સ્પોર્ટ્સ / સિરીઝના નિર્ણાયક મુકાબલામાં ભારત અને વેસ્ટ ઇન્ડિઝ વચ્ચે જંગ, જાણો ક્યારે અને ક્યાં રમાશે મેચ!

ભારત અને વેસ્ટ ઇન્ડિઝ વચ્ચે રમાઈ રહેલી પાંચ મેચોની રોમાંચક T20 ઇન્ટરનેશનલ સિરીઝ હવે તેના સૌથી રોમાંચક અને નિર્ણાયક તબક્કામાં પહોંચી ગઈ છે. હૈદરાબાદમાં રમાયેલા ચોથા મુકાબલામાં કેરેબિયન ટીમ (વેસ્ટ ઇન્ડિઝ) એ શાનદાર પ્રદર્શન કરતા ભારતને 24 રનથી હરાવ્યું હતું અને આ સાથે જ પાંચ મેચોની આ સિરીઝમાં 2-2 ની બરાબરી કરી લીધી છે. હવે બંને ટીમોની નજર આગામી પાંચમી અને અંતિમ T20 મેચ પર છે, જે સિરીઝના વિજેતાનો ફેંસલો કરશે. વેસ્ટ ઇન્ડિઝની ટીમ આ સમગ્ર સિરીઝમાં શાનદાર બેટિંગ ફોર્મમાં જોવા મળી છે અને પ્રારંભિક મુકાબલામાં પછાડ ખાધા બાદ શાનદાર વાપસી કરી છે.

ક્યારે અને ક્યાં રમાશે પાંચમી T20 મેચ?

ભારત અને વેસ્ટ ઇન્ડિઝ વચ્ચે સિરીઝની પાંચમી અને નિર્ણાયક T20 મેચ શનિવાર, 17 ઓક્ટોબર 2026 ના રોજ રમાશે. આ મુકાબલો ભારતીય સમયાનુસાર સાંજે 7:00 વાગ્યે શરૂ થશે, જ્યારે ટૉસ સાંજે 6:30 વાગ્યે થશે. આ ફાઇનલ મેચ બેંગલુરુના પ્રખ્યાત એમ. ચિન્નાસ્વામી સ્ટેડિયમ ખાતે રમાશે. બેંગલુરુનું આ મેદાન તેની નાની બાઉન્ડ્રી અને બેટર્સ માટે અનુકૂળ પિચ માટે જાણીતું છે, જેના કારણે ક્રિકેટ રસિકોને વધુ એક હાઈ-સ્કોરિંગ અને રોમાંચક મુકાબલો જોવા મળી શકે છે.

સિરીઝ જીતવા માટે ભારતે કરવું પડશે સર્વશ્રેષ્ઠ પ્રદર્શન

ભારતીય ટીમની શરૂઆત આ સિરીઝમાં શાનદાર રહી હતી, પરંતુ બીજા T20 મુકાબલામાં વેસ્ટ ઇન્ડિઝે 250 રનનો વિશાળ લક્ષ્યાંક સફળતાપૂર્વક પાર કરીને સૌને ચોંકાવી દીધા હતા. ભારતે ત્રીજી મેચ જીતીને લીડ મેળવી હતી, પરંતુ ચોથી મેચમાં વિંડીઝ ટીમે 247 રન બનાવીને ભારતને વિજયથી વંચિત રાખ્યું હતું.

વધુ વાંચો : ''તેને બરબાદ ના કરો'', વૈભવ સૂર્યવંશીને મોકો ન મળતા ભડક્યો શ્રીકાંત

ઘરેલુ પરિસ્થિતિઓ અને દર્શકોના સમર્થનને જોતાં ટીમ ઈન્ડિયાનું પલડું ભારે માનવામાં આવી રહી છે, પરંતુ વેસ્ટ ઇન્ડિઝના હાલના ફોર્મને જોતા મેદાન પર કાંટે કી ટક્કર જોવા મળશે. સિરીઝ જીતીને નવો ઇતિહાસ રચવા માટે ભારતીય ટીમે સાવચેતીપૂર્વક અને મજબૂત રણનીતિ સાથે મેદાન પર ઉતરવું પડશે.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ