6 ફોટો ગેલેરી

નેશનલ / વીજળી કડાકા-ભડાકા, 70ની સ્પીડે તોફાન, રક્ષાબંધનના દિવસે આ રાજ્યોમાં મેઘો ભુક્કાં બોલાવશે

Last Updated: 12:27 AM, 28 August 2026

FOLLOW ON

શેર કરો

દેશભરમાં ચોમાસું ભારે સક્રિય થતાં હવામાન વિભાગે પહાડી પ્રદેશોથી લઈને મેદાની રાજ્યો સુધી મુસળધાર વરસાદ અને વાવાઝોડાનું એલર્ટ જાહેર કર્યું છે.

1/6

1. વીજળી કડાકા-ભડાકા, 70ની સ્પીડે તોફાન, રક્ષાબંધનના દિવસે આ રાજ્યોમાં મેઘો ભુક્કાં બોલાવશે

સમગ્ર દેશમાં હાલ ચોમાસાનો પાવરફુલ સ્પેલ ચાલી રહ્યો છે, જેના પરિણામે ઉત્તરથી લઈને દક્ષિણ અને પૂર્વથી લઈને પશ્ચિમ ભારતના મોટાભાગના રાજ્યોમાં મેઘરાજા ધમાકેદાર બેટિંગ કરી રહ્યા છે. હવામાન વિભાગે દેશના અનેક વિસ્તારોમાં વીજળીના કડાકા-ભડાકા, ભારે આંધી-વાવાઝોડું અને મુસળધાર વરસાદનું રેડ અને ઓરેન્જ એલર્ટ જારી કર્યું છે.

આ તસવીર શેર કરો

2/6

2. 70 કિમીની ઝડપે ફૂંકાશે પવન

પૂર્વ ભારતમાં મોસમ સૌથી વધુ રૌદ્ર સ્વરૂપ ધારણ કરી શકે છે. આંદામાન અને નિકોબાર ટાપુ સમૂહમાં 70 કિલોમીટર પ્રતિ કલાકની ભયાનક ઝડપે પવન ફૂંકાવાની અને ભયાનક વાવાઝોડું આવવાની ચેતવણી આપવામાં આવી છે. આ ઉપરાંત ગંગા કિનારાના પશ્ચિમ બંગાળ, સિક્કિમ, ઝારખંડ અને ઓડિશામાં તીવ્ર પવન સાથે વરસાદની શક્યતા છે. બિહારમાં મધ્યમથી લઈને અત્યંત તીવ્ર વીજળી પડવાનું જોખમ તોળાઈ રહ્યું છે.

આ તસવીર શેર કરો

3/6

3. પહાડી રાજ્યો અને પૂર્વ ઉત્તર પ્રદેશમાં આફતનો વરસાદ

ઉત્તર ભારતની વાત કરીએ તો જમ્મુ-કાશ્મીર, લડાખ, ઉત્તરાખંડ અને હિમાચલ પ્રદેશમાં આકાશી આફત જેવા મુસળધાર વરસાદનું એલર્ટ છે. પહાડી વિસ્તારોમાં લેન્ડસ્લાઈડ (ભૂસ્ખલન) નું જોખમ પણ વધી ગયું છે. બીજી તરફ, પૂર્વ ઉત્તર પ્રદેશમાં વીજળીના કડાકા અને ભારે વાવાઝોડા સાથે ભારેથી અતિભારે વરસાદની આશંકા વ્યક્ત કરવામાં આવી છે.

આ તસવીર શેર કરો

4/6

4. પૂર્વોત્તર રાજ્યોમાં ભારેથી અતિભારે વરસાદ

પૂર્વોત્તર ભારતના અરૂણાચલ પ્રદેશ, નાગાલેન્ડ, મણિપુર, મિઝોરમ, ત્રિપુરા, અસમ અને મેઘાલયમાં મેઘરાજા કહેર વર્તાવી રહ્યા છે. આ તમામ રાજ્યોમાં ગાજવીજ અને વાવાઝોડા સાથે ભારે વરસાદ માટે ચેતવણી જાહેર કરવામાં આવી છે.

આ તસવીર શેર કરો

5/6

5. ગુજરાત અને પશ્ચિમ ભારતનો મિજાજ

પશ્ચિમ ભારતમાં કંકણ અને ગોવાના વિસ્તારોમાં ધોધમાર વરસાદ વરસી રહ્યો છે. ગુજરાત, સૌરાષ્ટ્ર, કચ્છ અને મધ્ય મહારાષ્ટ્રમાં પણ હળવાથી મધ્યમ અને કેટલાક સ્થળોએ ભારે વરસાદી ઝાપટાં પડવાની હવામાન વિભાગે આગાહી કરી છે.

આ તસવીર શેર કરો

6/6

6. દક્ષિણ ભારતમાં પણ આંધી-તોફાનનું એલર્ટ

દક્ષિણ ભારત તરફ નજર કરીએ તો દરિયાકાંઠાના આંધ્રપ્રદેશ, યાનમ, ઉત્તર અને દક્ષિણ આંતરિક કર્ણાટક, રાયલસીમા, તેલંગાણા, તમિલનાડુ, પુડુચેરી, કડાઇકલ, કેરળ અને માહેમાં ગાજવીજ સાથે તીવ્ર વરસાદી માહોલ રહેશે. ખાસ કરીને તમિલનાડુ અને આંતરિક કર્ણાટકમાં ભારે પવન સાથે વીજળી પડવાની શક્યતા છે.

આ તસવીર શેર કરો

સંકળાયેલા મુદ્દાઓ

WeatherUpdate HeavyRainfall MonsoonAlert