વલસાડ / ઉમરગામ GIDCમાં એવરગ્રીન ફૂડ પર દરોડા, ₹26.81 લાખનો 4,668 કિલો હિંગનો જથ્થો સીઝ

વલસાડના ઉમરગામ GIDC વિસ્તારમાં ફૂડ એન્ડ ડ્રગ્સ વિભાગ દ્વારા કાર્યવાહી કરવામાં આવી છે. વિભાગની ટીમે એવરગ્રીન ફૂડ કંપનીમાં દરોડો પાડી મોટી માત્રામાં હિંગનો જથ્થો સીઝ કર્યો છે. આ કંપનીમાં એવરેસ્ટ બ્રાન્ડની હિંગનું ઉત્પાદન કરવામાં આવતું હોવાનું જાણવા મળ્યું છે.

રૂ. 26 લાખ 81 હજાર હોવાનું અધિકારીઓએ જણાવ્યું

ફૂડ એન્ડ ડ્રગ્સ વિભાગે કંપનીમાંથી કુલ 4,668 કિલોગ્રામ હિંગનો જથ્થો સીઝ કર્યો છે, જેની અંદાજિત કિંમત રૂ. 26 લાખ 81 હજાર હોવાનું અધિકારીઓએ જણાવ્યું છે. દરોડા દરમિયાન અધિકારીઓએ હિંગના સેમ્પલ પણ લીધા હતા. આ સેમ્પલને ગુણવત્તા અને નિયમોના પાલનની તપાસ માટે લેબોરેટરીમાં મોકલવામાં આવ્યા છે. મળતી માહિતી મુજબ સેમ્પલ તપાસ માટે રાજકોટ મોકલવામાં આવ્યા છે.

કંપનીમાંથી 4,668 કિલોગ્રામ હિંગનો જથ્થો સીઝ કરવામાં આવ્યો

ફૂડ એન્ડ ડ્રગ્સ વિભાગના અધિકારી આશિષ વલવીએ કાર્યવાહી અંગે માહિતી આપતા જણાવ્યું હતું કે, કંપનીમાંથી 4,668 કિલોગ્રામ હિંગનો જથ્થો સીઝ કરવામાં આવ્યો છે. હિંગના સેમ્પલ તપાસ માટે રાજકોટ મોકલવામાં આવ્યા છે.

આ પણ વાંચોઃ લોનના બહાને દોસ્તી કરી, ક્રેડિટ કાર્ડ સ્વાઈપ કરાવ્યું અને પરિવારને ડૂબાડ્યો દેવામાં

લેબોરેટરીનો રિપોર્ટ આવ્યા બાદ નિયમોનુસાર આગળની કાયદેસરની કાર્યવાહી

અધિકારીના જણાવ્યા અનુસાર, લેબોરેટરીનો રિપોર્ટ આવ્યા બાદ નિયમોનુસાર આગળની કાયદેસરની કાર્યવાહી કરવામાં આવશે. હાલ વિભાગ દ્વારા સીઝ કરાયેલા જથ્થા અંગેની કાર્યવાહી પૂર્ણ કરી સેમ્પલના રિપોર્ટની રાહ જોવામાં આવી રહી છે. આ કાર્યવાહી બાદ હિંગની ગુણવત્તા અને કંપની દ્વારા ફૂડ સેફ્ટીના નિયમોનું પાલન કરવામાં આવ્યું હતું કે નહીં તે અંગેનો ખુલાસો લેબોરેટરી રિપોર્ટ આવ્યા બાદ થશે.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ