NRI / વિદેશમાં કમાણીનું સપનું થશે પુરુ,વર્ક પરમિટ વગર મળશે કામ;જાણી લો નિયમો અને શરત

ભારતીય વિદ્યાર્થીઓમાંથી મોટા ભાગના વિદેશમાં અભ્યાસ કરતી વખતે પૈસા કમાવવા માંગે છે. વિદ્યાર્થીઓ એવા પાર્ટ-ટાઇમ નોકરીઓ શોધે છે જેમાં ભણતી વખતે કામ કરવાની મંજૂરી મળી રહે. દરેક દેશમાં આ શક્ય નથી.સ્ટુડન્ટ વિઝા પર વર્ક પરમિટ મળતું નથી. જો કોઈ આવું કોઈ કરે તો સ્ટુડન્ટ વિઝા કેન્સલ કરી દેવામાં આવે છે. જો તમે પણ સ્ટુડન્ટ છો અને ભણતા ભણતા નોકરી કરવા માંગો છો તો જાણીયે કે કયા દેશો નોકરી કરવાની મંજૂરી આપે છે.

કેનેડા હાયર એજ્યુકેશન આપવામાં ટોપ દેશમાંથી એક છે.લાખો વિદેશી વિદ્યાર્થીઓ અહીં આવે છે. આ દેશ વિદ્યાર્થીઓને પાર્ટ-ટાઇમ કામ કરવાની મંજૂરી આપવા માટે પણ જાણીતો છે. જો કે ચોક્કસ નિયમો અને શરતો લાગુ પડે છે. આ નીતિ અપનાવીને વિદ્યાર્થીઓ તેમના વિદ્યાર્થી વિઝા પર વર્ક પરમિટ મેળવી શકે છે જેનાથી તેઓ કેમ્પસની બહાર કામ કરી શકે છે.

તમને કામના કલાકો પર પૈસા મળે

કેનેડામાં નોકરીમાં કલાકદીઠ ધોરણે પગાલ આપવામાં આવે છે. આ નિયમ વિદ્યાર્થીઓને પણ લાગુ પડે છે. ઇમિગ્રેશન, રેફ્યુજીસ એન્ડ સિટીઝનશિપ કેનેડા (IRCC) અનુસાર કેનેડામાં કેમ્પસની બહાર કામ કરવા માંગતા ભારતીય વિદ્યાર્થીઓને અઠવાડિયામાં 24 કલાક સુધી કામ કરવાની મંજૂરી છે. આ નિયમ કેનેડામાં દરેક વિદેશી વિદ્યાર્થીને લાગુ પડે છે. પહેલા અઠવાડિયામાં ફક્ત 20 કલાક જ મંજૂરી આપવામાં આવતી હતી.

કેવા વિદ્યાર્થીઓ માટે નિયમ લાગુ પડે

આ નિયમ માત્ર એવા વિદેશી વિદ્યાર્થીઓ માટે છે જે કેનેડાની માન્ય (Designated Learning Institution – DLI) કોલેજ અથવા યુનિવર્સિટીમાં અભ્યાસ કરે છે.સરકાર આવા વિદ્યાર્થીઓને રહેવાના અને ખાવાના ખર્ચ પુરા કરવા અને કેનેડામાં કામ કરવાનો અનુભવ મેળવવા માટે વર્ક પરમિટ વગર કામ કરવાની મંજૂરી આપે છે.

આ પણ વાંચોઃ 'અમેરિકન વર્કર્સને ટ્રેઇન કરો, પછી...' ટ્રમ્પ સરકારનો નવો H-1B વિઝા પ્લાન, ભારતીયોને થશે અસર

આ ભૂલ ન કરો

વિદેશી વિદ્યાર્થીઓએ યાદ રાખવું જોઈએ કે કેનેડામાં કામ કરતી વખતે અઠવાડિયામાં 24 કલાકથી વધુ કામ ન કરવું. છ દિવસ માટે દિવસમાં ચાર કલાક કામ કરવાથી 24 કલાકનો વધારો થશે. જો સમય 24 કલાકથી વધુ થઈ જાય, તો કેનેડિયન સરકાર તમારા વિદ્યાર્થી વિઝા રદ કરશે અને તમને દેશનિકાલ કરવામાં આવશે.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ