અમદાવાદ / દારૂના નશામાં AMTS બસ ચાલકનો અકસ્માત, એલીસબ્રીજ પાસે ડિવાઈડર સાથે બસ ધડાકાભેર અથડાઈ

અમદાવાદમાં મંગળવાર રાત્રે એલીસબ્રીજ વિસ્તારમાં AMTS બસનો અકસ્માત સર્જાયો હતો. પ્રાથમિક માહિતી મુજબ બસનો ચાલક દારૂના નશામાં હોવાનું સામે આવ્યું છે. નશાની હાલતમાં બસ ચલાવતા ડ્રાઈવર રસ્તો ભૂલી જતા બસ ડિવાઈડર સાથે ધડાકાભેર અથડાઈ હતી.

ડ્રાઈવરે સીધી બસ ડિવાઈડર સાથે ટકરાવી દીધી

માહિતી અનુસાર, બસને એલીસબ્રીજના ચડાણ તરફ લઈ જવાને બદલે ડ્રાઈવરે સીધી બસ ડિવાઈડર સાથે ટકરાવી દીધી હતી. અકસ્માત થતાં આસપાસના લોકો એકત્ર થઈ ગયા હતા અને ઘટનાની જાણ પોલીસને કરવામાં આવી હતી. ઘટનાસ્થળે પહોંચેલી પોલીસે ડ્રાઈવરની અટકાયત કરી હતી. પોલીસના જણાવ્યા મુજબ, અટકાયત સમયે બસનો ચાલક બેભાન હાલતમાં હતો. ત્યારબાદ તેને કસ્ટડીમાં લઈ જરૂરી કાર્યવાહી હાથ ધરવામાં આવી હતી.

અકસ્માતમાં બસ ડિવાઈડર સાથે અથડાતાં વાહનને નુકસાન પહોંચ્યું

પ્રાથમિક તપાસમાં ડ્રાઈવર દારૂના નશામાં હોવાની માહિતી સામે આવી છે. હાલ પોલીસે સમગ્ર ઘટનાની વધુ તપાસ શરૂ કરી છે અને ડ્રાઈવરની પૂછપરછ ચાલી રહી છે. આ અકસ્માતમાં બસ ડિવાઈડર સાથે અથડાતાં વાહનને નુકસાન પહોંચ્યું હતું. જોકે પ્રાથમિક માહિતી મુજબ કોઈ જાનહાનિના સમાચાર સામે આવ્યા નથી. ઘટના બાદ પોલીસે સ્થળનું નિરીક્ષણ કરીને અકસ્માત કેવી રીતે સર્જાયો તેની તપાસ હાથ ધરી છે.

આ પણ વાંચો : LNG ભરેલા જહાજ પર હોર્મુઝમાં હુમલો, ગુજરાત પહોચે તે પહેલા ડ્રોન છોડાયું

પોલીસ હવે ડ્રાઈવર દારૂના નશામાં બસ ચલાવવા પાછળના કારણો તેમજ ઘટનાના તમામ પાસાઓની તપાસ કરી રહી છે. સાથે જ AMTS બસમાં સુરક્ષા અને ડ્રાઈવરોની જવાબદારીને લઈને પણ અનેક પ્રશ્નો ઊભા થયા છે. હાલ પોલીસે ડ્રાઈવરની અટકાયત કરીને વધુ પૂછપરછ શરૂ કરી છે અને સમગ્ર મામલે કાયદેસરની કાર્યવાહી આગળ વધારી રહી છે.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ