ટેક્નોલોજી / જૂના ફોનને ભંગાર સમજીને ફેંકી ન દેતા, કારણ કે રહસ્ય જાણશો તો ચોંકી જશો

આપણો ફોન જ્યારે બગડી જાય ત્યારે નવો ફોન લાવીએ, એટલે જૂનો ફોન કચરા તરીકે ફેંકી દઈએ છીએ. પરંતુ આવી ભૂલ ના કરવી જોઈએ. કેમ કે તેમાં અનેક કિંમતી ધાતુઓ હોય છે. તેમાંની અમુક ધાતુઓ ખરીદવા માટે ઘણો ખર્ચ પણ કરવો પડે છે. તો અમુક ધાતુઓ એવી હોય છે જેની માઇનિંગમાં ખુબ મહેનત કરવી પડે છે.

એક રિપોર્ટ અનુસાર, એક iPhone માં 0.034 ગ્રામ સોનું, 0.015 ગ્રામ પેલેડિયમ અને પ્લેટિનમ પણ થોડી માત્રામાં હોય છે. આ સિવાય તેમાં લગભગ 25 ગ્રામ એલ્યુમિનિયમ અને 15 ગ્રામ તાંબુ પણ હોય છે. એક ટન iPhoneમાં એક ટન સોનાના અયસ્ક કરતાં 300 ગણું વધુ સોનું અને એક ટન ચાંદીના અયસ્ક કરતાં 6.5 ગણું વધુ ચાંદી નીકળે છે.

આ સિવાય iPhoneમાં લેન્થાનમ, ટર્બિયમ, નિયોડાઇમિયમ, ગેડોલિનિયમ અને પ્રેસોડીમિયમ સહિત અનેક રેર અર્થ મટિરિયલ હોય છે, જેનું માઇનિંગ કઠિન હોય છે. એક યુનિટમાં આ ધાતુઓનું પ્રમાણ ખૂબ જ ઓછું હોય છે. પરંતુ 1 લાખ iPhones માં 3.4 કિલો સોનું, 1.6 ટન તાંબુ, 35 કિલો ચાંદી અને 1.5 કિલો પેલેડિયમ નીકળી શકે છે.

વધુ વાંચો : જો-જો ફ્રી WiFiની લાલચમાં ફસાતા! નહીંતર થઇ જશે મોટો કાંડ, સરકારનું એલર્ટ જાહેર

• ઈ-વેસ્ટ અંગે ચિંતા
  

વિશ્વભરમાં દર વર્ષે આશરે 2 અબજ લોકો તેમના ફોન અપગ્રેડ કરે છે. જેમાં મોટાભગના ફોનને કચરો સમજીને ભુલાવી દેવામાં આવે છે કે પછી સ્ટોર રૂમમાં મૂકી દેવામાં આવે છે. આવા ફોનમાંથી માત્ર 10 ટકા ફોન જ રિસાયકલ થાય છે. આવા ફોન દ્વારા ઉત્પન્ન થતા ઈ-વેસ્ટ અંગે પણ ચિંતા ઉપજી રહી છે. 

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ