બનાસકાંઠા / પોલીસ ક્વાર્ટરમાં યુવતીનું અપહરણ કરનાર રાધનપુરના PSI સસ્પેન્ડ, યુવતી સાથે દુષ્કર્મ પણ કર્યું હતું

રાધનપુર પોલીસ સ્ટેશનમાં ફરજ બજાવતા PSI પ્રવીણ મોરી સામે કાર્યવાહી કરવામાં આવી છે. પ્રવિણ મોરીએ પાલનપુરમાં ગઢ પોલીસ ક્વાર્ટરમાં યુવતીનું બંદૂકની અણીએ અપહરણ કરવાનો પ્રયાસ કર્યો હતો જે પછી હવે તેમને બરખાસ્ત કરી દેવાયો છે.

શું હતો બનાવ?

ગઢ પોલીસ લાઇનમાં એક ગંભીર ગુનાહિત ઘટના સામે આવી છે. ગઢ પોલીસ લાઇન સરકારી વસાહત વિસ્તારમાં રાધનપુરના PSIએ પિસ્તોલની અણીએ યુવતીના અપરણનો કર્યો હતો. યુવતીના પરિવારજનો નવરાત્રીમાં ગરબે રમવા ગયા હતા અને આરોપી પીએસઆઈએ આ તક ઝડપી હતી. યુવતીએ બૂમાબૂમ કરતા આજુબાજુના લોકો દોડી આવી PSIને પોલીસ સ્ટેશનને લઈ ગયા હતો જોકે વોશરૂમ જવાના બહાને PSI પ્રવીણ મોરી ફરાર થઈ ગયો હતો. ગઢ પોલીસે 3 ટિમો બનાવી PSI પ્રવીણ મો ને પકડવા તજવીજ હાથ ધરી છે.

વધુ વાંચો : બનાસકાંઠામાં PSIએ પિસ્તોલની અણીએ યુવતીનું કર્યું અપહરણ, લોકોએ પકડી લેતાં વોશરૂમ જવાના બહાને ફરાર

યુવતી સાથે દુષ્કર્મ

આરોપી પીએસઆઈ પર અગાઉ પણ યુવતી સાથે દુષ્કર્મ આચરવાનો આરોપ છે. આ ઘટનાને પગલે સ્થાનિક ગઢ પોલીસ સ્ટેશનની ટીમ તાત્કાલિક હરકતમાં આવી છે અને ગુના સંદર્ભે કાયદેસરની તપાસ તથા નાસી છૂટેલા શખ્સોને પકડવા માટે ચક્રો ગતિમાન કર્યા છે.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ