VIDEO / કોંગ્રેસ નેતા ગ્યાસુદ્દીન શેખની કથિત ઓડિયો ક્લિપ વાયરલ, બ્રાહ્મણ સમાજ અંગે અપશબ્દો બોલ્યાનો દાવો

અમદાવાદઃ કોંગ્રેસના નેતા ગ્યાસુદ્દીન શેખની એક કથિત ઓડિયો ક્લિપ સામે આવ્યા બાદ વિવાદ સર્જાયો છે. વાયરલ થઈ રહેલી આ ઓડિયો ક્લિપમાં ફોન પરની વાતચીત દરમિયાન ગ્યાસુદ્દીન શેખે બ્રાહ્મણ સમાજ અંગે અપમાનજનક શબ્દોનો ઉપયોગ કર્યો હોવાનો દાવો કરવામાં આવી રહ્યો છે.

વાયરલ ઓડિયોમાં બ્રાહ્મણ સમાજ અને મિયાભાઈઓને અંદરોઅંદર લડાવવાનું કામ કરવામાં આવતું હોવા અંગેની વાતચીત સંભળાતી હોવાનો દાવો પણ થઈ રહ્યો છે. આ ક્લિપને લઈને રાજકીય અને સામાજિક વર્તુળોમાં ચર્ચા શરૂ થઈ છે.

કથિત ઓડિયોમાં બ્રાહ્મણ સમાજ અંગે અપશબ્દો બોલાયાનો દાવો, ગ્યાસુદ્દીન શેખ વિવાદમાં અમદાવાદમાં કોંગ્રેસના પૂર્વ ધારાસભ્ય ગ્યાસુદ્દીન શેખની એક કથિત ઓડિયો ક્લિપ વાયરલ થતાં વિવાદ સર્જાયો છે. ફોન પરની વાતચીતમાં બ્રાહ્મણ સમાજ અંગે અપશબ્દો બોલાયા હોવાનો દાવો કરવામાં આવી રહ્યો છે. ઓડિયોમાં અંદરોઅંદર લડાવવાની વાત પણ સંભળાતી હોવાનો દાવો છે. આ વાતચીત કોઈ વ્યક્તિ સાથે થયેલા વિવાદ બાદની હોવાનું કહેવાય છે. VTV News આ વાયરલ ઓડિયો ક્લિપની સત્યતા અંગે કોઈપણ પ્રકારની પુષ્ટિ કરતું નથી. #Ahmedabad #GyasuddinShaikh #Congress #PoliticalControversy #VTVDigital

— VTV Gujarati News and Beyond (@VtvGujarati) October 16, 2026

ભાજપના વ્યક્તિ સાથે માથાકૂટ બાદની વાતચીત હોવાનો દાવો

સોશિયલ મીડિયા પર વાયરલ થઈ રહેલી આ ઓડિયો ક્લિપ અંગે એવો પણ દાવો કરવામાં આવી રહ્યો છે કે ભાજપના કોઈ વ્યક્તિ સાથે થયેલી માથાકૂટ બાદની આ વાતચીત છે. જોકે, ઓડિયોની પૃષ્ઠભૂમિ, તેમાં સંભળાતા અવાજની ઓળખ અને ક્લિપની સત્યતા અંગે સ્વતંત્ર પુષ્ટિ થઈ નથી.

આ પણ વાંચોઃ ‘સારથિ’ હેઠળ શાળાઓમાં વિદ્યાર્થી સુરક્ષા સમિતિ બનશે, ફરિયાદોના ઉકેલ માટે WhatsApp હેલ્પલાઈન શરૂ થશે

ઓડિયોની સત્યતા અંગે સસ્પેન્સ

હાલમાં આ ઓડિયો ક્લિપની અધિકૃત રીતે ખરાઈ થઈ હોવાની પુષ્ટિ ઉપલબ્ધ નથી. તેથી ક્લિપમાં સંભળાતી વાતોને ગ્યાસુદ્દીન શેખનાં પ્રમાણિત નિવેદનો તરીકે ગણવી યોગ્ય નથી. આ મામલે ગ્યાસુદ્દીન શેખનો પક્ષ કે કોઈ સત્તાવાર સ્પષ્ટતા સામે આવે તો સમગ્ર ઘટનાની વધુ સ્પષ્ટતા થઈ શકે છે. VTV NEWS આ વાયરલ ઓડિયો ક્લિપની સત્યતાનો દાવો કરતું નથી.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ