ટ્રેન્ડિંગ / VIDEO: એક રૂપિયામાં ખરીદો iPhone 17! પાપા કી પરીનો ગજબ આઈડિયા, વીડિયો વાયરલ

જ્યારથી એપલ આઈફોન 17 પ્રો મેક્સ લોન્ચ થયો છે ત્યારથી જ તેનો ક્રેઝ જોવા મળી રહ્યો છે. અનેક લોકોનું માનવું છે કે, આઈફોનથી પર્સનાલિટી સારી પડે છે. આથી લોકો તેને ખરીદવા પ્રયાસ પણ કરતા હોય છે. પણ આ ફોન મોંઘો હોવાથી અનેક લોકોનું આઈફોન ખરીદવાનું સપનું એ સપનું જ રહી જાય છે. પણ સોશિયલ મીડિયામાં એક વીડિયો વાયરલ થઇ રહ્યો છે જેમાં એક છોકરી આ ફોન ખરીદવા માટે દાન માંગી રહી છે.  

ઉત્તર પ્રદેશના લખીમપુરની રહેવાસી "બ્યુટી ક્વીન" માહી સિંહ વીડિયો બનાવી તેના ફોલોઅર્સ પાસે એક કે બે રૂપિયાનું દાન માંગી રહી છે. આ ફોનની કિંમત આશરે 1.49 લાખ રૂપિયા છે. વીડિયોમાં તે કહી રહી છે કે, તેના પિતાએ તેને ત્રણ મહિના પહેલા જ એક આઈફોન 16 ભેટ આપ્યો હતો પરંતુ તેમને નવો એપલ ફોન લઇ આપવાનો ઇનકાર કરી દીધો છે. તે કહી રહી છે કે, આઈફોન 17 પ્રો હમણાં જ લોન્ચ થયો છે અને મને તેનો રંગ ખૂબ પસંદ છે.

આ યુવતીએ લોકોને અપીલ કરતા કહ્યું હતું કે, "જો તમે બધા એક - બે રૂપિયાની પણ મદદ કરો છો તો હું આ ફોન ખરીદી શકીશ, અને હું તમારી ખૂબ આભારી રહીશ. તેનાથી મારું સ્વપ્ન પૂરું થશે. મને આ ફોન એટલો ગમે છે કે મારી પાસે તેનું વર્ણન કરવા માટે શબ્દો પણ નથી."

વધુ વાંચો : VIDEO: આવો ડાન્સ તમે ક્યારેય નહીં જોયો હોય! જોઈને છોકરીઓ પણ શરમાઈ

સોશિયલ મીડિયા પ્લેટફોર્મ X (ટ્વિટર) પર @Sajid7642 નામના એકાઉન્ટથી શેર કરાયેલ આ વીડિયોને અત્યાર સુધી 39,000 થી વધુ વખત જોવામાં આવ્યો છે, જેમાં સેંકડો લાઈક્સ અને કોમેન્ટ્સ આવી રહી છે. જેમાં એક યુઝરે મજાકમાં લખ્યું હતું કે, "તારી કિડની જ વેચી દે ને" તો બીજા એક યુઝરે લખ્યું હતું કે, "રેલ્વે સ્ટેશન પર કટોરો લઈને બેસી જા".

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ