ક્રિકેટ / WI વિરૂદ્ધ T20 સિરીઝમાં ટીમ ઈન્ડિયાની એ 5 નબળાઈ, જેને વધાર્યું ગૌતમ ગંભીરનું ટેન્શન

ભારત અને વેસ્ટ ઇન્ડિઝ વચ્ચે રમાયેલી પાંચ ટી-20 મેચોની સિરીઝ 2-2 ની બરાબરી પર સમાપ્ત થઈ છે. સમગ્ર સિરીઝ દરમિયાન બંને ટીમો વચ્ચે કાંટાની ટક્કર જોવા મળી હતી. જો કે, સિરીઝની અંતિમ અને નિર્ણાયક મેચ વરસાદના કારણે ધોવાઈ ગઈ હતી, જેનાથી કોઈ જ પરિણામ આવી શક્યું ન હતું. આ સિરીઝ પૂરી થયા બાદ ટીમ ઈન્ડિયાના કેપ્ટન શ્રેયસ અય્યર પોતાના ખેલાડીઓના પ્રદર્શનથી નાખુશ નજરે પડ્યા, કારણ કે 2-1 ની સરસાઈ હોવા છતાં યજમાન ટીમ ખિતાબ પોતાના નામે કરી શકી નહીં. આ સ્થિતિમાં ચાલો જાણીએ ભારતીય ટીમની એવી પાંચ નબળાઈઓ વિશે, જેણે મુખ્ય પ્રશિક્ષક ગૌતમ ગંભીરની ચિંતા ચોક્કસપણે વધારી દીધી હશે.

ડેથ ઓવરોમાં ઝડપી બોલરોનું નિરાશાજનક પ્રદર્શન

વેસ્ટ ઇન્ડિઝ સામેની ટી-20 સિરીઝમાં ટીમ ઈન્ડિયાની સૌથી મોટી નબળાઈ ડેથ ઓવરોમાં બોલરોનું નબળું પ્રદર્શન રહી હતી. ખાસ કરીને રાંચી અને હૈદરાબાદમાં રમાયેલી મેચમાં વેસ્ટ ઇન્ડિઝના બેટ્સમેનોએ ભારતીય બોલરોની જબરદસ્ત ધોલાઈ કરી હતી, જેના કારણે યજમાન ટીમે મેચ પણ ગુમાવવી પડી હતી.

ભારતીય સ્પિન બોલરોની નિરાશા

વેસ્ટ ઇન્ડિઝ સામેની ટી-20 સિરીઝમાં ભારતીય ટીમના સ્પિન બોલરોએ પણ નિરાશ કર્યા હતા. મિડલ ઓવરોમાં ભારતીય સ્પિનરો કેરેબિયન બેટ્સમેનો પર અંકુશ રાખવામાં નિષ્ફળ સાબિત થયા. વેસ્ટ ઇન્ડિઝના બેટ્સમેનોએ સ્પિન બોલિંગ સામે સહજતાથી રન બનાવ્યા અને ખુલીને ચોગ્ગા-છગ્ગા ફટકાર્યા, જેનાથી ભારતીય ટીમ બેકફૂટ પર આવી ગઈ.

પાવરપ્લેમાં ભારતીય ટીમ દ્વારા વિકેટો ગુમાવવી

ભારતીય ટીમે વેસ્ટ ઇન્ડિઝ સામેની ટી-20 સિરીઝમાં પાવરપ્લેનો યોગ્ય ઉપયોગ કર્યો ન હતો. કેટલીક મેચોમાં ઓપનિંગ જોડીએ સારી શરૂઆત અપાવી હતી, પરંતુ તેઓ પોતાની વિકેટ બચાવી શક્યા નહીં. તેનું પરિણામ એ આવ્યું કે રન રેટ મંદ પડી ગયો અને નવા બેટ્સમેનને સેટ થવામાં સમય લાગ્યો, જેનાથી કેરેબિયન ટીમને મેચ પર હાવી થવાની તક મળી ગઈ.

ભારતીય ટીમનો મિડલ ઓર્ડર પણ થયો એક્સપોઝ

વેસ્ટ ઇન્ડિઝ સામેની ટી-20 સિરીઝમાં ટીમ ઈન્ડિયાની ટોપ ઓર્ડર બેટિંગ દમદાર રહી, પરંતુ મિડલ ઓર્ડરના ખેલાડીઓએ નિરાશ કર્યા. તેમાં સાતત્યનો સ્પષ્ટ અભાવ જોવા મળ્યો હતો. સિરીઝમાં ટોપ ઓર્ડર વહેલો આઉટ થઈ જતાં મિડલ ઓર્ડર પણ દબાણ હેઠળ વેરવિખેર થઈ ગયો.

વધુ વાંચો : 'વિરાટ કોહલી ખુબ જ ઘમંડી...': એબી ડી વિલિયર્સે કર્યો સૌથી મોટો અને ચોંકાવનારો ખુલાસો

ખરાબ ફિલ્ડિંગના કારણે ખેલાડીઓનું નિરાશાજનક પ્રદર્શન

વેસ્ટ ઇન્ડિઝ સામેની ટી-20 સિરીઝમાં ટીમ ઈન્ડિયાની નબળી ફિલ્ડિંગ પણ ચિંતાનો વિષય રહી છે. અનેક મોકો પર ખેલાડીઓએ સરળ કેચ અને રન આઉટ કરવાની તકો છોડી દીધી હતી. આ ઉપરાંત બોલરો તરફથી પણ અસંખ્ય ભૂલો થઈ, જેના કારણે ટીમ ઈન્ડિયાને મોટું નુકસાન વેઠવું પડ્યું હતું.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ