ગાંધીનગર / રોડ પર અચાનક ટ્રેલર નીચે કૂદી યુવકે જીવન ટૂંકાવી દીધું, LIVE દ્રશ્યો CCTVમાં કેદ!

ગાંધીનગર: પાટનગર ગાંધીનગર જિલ્લામાંથી એક ચોંકાવનારી ઘટના સામે આવી છે. દહેગામ-અમદાવાદ રોડ પર એક યુવકે ટ્રક નીચે પડતું મૂકીને જીવન ટૂંકાવ્યું હોવાની ઘટના સામે આવી છે. સમગ્ર ઘટના નજીકના CCTV કેમેરામાં કેદ થઈ હોવાનું જાણવા મળ્યું છે.

ઘટનાના પગલે આસપાસના લોકોમાં ચકચાર મચી

મળતી માહિતી મુજબ, દહેગામ-અમદાવાદ રોડ પર યુવક રસ્તા પરથી પસાર થઈ રહ્યો હતો. આ દરમિયાન તેણે અચાનક ટ્રક નીચે પડતું મૂક્યું હતું. ઘટનાના પગલે આસપાસના લોકોમાં ચકચાર મચી ગઈ હતી.

પોલીસ ટીમ સ્થળ પર પહોંચી

ઘટનાની જાણ થતાં પોલીસ ટીમ સ્થળ પર પહોંચી હતી અને જરૂરી કાર્યવાહી હાથ ધરી હતી. પોલીસે CCTV ફૂટેજના આધારે સમગ્ર ઘટનાની તપાસ શરૂ કરી છે.

યુવકે કયા કારણોસર આ અંતિમ પગલું ભર્યું તે અંગે હજુ સ્પષ્ટતા થઈ નથી. પોલીસ દ્વારા પરિવારજનો અને સંબંધિત લોકોની પૂછપરછ સહિત વિવિધ પાસાંઓની તપાસ કરવામાં આવી રહી છે.

આ પણ વાંચોઃ તહેવારો વચ્ચે મોટા સમાચાર, અમદાવાદમાં 4 દિવસ રિક્ષા-ટેક્સીની હડતાળ, Ola-Uber સહિતની સેવાઓ સામે ડ્રાઈવરોનો નિર્ણય!

આ ઘટનાને પગલે દહેગામ વિસ્તારમાં પણ ચકચાર મચી છે. પોલીસની તપાસ પૂર્ણ થયા બાદ ઘટનાનું ચોક્કસ કારણ સામે આવી શકે છે.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ