OMG / આને કે'વાય નસીબ આડેથી પાંદડું હટવું! માછીમારના હાથે લાગી એવી ચીજ કે, જાણીને તમે પણ થઈ જશો ચકિત

• ઓડિશાના માછીમારોની રાતોરાત બદલાઈ કિસ્મત
• હાથમાં આવી 121 'તેલિયા ભોલા' માછલી
• કિંમત અંદાજે 2 કરોડ રૂપિયા

તમને જાણીને નવાઈ લાગશે કે આ માછલીઓની કિંમત અંદાજે 2 કરોડ રૂપિયા આંકવામાં આવી છે. આ દરેક માછલીનું વજન 18 કિલો કે તેથી વધુ હોવાનો અંદાજ છે. સૌથી આશ્ચર્યની વાત એ છે કે આ પહેલા ક્યારેય માછીમારોએ આટલી મોટી સંખ્યામાં 'તેલિયા ભોલા' માછલી પકડી નથી.

માછીમારોનું ભાવિ રાતોરાત ફેરવાઈ ગયું

ગયા વર્ષે પણ માછીમારોને દિઘા કિનારેથી તેલિયા ભોલા માછલી મળી હતી, પરંતુ તે સમયે તેમની સંખ્યા 30 હતી. જેની કિંમત એક કરોડ રૂપિયા હતી. પરંતુ આ વખતે માછલીઓની સંખ્યાએ તમામ રેકોર્ડ તોડી નાખ્યા છે. વર્ષના પ્રથમ મહિનામાં જ આટલી મોટી સંખ્યામાં તૈલી માછલી મળવાના કારણે માછીમારો ભારે ખુશ જોવા મળી રહ્યા છે. આ માછલીઓએ ઘણા માછીમારોને સમૃદ્ધ બનાવ્યા છે.

એક મોટા વેપારીના કહેવા પ્રમાણે, આ પ્રજાતિની માછલી ઊંડા સમુદ્રમાં જોવા મળે છે. તેને પકડવાના લોભમાં, માછીમારો દરિયાના તે ભાગોમાં જાય છે, જ્યાં તેમને જવાની મંજૂરી નથી કારણ કે તેમની કિંમત ઘણી વધારે છે. માછીમારોનું કહેવું છે કે આ ખાસ પ્રકારની માછલીની કિંમત સામાન્ય રીતે 13000 રૂપિયા પ્રતિ કિલો છે.

તાલચુઆ વિસ્તારમાંથી અનોખી માછલી મળી આવી હતી

ગયા વર્ષે, માછીમારોએ ઓડિશાના રાજનગરના તાલચુઆ વિસ્તારમાંથી એક અનોખી માછલી પકડી હતી. આ માછલી વેપારીને 10,000 રૂપિયા પ્રતિ કિલોના ભાવે વેચવામાં આવી હતી. માછલીની કિંમત લગભગ 2 લાખ રૂપિયા હતી. આ માછલીને મયુરી માછલી કહેવાતી. આ દુર્લભ પ્રજાતિની માછલીને જોવા માટે સ્થાનિક લોકો મોટી સંખ્યામાં ઉમટી પડ્યા હતા. તેને વેચતા પહેલા જાહેરમાં જોવા માટે પણ રાખવામાં આવેલ.

'તેલિયા ભોલા' માછલી આટલી મોંઘી કેમ?

તમને જણાવી દઈએ કે આ માછલીઓ આટલી મોંઘી થવા પાછળનું સૌથી મોટું કારણ એ છે કે તેના પેટમાં ઘણા ફાયદાકારક તત્વો હોય છે. આ માછલીના સૌથી મોટા ખરીદદારો ફાર્માસ્યુટિકલ કંપનીઓ છે. આ માછલીઓનો ઉપયોગ અનેક પ્રકારની દવાઓ બનાવવામાં થાય છે.