BRICS Summit 2026 / શી જીનપિંગ સહિત આજે કયા નેતાઓને મળશે PM મોદી? જાણો BRICSમાં આજે શું?

રાજધાની દિલ્હીમાં 18 મી બ્રિક્સ (BRICS) સમિટની તૈયારીઓ પૂર્ણ થઈ ગઈ છે. 12 અને 13સપ્ટેમ્બર, 2026ના રોજ યોજાનારી આ સમિટમાં બદલાતા વૈશ્વિક રાજકીય પરિદ્રશ્ય, વૈશ્વિક શાસન અને બહુપક્ષીયતા જેવા મુદ્દાઓ પર ચર્ચા કરવામાં આવશે. આ ઉપરાંત, બ્રિક્સ દેશોના નેતાઓ પશ્ચિમ એશિયા અને યુક્રેનમાં ચાલી રહેલા સંઘર્ષોની અસરો અંગે પણ વિચાર-વિમર્શ કરશે.

આ વર્ષે BRICSનું અધ્યક્ષપદ ભારત પાસે છે અને શિખર સંમેલનના કાર્યસૂચિમાં 'ગ્લોબલ સાઉથ'ને વિશેષ મહત્વ આપવામાં આવ્યું છે. ભારતનો ઉદ્દેશ્ય વિકાસશીલ દેશોની અર્થવ્યવસ્થાઓ પર યુદ્ધ અને તણાવની અસરોને ઘટાડવાનો છે. જેમાં ખાસ કરીને ખાદ્ય સુરક્ષા, ઊર્જા સુરક્ષા અને પુરવઠા શૃંખલાઓને મજબૂત કરવા માટે વ્યવહારુ ઉકેલો શોધવા પર ભાર મૂકવામાં આવ્યો છે.

Business forum, bilateral meetings and more…all the action from Bharat Mandapam today. pic.twitter.com/vUhQZqTMBF

— Narendra Modi (@narendramodi) September 11, 2026

12 સપ્ટેમ્બરે નેતાઓ સાથે મુલાકાતમાં વ્યસ્ત કાર્યક્રમ

વડાપ્રધાન નરેન્દ્ર મોદી શનિવાર, 12 સપ્ટેમ્બરના રોજ વિવિધ દેશોના ટોચના નેતાઓ સાથે દ્વિપક્ષીય બેઠકો યોજશે. દિવસની શરૂઆત ઇથોપિયાના વડાપ્રધાન અબી અહેમદ અલી સાથેની બેઠકથી થશે; બંને નેતાઓ વચ્ચેની આ બેઠક સવારે 10:00 વાગ્યે હૈદરાબાદ હાઉસ ખાતે નિર્ધારિત છે. ત્યારબાદ, સવારે 10:30 વાગ્યે વડાપ્રધાન મોદી મલેશિયાના વડાપ્રધાન અનવર ઈબ્રાહિમ સાથે મુલાકાત કરશે. આ બેઠક પણ હૈદરાબાદ હાઉસ ખાતે જ યોજાશે.આશરે અડધા કલાક બાદ, સવારે 11 વાગ્યે, મોદી અબુ ધાબીના ક્રાઉન પ્રિન્સ શેખ ખાલિદ બિન મોહમ્મદ બિન ઝાયેદ અલ નાહયાનને મળશે. સવારે 11.30 વાગ્યે, વડાપ્રધાન વિયેતનામના વડાપ્રધાન લે મિન્હ હંગ સાથે બેઠક કરશે. આ બેઠક પણ હૈદરાબાદ હાઉસ ખાતે યોજાશે. આ તમામ બેઠકો માટે ઓફિશિયલ ફોટો સેશનનું આયોજન કરવામાં આવ્યું છે.

રાષ્ટ્રપતિ ભવનમાં ઇરાન માટે રાષ્ટ્રપતિ સાથે મુલાકાત

આ દરમિયાન, રાષ્ટ્રપતિ ભવન ખાતે ઈરાનના રાષ્ટ્રપતિ મસૂદ પેઝેશ્કિયન સાથે એક બેઠક યોજાનાર છે. આ બેઠક સવારે 11:30 વાગ્યે થશે. પશ્ચિમ એશિયામાં પ્રવર્તમાન તણાવ વચ્ચે ભારત અને ઈરાનના ઉચ્ચ નેતૃત્વ વચ્ચેની વાતચીત વિશેષ મહત્વ ધરાવે છે. ભારતે લાંબા સમયથી પશ્ચિમ એશિયામાં શાંતિ અને સ્થિરતા તેમજ ઊર્જા પુરવઠા અને વેપારી સંબંધોને લગતા મુદ્દાઓ પર પોતાની ચિંતાઓ વ્યક્ત કરી છે. તેવામાં BRICS સમિટ દરમિયાન ઈરાન સાથેની વાતચીત પર પણ સૌની નજર રહેશે.

સાંજે શી જિનપિંગને મળશે પીએમ મોદી

વડાપ્રધાન નરેન્દ્ર મોદી શનિવારે સાંજે 5:45 વાગ્યે ચીનના રાષ્ટ્રપતિ શી જિનપિંગ સાથે બેઠક કરશે. આ બેઠક 'ભારત મંડપમ' ખાતે યોજાશે. આ બેઠક માટે કોઈ ઓફિશિયલ ફોટો સેશન રાખવામાં આવશે નહીં. વડાપ્રધાન મોદી અને શી જિનપિંગ વચ્ચેની આ બેઠકને BRICS સમિટની સૌથી મહત્વપૂર્ણ દ્વિપક્ષીય મુલાકાતોમાંની એક માનવામાં આવે છે. સરહદ, વેપાર અને પ્રાદેશિક સ્થિરતાને લગતા મુદ્દાઓ બંને દેશો વચ્ચે સતત મહત્વપૂર્ણ રહ્યા છે. આ બંને નેતાઓ વચ્ચેની વાતચીત ભારત-ચીન સંબંધોની ભવિષ્યની દિશા અંગે સંકેતો પૂરા પાડશે તેવી અપેક્ષા છે.

આ પણ વાંચોઃ LAC પર સીધી વાતચીત માટે PM મોદી અને શી જિનપિંગ મળી શકે છે, આજે BRICSમાં શું થશે?

ગ્લોબલ સાઉથના પડકાર પર ભારતનું જોર

BRICSના અધ્યક્ષપદ દરમિયાન, ભારતે વિકાસશીલ અને ઉભરતી અર્થવ્યવસ્થાઓ દ્વારા સામનો કરવામાં આવતા મુદ્દાઓને પ્રાથમિકતા આપી છે. યુક્રેન અને પશ્ચિમ એશિયામાં ચાલી રહેલા સંઘર્ષો ઊર્જાના ભાવ, ખાદ્ય પુરવઠા અને વૈશ્વિક વેપાર પર દબાણ વધારી શકે છે. ભારત એવા ઉપાયો શોધવા પર ધ્યાન કેન્દ્રિત કરી રહ્યું છે. જેથી આ સંકટોનો બોજ 'ગ્લોબલ સાઉથ'ના દેશો પર ઓછો પડે. નવી દિલ્હીમાં યોજાનારી આ પરિષદ એટલા માટે પણ મહત્વપૂર્ણ છે કારણ કે BRICS હવે પહેલાં કરતાં વધુ મોટું જૂથ બની ગયું છે. આ મંચના માધ્યમથી, ભારત વિકાસ, આર્થિક સહયોગ, ઊર્જા સુરક્ષા અને મજબૂત સપ્લાઇ ચેન જેવા મુદ્દાઓ પર સહિયારી રણનીતિ ઘડવાનું લક્ષ્ય ધરાવે છે.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ