5 ફોટો ગેલેરી

કામની વાત / CNG પેટ્રોલ-ડીઝલ કરતાં સસ્તો કેમ? શું ખરેખર માઈલેજ પણ વધારે આપે છે? જાણો કારણ

Last Updated: 05:15 PM, 1 September 2026

FOLLOW ON

શેર કરો

CNG ના ભાવ વધ્યા છતાં પેટ્રોલ-ડીઝલ કરતાં હજુ પણ તે સસ્તું અને વધુ માઈલેજ આપનારી છે. રોજેરોજ વધુ અંતર કાપનારા વાહન માલિકો માટે તે હજુ પણ આર્થિક રીતે ફાયદાકારક ઓપ્શન મનાય છે.

1/5

1. CNGના ભાવ

દિલ્હી પછી હવે મુંબઈમાં પણ CNGના ભાવ વધી ગયા છે. દિલ્હીમાં હાલનો ભાવ 87 રૂપિયા અને મુંબઈમાં 88 રૂપિયા પ્રતિ કિલોગ્રામ છે. છેલ્લા 5-6 વર્ષમાં CNGના ભાવ લગભગ બમણા થઈ ગયા છે છતાં પેટ્રોલ અને ડીઝલની તુલનામાં તે હજુ પણ સસ્તું સાબિત થાય છે. એટલે જ લોકો CNGના વાહનો તરફ વળી રહ્યા છે.

આ તસવીર શેર કરો

2/5

2. કેમ વધે છે CNGના ભાવ?

CNGનું પૂરું નામ કમ્પ્રેસ્ડ નેચરલ ગેસ છે જે મુખ્યત્વે મિથેનથી બને છે. તેના ભાવ ઇન્ટરનેશનલ બજારમાં કુદરતી ગેસના ભાવ, ઈમ્પોર્ટ, પરિવહન, પાઈપલાઈન અને વિતરણના ખર્ચ તેમજ સરકારી નીતિઓ અને ટેક્સ પર આધાર રાખે છે. એટલે જ દરેક શહેરમાં ભાવ અલગ હોય છે.

આ તસવીર શેર કરો

3/5

3. પેટ્રોલ-ડીઝલ કેમ વધુ મોંઘા?

પેટ્રોલ અને ડીઝલ ક્રૂડ ઓઈલમાંથી બને છે. ઇન્ટરનેશનલ બજારમાં ક્રૂડના ભાવ સતત બદલાતા રહે છે. જેમાં રિફાઈનરીની પ્રક્રિયા, પરિવહન, ડીલર કમિશન અને કેન્દ્ર તેમજ રાજ્ય સરકારના ભારે ટેક્સને કારણે આ ભાવ વધી જાય છે. હાલ મુંબઈમાં પેટ્રોલ 111 રૂપિયા અને દિલ્હી-નોઈડામાં આશરે 102 રૂપિયા પ્રતિ લીટર છે.

આ તસવીર શેર કરો

4/5

4. માઈલેજની વાત

CNG સસ્તુ પડવાનું એક મોટું કારણ તેની વધુ સારી માઈલેજ છે. જેમાં કે હ્યુન્ડાઈ ઓરા કાર CNGપર લગભગ 25 કિમી પ્રતિ કિલો ચાલે છે જ્યારે પેટ્રોલ પર તેની એવરેજ આશરે 15 કિમી પ્રતિ લીટર આવે છે. આથી CNG પર ચાલવાનો ખર્ચ આશરે 4 રૂપિયા પ્રતિ કિમી રહે છે જ્યારે પેટ્રોલ પર તે 7 રૂપિયા જેટલો થાય છે. જો કોઈ વ્યક્તિ રોજ 100 કિમી ચલાવે અને મહિને 3000 કિમી પૂરા કરે તો CNGમાં આશરે 120 કિલો વપરાશ થાય અને 100 રૂપિયા પ્રતિ કિલોના ભાવે મહિનાનો ખર્ચ 12000 રૂપિયા થાય. પેટ્રોલ પર સમાન અંતર માટે લગભગ 200 લીટર લાગે અને ખર્ચ 20000 રૂપિયા થાય. આમ મહિને આઠ હજાર રૂપિયાની બચત થઈ શકે છે.

આ તસવીર શેર કરો

5/5

5. ફાયદા સાથેની મર્યાદાઓ

CNG વાહનોમાં ઓક્ટેન સ્તર વધુ હોવાથી એન્જિન સારું પરફોર્મ કરી શકે છે અને કાર્બન જમા થવાનું પ્રમાણ ઓછું રહે છે. પરંતુ દેશના તમામ શહેરોમાં સ્ટેશન સરળતાથી ઉપલબ્ધ નથી ક્યારેક લાંબી લાઈનો પણ લાગે છે. વાહનની શરૂઆતી કિંમત પણ પેટ્રોલ મોડલ કરતાં વધુ હોય છે. રોજેરોજ લાંબું અંતર કાપનારા, ઓટો-ટેક્સી ચાલકો અને ડિલિવરી વાહનો માટે CNG વધુ ફાયદાકારક સાબિત થાય છે.

આ તસવીર શેર કરો

સંકળાયેલા મુદ્દાઓ

CNG vehicles CNG price increase price