ટેક્નોલોજી / હોતું હશે? 61 રૂપિયામાં 1000 ચેનલ! ઑફર જોરદાર, આ રીતે કરાવો એક્ટિવેટ

આપણે બધાએ ટીવીના રિચાર્જ માટે દર મહિને ઓછામાં ઓછા 200 થી 300 રૂપિયા ખર્ચ કરવા પડે છે. જો એમાં OTT અથવા HD ચેનલો જેવી સર્વિસનો સમાવેશ કરવા જઈએ તો તેનો ખર્ચ 600 થી 1000 રૂપિયા સુધી થાય છે. પરંતુ જો તમને આ બધી સર્વિસ ફક્ત 61 રૂપિયામાં એક મહિના માટે મળે તો?  BSNL દ્વારા ગ્રાહકોને આ ઓફર કરવામાં આવી રહી છે. તો ચાલો આ પ્લાન વિષે જાણવાનો પ્રયાસ કરીએ.

• શું છે iFTV અથવા BiTV ?
  

iFTV મતલબ કે, ઇન્ટિગ્રેટેડ ફાઇબર ટીવી અથવા  Bharat Internet TV BSNL ની ડિજિટલ ટીવી અને OTT સર્વિસ છે. આ સર્વિસમાં હિન્દી, અંગ્રેજી અને પ્રાદેશિક ભાષા ચેનલો સહિત 500 થી વધુ લાઇવ SD અને HD ચેનલો મળે છે. વધુમાં, Netflix, Amazon Prime અને Disney+ Hotstar જેવા OTT પ્લેટફોર્મ પરનું કન્ટેન્ટ પણ મળે છે.  અને તેની શરૂઆતની કિંમત ફક્ત 61 રૂપિયા છે.

• આ રીતે શરૂ કરવી સર્વિસ
  BSNLની આ સર્વિસ કેવી રીતે એક્ટિવ કરવા માટે તમારે WhatsApp દ્વારા 18004444 પર સંપર્ક કરવાનો રહેશે. ત્યાર બાદ તમારે "Hi" લખીને અને આપેલા મેનૂમાંથી "Activate IFTV " પસંદ કરીને આ સર્વિસને એક્ટિવ કરી શકો છો.
  

વધુ વાંચો : પૈસા કરતાં પણ 'વધુ મળશે', જો તમે 5 વર્ષથી મોબાઈલ નંબર ન બદલ્યો હોય તો મળશે આ 5 લાભો!

• આ બાબતોનું રાખો ધ્યાન
   IFTV નો ઉપયોગ કરવા માટે તમારી પાસે BSNL ભારત ફાઇબર (FTTH) કનેક્શન હોવું જરૂરી છે, કારણ કે આ સર્વિસ ફક્ત આ કનેક્શન પર જ કાર્ય કરે છે.  સાથે એક્ટિવ બ્રોડબેન્ડ પ્લાન હોવો પણ જરૂરી છે. જેથી ઇન્ટરનેટ સ્પીડ સ્થિર બની રહે. IFTV ને સ્માર્ટ ટીવી, એન્ડ્રોઇડ ટીવી અથવા ફાયર સ્ટિક જેવા ડીવાઈસની જરૂર પણ પડે છે. કેમ કે ગ્રાહકોને સર્વિસ એક્ટિવ કરવા પર અલગ સેટ-ટોપ બોક્સ મળતું નથી. આ કિસ્સામાં ગ્રાહકોને તેને ઍક્સેસ કરવા માટે તેમના ટીવી પર Skypro અથવા PlayboxTV એપ્લિકેશન ઇન્સ્ટોલ કરવાની જરૂર હોય છે. યુઝર્સ તેમના FTTH નંબરનો ઉપયોગ કરીને આ એપ્લિકેશનમાં લોગ ઇન કરી શકે છે.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ