Video / જીમમાં એક્સરસાઈઝ કરનારા ચેતજો! એક નાની ભૂલથી જીવનું જોખમ, જુઓ વીડિયો

દરેક વ્યક્તિ એ ચાહે સ્ત્રી હોય કે પુરુષ તે  સારી અને ટોન બોડી ઈચ્છે છે. આથી તેઓ ફીટ રહેવા પ્રયાસ પણ કરતા હોય છે. જેના માટે જીમ જોઈન કરવું અથવા ઘરે જ કસરત કરવામાં આવતી હોય છે. કેટલાક યુવાનો તો ફક્ત છોકરીઓને ઇમ્પ્રેશ કરવા જ જીમ જોઈન કરતા હોય છે. તો અમુક તેને પોતાનું પેશન બનાવી દે છે. જેમાં બોડી બિલ્ડીંગનું જુનૂન અમુક વખત એટલી ચરમસીમાએ પહોંચી જાય છે કે તેઓ આડેધડ કસરતો કરવા લાગે છે. આવો જ એક વીડિયો સોશિયલ મીડીયામાં ધ્યાને આવ્યો છે.

ઘણા લોકો જીમમાં ગયા બાદ તરત જ કટિંગ બોડી બનાવી દેવાનો પ્રયાસ કરે છે, પરંતુ તે જલ્દી શક્ય નથી હોતું. બાદમાં તેઓ ઈગો લિફ્ટિંગ કરવાનું શરૂ કરી દે છે. જેના કારણે તેમને ખરાબ પરિણામ ભોગવવા પડે છે. આવો જ એક વીડિયો સામે આવ્યો છે.

સોશિયલ મીડિયા પ્લેટફોર્મ X પર પોસ્ટ થયેલા વીડિયોમાં જોઇ શકાય છે કે, એક યુવકે જેવું જ બોર્બલ વેટ ઉઠાવવાનો પ્રયાસ કર્યો ત્યારે તેની ગરદન તેનાથી દબાઈ જાય છે. જેના કારણે તેનો ચહેરો લાલઘૂમ થઈ જાય છે. જેમાં તે બોર્બલ વેટને ગરદન પરથી હટાવવાનો પ્રયાસ કરે છે પણ તે નથી કરી શકતો, જેથી તે તરફડીયા મારવા લાગે છે.

વધુ વાંચો : સિંહ ફક્ત જંગલનો જ રાજા..! તબેલામાં ઘૂસેલા ડાલામથ્થાને ભેંસોએ શિંગડે ચઢાવ્યો, માંડ માંડ બચાવ્યો જીવ, VIDEO વાયરલ

આ વીડિયોમાં છેલ્લે એમ તો સ્પષ્ટ નથી થતું કે, તેમાં યુવકનો બચાવ થઈ ગયો કે, તેનું મૃત્યુ થઈ ગયું. આ વીડિયો ક્યાંનો છે અને ક્યારનો છે તે પણ સ્પષ્ટ નથી થયું.  વીડિયોથી જીમ કરવાવાળાને એવી તો શીખ જરૂરથી મળી છે કે, કેપેસિટી બહાર જઈને ઈગો લિફ્ટિંગ ન કરવુ જોઈએ.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ