીના ભાવ?
  15 સપ્ટેમ્બરે એક કિલો ચાંદીનો ભાવ 1,29,350 રૂપિયા હતો. 17 સપ્ટેમ્બરે ચાંદીનો ભાવ ઘટીને 1,26,770 રૂપિયા થયો હતો. જોકે 19-20 સપ્ટેમ્બરે ચાંદીનો ભાવ વધીને 1,30,040 થી 1,30,050ની વચ્ચે પહોંચી ગયો હતો. આમ ચાંદીના ભાવમાં વધારો જોવા મળ્યો હતો.

વધુ વાંચો : સોમવારે શેરબજારમાં મચી શકે છે હલચલ, આ શેરોમાં તેજી જોવા મળી શકે

ઉલ્લેખનીય છે કે, ફોરેન માર્કેટ યુએસ કોમેક્સ પર સોનાના ભાવ 41.10 ડોલર મતલબ કે, 1.12 ટકા વધીને 3,719.40 ડોલર પ્રતિ ઔંસ સુધી પહોંચી ગઈ ગયા હતા. તો ચાંદીનો ભાવ 2.26 ટકા એટલે કે, 43.37 ડોલર પ્રતિ ઔંસ પર ટ્રેડ થઈ રહ્યો હતો.

(DISCLAIMER: બિઝનેસને લગતો આ આર્ટિકલ ન્યૂઝ આધારિત છે જેમાં રિસ્કનું પ્રમાણ વધુ હોય શકે છે, કોઈ પણ જગ્યાએ રોકાણ કે બિઝનેસને લગતો વહીવટ કરતી વખતે એક વખત માર્કેટ નિષ્ણાંતની સલાહ લેવી જરૂરી છે, vtvgujarati.com કોઈ પણ મુશ્કેલી માટે બંધનકર્તા રહેશે નહીં જેની ખાસ નોંધ લેવી.)

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ