દુખદ / ભરૂચના સાયખામાં ફાર્માકેમ કંપનીમાં રિએક્ટર બ્લાસ્ટથી 4 મજૂરોના મોત, ઔદ્યોગિક વિસ્તારમાં ચકચાર

ભરૂચના સાયખા GIDCની SynZeal Pharmachem Pvt. Ltd. કંપનીમાં ભયંકર બ્લાસ્ટ થતાં 4 મજૂરોના મોત થયા હતા. બ્લાસ્ટની ઘટનાને પગલે ઔદ્યોગિક વિસ્તારમાં ચકચાર મચી છે.રિએક્ટર બ્લાસ્ટ એટલો ભયંકર હતો કે તેનો પ્રચંડ અવાજ દૂર દૂર સુધી સંભળાયો હતો. બ્લાસ્ટની અતિશય તીવ્રતાના કારણે રિએક્ટરનો તૂટેલો ભાગ હવામાં ફેંકાઈને કંપની બહાર જઈને પડ્યો હતો. આ ભયાનક વિસ્ફોટ થયા બાદ કંપનીની બહાર ચારેય તરફ ધૂળિયું વાતાવરણ છવાઈ ગયું હતું.

પોલીસનો કાફલો તાબડતોબ કંપનીમાં પહોંચ્યો

સ્થાનિક પોલીસ વિભાગની ટીમ પણ તાકીદે ઘટનાસ્થળે દોડી આવી હતી. સેફ્ટી એન્ડ હેલ્થ વિભાગની ટીમ પણ તાત્કાલિક પ્લાન્ટમાં પહોંચી ગઈ હતી. તંત્રના અધિકારીઓએ સ્થળ પર પહોંચીને તાકીદે પરિસ્થિતિની સમીક્ષા કરી રાહત કામગીરી હાથ ધરી હતી.

વધુ વાંચો : નેહા બોરાનો અડધી રાતે છૂટકારો, પોલીસે અભિજિત દીપકે સામે લીધું કડક એક્શન

કયા કારણે બ્લાસ્ટ થયો તપાસ શરુ

કંપનીમાં કયા કારણોસર રિએક્ટરમાં આટલો મોટો બ્લાસ્ટ થયો તે હાલ તપાસનો મુખ્ય વિષય બન્યો છે. પોલીસ અને સેફ્ટી ટીમે ઘટનાસ્થળે સઘન તપાસનો ધમધમાટ શરૂ કર્યો છે. રિએક્ટરમાં કઈ ખામીના પગલે આ ભીષણ બ્લાસ્ટ થયો તે જાણવા માટે ઝીણવટભરી તપાસ શરૂ કરાઈ છે. સેફ્ટી ટીમે કંપનીના પ્લાન્ટમાં તપાસ હાથ ધરી છે.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ