ક્રાઈમ / હોટલમાં રોકાણા, રાતે બોયફ્રેન્ડે ગર્લફ્રેન્ડને છરી હૂલાવી દીધી, પછી પોતે ઝેર ખાઈને આપઘાતનો કર્યો પ્રયાસ

દિલ્હીના લાહોરી ગેટ વિસ્તારમાં આવેલી હોટેલ પ્રિન્સમાં એક યુવતીની છરીના ઘા મારીને હત્યા કરવામાં આવી હતી. આ ઘટના બાદ તેના પ્રેમીએ ઝેર પીને આત્મહત્યા કરવાનો પ્રયાસ કર્યો હતો. આરોપી પુરુષને ગંભીર હાલતમાં હોસ્પિટલમાં દાખલ કરવામાં આવ્યો છે અને તેની સારવાર ચાલી રહી છે.

આ દંપતી હોટલમાં સાથે રોકાયા હતા

આ સનસનાટીભરી ઘટના જૂની દિલ્હીના લાહોરી ગેટ વિસ્તારમાં આવેલી હોટેલ પ્રિન્સમાં બની હતી. યુવતી અને યુવક બુધવારે સાંજે હોટલમાં રહેવા આવ્યા હતા. યુવતીની તેના હોટલના રૂમમાં છરીના ઘા મારીને હત્યા કરવામાં આવી હતી, અને તેના બોયફ્રેન્ડ પર આ ગુનાની શંકા છે. તેની ગર્લફ્રેન્ડની હત્યા કર્યા પછી, આરોપી યુવકે ઝેર પીને આત્મહત્યા કરવાનો પ્રયાસ કર્યો હતો.

યુવતી બિહારની, યુવક રાજસ્થાનનો

આ ઘટનાની વિગતો આપતાં પોલીસે જણાવ્યું હતું કે મૃતક મહિલા બિહારની હતી, જ્યારે યુવક રાજસ્થાનનો હતો. બંને બુધવારે હોટલમાં પહોંચ્યા હતા. હોટલ સ્ટાફને તેમના રૂમમાં કંઈક શંકાસ્પદ લાગ્યું, ત્યારે તેઓ તપાસ કરવા માટે અંદર ગયા. આ દરમિયાન સ્ટાફે એક યુવતીને ઘાયલ અને લોહીથી લથપથ હાલતમાં પડેલી જોઈ. મહિલા સાથે એક યુવક પણ બેભાન હાલતમાં પડ્યો હતો. પોલીસે બંનેને હોસ્પિટલમાં લઈ ગયા. ત્યાં ડોક્ટરોએ મહિલાને મૃત જાહેર કરી, જ્યારે યુવકની સારવાર ચાલી રહી છે.

વધુ વાંચો : સ્પા-કૂટણખાનામાંથી પકડાયેલા ગ્રાહક સામે કેસ ન કરી શકાય- ગુજરાત HCનો મોટો ચુકાદો

પ્રેમસંબંધમાં બનાવ બન્યો હોવાની પોલીસને આશંકા

ઘટનાની જાણ થતાં, પોલીસ ટીમ બંનેને હોસ્પિટલ લઈ ગઈ. ડોક્ટરોએ તેમને મૃત જાહેર કર્યા પછી, યુવતીના મૃતદેહને પોસ્ટમોર્ટમ માટે મોકલવામાં આવ્યો. પોલીસે તેમના પરિવારજનોને પણ ઘટના વિશે માહિતી આપી. પોલીસે જણાવ્યું કે, પ્રથમ દ્રષ્ટિએ, આ મામલો પ્રેમ સંબંધનો લાગે છે. બંને વચ્ચેનો ઝઘડો હત્યા સુધી પહોંચી ગયો હોઈ શકે છે. પોલીસ હાલમાં આ મામલાની તપાસ કરી રહી છે અને ટૂંક સમયમાં કેસનો ઉકેલ લાવશે.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ