સ્પોર્ટ્સ / ન્યૂઝીલેન્ડ પ્રવાસ માટે ટીમ ઇન્ડિયા જાહેર: ગિલ અને અય્યરને સોંપાઈ કમાન, શમી ફરી બહાર

ભારતીય ક્રિકેટ ટીમ આગામી ન્યૂઝીલેન્ડ પ્રવાસ માટે તૈયાર છે, જે અંતર્ગત ભારતની વનડે અને ટેસ્ટ ટીમની સત્તાવાર જાહેરાત કરી દેવામાં આવી છે. આ પ્રવાસમાં બંને ટીમો વચ્ચે પાંચ વનડે અને બે ટેસ્ટ મેચોની શ્રેણી રમાશે. ખાસ વાત એ છે કે વનડે શ્રેણીના પ્રથમ ત્રણ મુકાબલાઓમાં શુભમન ગિલ ટીમની કમાન સંભાળશે, જ્યારે શ્રેયસ અય્યરને ઉપ-કપ્તાનની જવાબદારી સોંપવામાં આવી છે. આ ઉપરાંત, શ્રેણીની છેલ્લી બે વનડે મેચો માટે શ્રેયસ અય્યરને કપ્તાન બનાવવામાં આવ્યા છે, જ્યારે ઈશાન કિશન આ બે મેચોમાં ઉપ-કપ્તાનની ભૂમિકા ભજવશે.

આ ટીમમાંથી અનુભવી ફાસ્ટ બોલર મોહમ્મદ શમીને આ વખતે પણ ટીમમાં સ્થાન મળ્યું નથી. બીજી તરફ, રોહિત શર્મા અને વિરાટ કોહલી જેવા દિગ્ગજ બેટ્સમેનો ટીમનો મહત્વપૂર્ણ ભાગ રહ્યા છે. આ ઉપરાંત, કેએલ રાહુલ, અક્ષર પટેલ, મોહમ્મદ સિરાજ, કુલદીપ યાદવ અને અર્શદીપ સિંહ પણ પ્રથમ ત્રણ વનડેની ટીમમાં સામેલ છે.

પ્રથમ ત્રણ વનડે મેચો માટે ભારતની ટીમ

શુભમન ગિલ (કપ્તાન), રોહિત શર્મા, વિરાટ કોહલી, શ્રેયસ અય્યર (ઉપ-કપ્તાન), કેએલ રાહુલ (વિકેટકીપર), નીતિશ કુમાર રેડ્ડી, અક્ષર પટેલ, નમેન ધીર, અંશુલ કમ્બોજ, ગુરનૂર બ્રાર, રુતુરાજ ગાયકવાડ, અર્શદીપ સિંહ, ઈશાન કિશન (વિકેટકીપર), મોહમ્મદ સિરાજ, પ્રસિદ્ધ કૃષ્ણા, કુલદીપ યાદવ.

છેલ્લી બે વનડે મેચો માટે ભારતની ટીમ

શ્રેયસ અય્યર (કપ્તાન), રોહિત શર્મા, વિરાટ કોહલી, તિલક વર્મા, ઈશાન કિશન (વિકેટકીપર, ઉપ-કપ્તાન), નીતિશ કુમાર રેડ્ડી, અક્ષર પટેલ, નમેન ધીર, આકિબ નબી, ગુરનૂર બ્રાર, રુતુરાજ ગાયકવાડ, અર્શદીપ સિંહ, કુમાર કુશાગ્ર (વિકેટકીપર), મોહમ્મદ સિરાજ, યશ ઠાકુર, કુલદીપ યાદવ.

છેલ્લી બે વનડે મેચો માટે શુભમન ગિલ અને કેએલ રાહુલને ટીમમાં સામેલ કરવામાં આવ્યા નથી, જ્યારે તિલક વર્મા, આકિબ નબી, કુમાર કુશાગ્ર અને યશ ઠાકુરને ટીમમાં નવી તક આપવામાં આવી છે. પ્રવાસ દરમિયાન વનડે શ્રેણી પૂરી થયા બાદ બંને ટીમો બે ટેસ્ટ મેચો પણ રમશે.

ટેસ્ટ શ્રેણી માટે ભારતની ટીમ

શુભમન ગિલ (કપ્તાન), યશસ્વી જયસ્વાલ, કેએલ રાહુલ (ઉપ-કપ્તાન), દેવદત્ત પડિકલ, ઋષભ પંત (વિકેટકીપર), ધ્રુવ જુરેલ (વિકેટકીપર), રવીન્દ્ર જાડેજા, અંશુલ કમ્બોજ, જસપ્રિત બુમરાહ, પ્રસિદ્ધ કૃષ્ણા, આકાશ દીપ, સાઈ સુદર્શન, નીતિશ કુમાર રેડ્ડી, વૉશિંગ્ટન સુંદર, કુલદીપ યાદવ, મોહમ્મદ સિરાજ.

નોંધનીય છે કે પ્રસિદ્ધ કૃષ્ણા અને ઋષભ પંતનું ટીમમાં રહેવું તેમની ફિટનેસ ક્લિયરન્સ પર નિર્ભર છે. પ્રસિદ્ધ કૃષ્ણા 22 અને 24 ઓક્ટોબરે, જ્યારે હર્ષિત રાણા 26 અને 28 ઓક્ટોબરે ફિટનેસ તપાસ માટે અભ્યાસ કરશે. પ્રસિદ્ધ કૃષ્ણાને ટીમમાં પસંદ કરવામાં આવ્યા છે, પરંતુ તેઓ સંપૂર્ણ સ્વસ્થ અને ફિટ થયા બાદ જ ટીમ સાથે જોડાશે.

વધુ વાંચો : સ્પોર્ટ્સ / ફિનિશર રિંકુ સિંહ સાથે અન્યાય? પૂર્વ દિગ્ગજ ખેલાડીએ ટીમ સિલેક્શન પર ઉઠાવ્યા સવાલો

બીજી તરફ, સ્ટાર બોલર જસપ્રિત બુમરાહને માત્ર ટેસ્ટ ટીમમાં જ સ્થાન આપવામાં આવ્યું છે. તેઓ ટૂંક સમયમાં સેન્ટર ઑફ એક્સેલન્સ જશે અને ત્યાં પોતાની બોલિંગ ઓવર્સ વધારવા પર કામ કરશે. આ જ કારણસર તેમને વનડે ટીમમાં સામેલ કરવામાં આવ્યા નથી, જેથી તેઓ આગામી ટેસ્ટ શ્રેણીની તૈયારીઓ પર સંપૂર્ણ ધ્યાન કેન્દ્રિત કરી શકે.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ