ક્રાઈમ / બનાસકાંઠામાં PSIએ પિસ્તોલની અણીએ યુવતીનું કર્યું અપહરણ, લોકોએ પકડી લેતાં વોશરૂમ જવાના બહાને ફરાર

બનાસકાંઠા જિલ્લાના પાલનપુરમાં ગઢ પોલીસ લાઇનમાં એક ગંભીર ગુનાહિત ઘટના સામે આવી છે. ગઢ પોલીસ લાઇન સરકારી વસાહત વિસ્તારમાં રાધનપુરના PSIએ પિસ્તોલની અણીએ યુવતીના અપરણનો કર્યો હતો. યુવતીના પરિવારજનો નવરાત્રીમાં ગરબે રમવા ગયા હતા અને આરોપી પીએસઆઈએ આ તક ઝડપી હતી. યુવતીએ બૂમાબૂમ કરતા આજુબાજુના લોકો દોડી આવી PSIને પોલીસ સ્ટેશનને લઈ ગયા હતો જોકે વોશરૂમ જવાના બહાને PSI પ્રવીણ મોરી ફરાર થઈ ગયો હતો. ગઢ પોલીસે 3 ટિમો બનાવી PSI પ્રવીણ મો ને પકડવા તજવીજ હાથ ધરી છે.

અગાઉ યુવતી સાથે દુષ્કર્મ

આરોપી પીએસઆઈ પર અગાઉ પણ યુવતી સાથે દુષ્કર્મ આચરવાનો આરોપ છે. આ ઘટનાને પગલે સ્થાનિક ગઢ પોલીસ સ્ટેશનની ટીમ તાત્કાલિક હરકતમાં આવી છે અને ગુના સંદર્ભે કાયદેસરની તપાસ તથા નાસી છૂટેલા શખ્સોને પકડવા માટે ચક્રો ગતિમાન કર્યા છે.

શું બન્યો આખો બનાવ?

રાધનપુર પોલીસ સ્ટેશનમાં ફરજ બજાવતા PSI પ્રવીણ મોરીએ ગઢ પોલીસ લાઈનમાં યુવતી પર પિસ્તોલ તાકી, તેને ધમકાવીને બળજબરીપૂર્વક ઢસડી જઈ અપહરણ કરવાનો પ્રયાસ કર્યો હતો. યુવતીએ બૂમાબૂમ કરતા જ આસપાસના અન્ય પોલીસકર્મીઓ અને સ્થાનિક લોકો દોડી આવ્યા હતા.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ