અમેરિકા / હવે આ આધાર પર જ મળશે H-1B વિઝા, પ્રોસેસમાં મસમોટો ફેરફાર, વાંચે ભારતીયો

H-1B Visa: અમેરિકાના રાષ્ટ્રપતિ ડોનાલ્ડ ટ્રમ્પે H-1B Visa ફી વધારીને 1 લાખ ડોલર કરી દીધા પછી હવે પસંદગી પ્રક્રિયામાં મોટો ફેરફાર કર્યો છે. અમેરિકાના ડીપાર્ટમેન્ટ ઓફ હોમલેન્ડ સિક્યોરિટીએ મંગળવારે નવા ડ્રાફ્ટ જાહેર કરીને જણાવ્યું કે હવે વિઝા પસંદગીમાં લોટરી સિસ્ટમને ખતમ કરીને 'સેલરી અને સ્કીલ્સ આધારિત' સિસ્ટમ અપનાવવામાં આવશે.

પ્રસ્તાવિત સિસ્ટમ અંતર્ગત, અરજદારોએ તેમના ઓક્યુપેશનલ એમ્પ્લોયમેન્ટ એન્ડ વેજ સ્ટેટેસ્ટિકસ (OEWS) વર્ગીકારણને આધારે પ્રાથમિકતા મળશે. પગાર સ્તર એકથી ચાર સુધી નક્કી થશે, જેમાં લેવલ 4 અરજદારને પસંદગી પૂલમાં ચાર એન્ટ્રી મળશે અને લેવલ એકના અરજદારને એક એન્ટ્રી મળશે.

જોકે, દરેક અરજદારને સંખ્યા ગણતરીમાં ફક્ત એક જ વાર ગણવામાં આવશે. ટ્રમ્પ વહીવટીતંત્રના કહેવા પ્રમાણે, આ સુધારા નોકરીદાતાઓને વધુ સારું વેતન આપવા અને વધુ લાયક ઉમેદવારો પસંદ કરવા માટે પ્રોત્સાહિત કરશે. ડીપાર્ટમેન્ટ ઓફ હોમલેન્ડ સિક્યોરિટીએ અંદાજો લગાવ્યો છે કે આ ફેરફારથી H-1B કર્મચારીઓની વાર્ષિક આવકમાં પહેલા વર્ષથી જ લગભગ 502 મિલિયન ડોલરનો વધારો થશે.

H-1B Visa Process: નાના સંગઠનો પર થશે અસર

નવી પસંદગી પ્રક્રિયા નવા સંગઠનો માટે પડકાર સાબિત થઈ શકે છે, ખાસ કરીને એ સંસ્થાઓ માટે જે વેતન સ્તર એકના કર્મચારીને ભરતી કરે છે. દરેક ખાલી પદ પર તેમને લગભગ 85,006 ડોલર સુધી વધારાનો ખર્ચો કરવો પડી શકે છે. જયારે વધારે પગારવાળા કર્મચારીઓને નોકરી આપતા નાના સંગઠનોની પસંદગીની સંભાવના પહેલા કરતા વધુ સારી થઈ જશે. આ પગલું ટ્રમ્પ તંત્રની કડક ઇમિગ્રેશન નીતિનો ભાગ માનવામાં આવે છે.

H-1B Visa Fee: 21 સપ્ટેમ્બરથી લાગુ થઈ નવી ફી

અમેરિકાની સરકારે H-1B Visaની ફીમાં ભારે ભરખમ વધારો કર્યો છે, જેનાથી ભારતીય આઈટી કંપનીઓ અને પ્રોફેશનલ્સ પર મોટી અસર થઈ શકે છે. નવી ફી પ્રમાણે, હવે અમેરિકન કંપનીઓએ દરેક H-1B Visa એપ્લિકેશન માટે 1 લાખ ડોલર એટલે કે લગભગ 88 લાખ રૂપિયા ભરવા પડશે. ફીમાં આ વધારો 21 સપ્ટેમ્બરથી લાગુ થઈ ગયો છે.

આ પણ વાંચો: 'NATO એરસ્પેસમાં રશિયાના વિમાન દેખાય એટલે...', ટ્રમ્પે આપી દીધી ખુલ્લી છૂટ

શા માટે વધારવામાં આવી ફી?

અમેરિકન સરકારનું માનવું છે કે H-1B Visa પ્રોગ્રામનો ખોટો ઉપયોગ થઈ રહ્યો હતો, જેનાથી અમેરિકન કર્મચારીઓનો પગાર ઘટી રહ્યો હતો અને યુવાનોને નોકરી મળી રહી ન હતી. આ વધારાનો હેતુ અમેરિકન કંપનીઓને વિદેશી કર્મચારીઓને બદલે અમેરિકન કર્મચારીઓને પ્રાથમિકતા આપવા માટે પ્રોત્સાહિત કરવાનો છે.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ