ક્રિકેટ / ''તેને બરબાદ ના કરો'', વૈભવ સૂર્યવંશીને મોકો ન મળતા ભડક્યો શ્રીકાંત

વેસ્ટ ઈન્ડિઝ સામે ચાલી રહેલી પાંચ મેચોની T20 સીરિઝની ચોથી મેચમાં વૈભવ સૂર્યવંશીને તક મળી ન હતી. પૂર્વ કેપ્ટન કૃષ્ણમાચારી શ્રીકાંતે પ્લેઈંગ ઈલેવનમાં વૈભવને સતત અવગણવામાં આવવા બદલ પોતાની નારાજગી વ્યક્ત કરી છે. શ્રીકાંતનું માનવું છે કે ઓપનિંગ જોડીમાં વારંવાર ફેરફાર કરવાને બદલે, ટીમ મેનેજમેન્ટે યુવા ખેલાડીઓને વધુ તકો આપવી જોઈએ.

વેસ્ટ ઈન્ડિઝ સામેની આ સીરિઝમાં અભિષેક શર્મા બેટિંગમાં ખાસ પ્રભાવ પાડી શક્યા નથી. આ બાબતને ધ્યાનમાં રાખીને, શ્રીકાંતે સૂચન કર્યું છે કે અભિષેક શર્માને આરામ આપવો જોઈએ અને તેના બદલે સેમસન તથા સૂર્યવંશીએ ઇનિંગ્સની ઓપનિંગ કરવી જોઈએ. એક યુટ્યુબ વીડિયોમાં શ્રીકાંતે ટિપ્પણી કરી, "તેમણે માત્ર સંજુ સેમસનનો આત્મવિશ્વાસ જ નથી ડગમગાવ્યો, પરંતુ ભારતે વૈભવ સૂર્યવંશીનો આત્મવિશ્વાસ પણ સંપૂર્ણપણે તોડી નાખ્યો છે. વેસ્ટ ઈન્ડિઝ જેવી ટીમ સામે તેમને ઓછામાં ઓછી ત્રણ મેચ રમવાની તક આપી શકાઈ હોત."

શ્રીકાંતે સંજૂ પર ઉઠાવ્યા સવાલ

શ્રીકાંતે સંજુ સેમસનની સાતત્યતા અંગે પણ પ્રશ્નો ઉઠાવ્યા છે. જોકે સંજુ વેસ્ટ ઈન્ડિઝ સામેની વર્તમાન શ્રેણીમાં નિઃશંકપણે સારું પ્રદર્શન કરી રહ્યો છે, પરંતુ તેનું તાજેતરનું ફોર્મ ખાસ પ્રભાવશાળી રહ્યું નથી. ભારતની 2026 T20 વર્લ્ડ કપ વિજેતા ઝુંબેશ દરમિયાન તેણે ત્રણ મહત્વપૂર્ણ ઇનિંગ્સ રમી હતી, પરંતુ ત્યારથી તેનું પ્રદર્શન ઓછું ભરોસાપાત્ર બન્યું છે.

શાઈ હોપે ક્રિસ ગેલને પાછળ છોડીને પ્રથમ સ્થાન મેળવ્યું છે. તેણે ભારત સામેની T20 સીરિઝમાં સદી ફટકારીને ઈતિહાસ રચ્યો છે. શ્રીકાંતે કહ્યું, “સામસનનું પ્રદર્શન હંમેશા અસ્થિર રહ્યું છે; તેની consistency અંગે હંમેશા સવાલો ઉઠતા રહ્યા છે. તે ક્યારેક શાનદાર પ્રદર્શન કરે છે, જેમ કે વર્લ્ડ કપમાં પરંતુ ત્યારબાદ તેને મોટી નિષ્ફળતાઓનો સામનો કરવો પડે છે. અભિષેક શર્મા જેવા ખેલાડીના પ્રદર્શનમાં આવી ભારે ચડતી-પડતી જોવા મળતી નથી. હવે જોજો સંભવ છે કે સામસન આગામી મેચમાં ફરીથી રન બનાવશે.”

આ પણ વાંચોઃ વેસ્ટ ઈન્ડિઝે ભારતને 24 રને હરાવ્યું, શાઈ હોપની વિસ્ફોટક સદી અને કીમો પોલની પંચ પેક બોલિંગ

સંજૂની 50 બાદ ચોગ્ગો ટી 20માં હારી ટીમ ઇન્ડિયા

ભારત અને વેસ્ટ ઈન્ડિઝ વચ્ચેની 5 મેચોની T20 સીરિઝ હાલમાં 2-2થી બરાબરી પર છે. સીરિઝની ચોથી મેચમાં, સંજુ સેમસને અડધી સદી ફટકારી હોવા છતાં, ભારતીય ટીમને 24 રનથી હારનો સામનો કરવો પડ્યો હતો. તે મેચમાં, શાઈ હોપની 102 રનની ઇનિંગ્સની મદદથી વેસ્ટ ઈન્ડિઝે પોતાની 20 ઓવરમાં 247 રનનો વિશાળ સ્કોર ખડક્યો હતો. તેના જવાબમાં, ભારતીય ટીમ 19.3 ઓવરમાં 9 વિકેટ ગુમાવીને માત્ર 223 રન જ બનાવી શકી હતી.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ