ગુજરાત / CM ભૂપેન્દ્ર પટેલે શ્રમિક અન્નપૂર્ણા યોજનાનાં 101 કેન્દ્રોનું લોકાર્પણ કર્યું, રોજ 45 હજાર શ્રમિકોને સસ્તા દરે મળશે ભોજન

દિવસભર કાળી મજૂરી કરીને પરિવારનું ગુજરાન ચલાવતા શ્રમિકો માટે સૌથી મોટી ચિંતા બે ટંકના ભોજનની હોય છે. સવારથી સાંજ સુધી પરસેવો પાડીને મહેનત કરતા શ્રમિકોને હવે સસ્તા દરે ભોજન મળી રહે તે માટે ગુજરાત સરકારે વધુ એક મહત્ત્વપૂર્ણ પગલું ભર્યું છે. રાજ્યમાં એકસાથે 101 નવા શ્રમિક અન્નપૂર્ણા કેન્દ્રો શરૂ કરવામાં આવ્યા છે. ખાસ વાત એ છે કે આ કેન્દ્રોના લોકાર્પણ પ્રસંગે મુખ્યમંત્રી ભૂપેન્દ્ર પટેલે માત્ર કાર્યક્રમમાં હાજરી જ નહોતી આપી, પરંતુ શ્રમિકોને પોતાના હાથે ભોજન પણ પીરસ્યું હતું. સરકારના આ નિર્ણયથી રાજ્યના હજારો શ્રમિકોને ભોજનની સુવિધાનો લાભ મળશે.

CM ભૂપેન્દ્ર પટેલે 101 નવા કેન્દ્રોનું કર્યું લોકાર્પણ

ગુજરાત સરકારના સેવા સંકલ્પ અભિયાન અંતર્ગત આજે શ્રમિક અન્નપૂર્ણા યોજનાના 101 નવા કેન્દ્રોનું લોકાર્પણ કરવામાં આવ્યું છે. મુખ્યમંત્રી ભૂપેન્દ્ર પટેલે અમદાવાદના ઘાટલોડિયા વિસ્તારમાં આયોજિત કાર્યક્રમમાં આ કેન્દ્રોની શરૂઆત કરાવી હતી. આ યોજના હેઠળ રાજ્યના શ્રમિકોને સસ્તા દરે ભોજન મળી રહે તે માટે સરકાર દ્વારા વ્યવસ્થા કરવામાં આવી રહી છે. નવા કેન્દ્રો શરૂ થવાથી વધુ શ્રમિકો સુધી આ યોજનાનો લાભ પહોંચાડી શકાશે.

રાજ્યના 34 જિલ્લામાં 394 કેન્દ્રો કાર્યરત

શ્રમિક અન્નપૂર્ણા યોજનાનો વ્યાપ રાજ્યમાં સતત વધારવામાં આવી રહ્યો છે. આજે નવા 101 કેન્દ્રો શરૂ કરવામાં આવ્યા છે. હાલમાં રાજ્યના 34 જિલ્લામાં કુલ 394 જેટલા શ્રમિક અન્નપૂર્ણા કેન્દ્રો કાર્યરત કરવામાં આવ્યા છે. આ કેન્દ્રો દ્વારા વિવિધ વિસ્તારોમાં કામ કરતા શ્રમિકોને સસ્તા દરે ભોજનની સુવિધા આપવામાં આવશે. રાજ્યના વધુ વિસ્તારોમાં આ પ્રકારની વ્યવસ્થા ઉપલબ્ધ થવાથી શ્રમિકોને પોતાના કામના સ્થળની આસપાસ ભોજન મેળવવામાં સરળતા રહેશે.

રોજ 45 હજાર શ્રમિકોને મળશે સસ્તા દરે ભોજન

શ્રમિક અન્નપૂર્ણા યોજનાની સૌથી મહત્ત્વપૂર્ણ વાત એ છે કે રાજ્યમાં દૈનિક ધોરણે આશરે 45 હજાર શ્રમિકોને સસ્તા દરે ભોજન આપવામાં આવશે. રોજગારી માટે ઘરથી દૂર જઈને કામ કરતા અનેક શ્રમિકોને ભોજન પાછળ ખર્ચ કરવો પડતો હોય છે. આવી સ્થિતિમાં સસ્તા દરે ભોજનની સુવિધા તેમના માટે ઉપયોગી બની શકે છે. આ યોજનાનો મુખ્ય હેતુ શ્રમિકોને ઓછા ખર્ચે ભોજન ઉપલબ્ધ કરાવવાનો છે, જેથી તેમની રોજિંદી જરૂરિયાત પૂરી કરવામાં મદદ મળી શકે.

શ્રમિક અન્નપૂર્ણા યોજનાના લોકાર્પણમાં CM ભૂપેન્દ્ર પટેલે લોકોને જમવાનું પીરસ્યું અમદાવાદમાં મુખ્યમંત્રી ભૂપેન્દ્ર પટેલે શ્રમિક અન્નપૂર્ણા યોજના હેઠળ ગુજરાતના 28 જિલ્લાઓમાં શરૂ થયેલા 101 નવા અન્ન વિતરણ કેન્દ્રોના લોકાર્પણ પ્રસંગે લોકોને ભોજન પીરસ્યું હતું. આ સાથે સેવા સંકલ્પ અભિયાન અંતર્ગત સેવા દાન કાર્યક્રમનું પણ આયોજન કરવામાં આવ્યું હતું. #BhupendraPatel #ShramikAnnapurnaYojana #GujaratGovernment #VTVDigital

— VTV Gujarati News and Beyond (@VtvGujarati) October 16, 2026

મુખ્યમંત્રી ભૂપેન્દ્ર પટેલે શ્રમિકોને ભોજન પીરસ્યું

અમદાવાદના ઘાટલોડિયા વિસ્તારમાં યોજાયેલા કાર્યક્રમ દરમિયાન એક ખાસ દૃશ્ય જોવા મળ્યું હતું. મુખ્યમંત્રી ભૂપેન્દ્ર પટેલે શ્રમિક અન્નપૂર્ણા યોજનાના નવા કેન્દ્રોની શરૂઆત કરાવ્યા બાદ શ્રમિકોને પોતાના હાથે ભોજન પીરસ્યું હતું. મુખ્યમંત્રીના આ પગલાએ કાર્યક્રમમાં ખાસ ધ્યાન ખેંચ્યું હતું. આ પ્રસંગે શ્રમિકોને ભોજનની સુવિધા ઉપલબ્ધ કરાવવાના સરકારના પ્રયાસને આગળ વધારવામાં આવ્યો હતો.

શ્રમિકોને ભોજન માટે થશે સરળતા

રાજ્યમાં અનેક શ્રમિકો બાંધકામ સહિતના વિવિધ ક્ષેત્રોમાં કામ કરીને પોતાના પરિવારનું ગુજરાન ચલાવે છે. આવા શ્રમિકો માટે રોજિંદા ભોજનની વ્યવસ્થા કરવી પણ એક મહત્ત્વની જરૂરિયાત હોય છે. શ્રમિક અન્નપૂર્ણા યોજનાના કેન્દ્રો દ્વારા તેમને સસ્તા દરે ભોજન મળી રહે તેવી વ્યવસ્થા કરવામાં આવી છે. નવા 101 કેન્દ્રો શરૂ થવાથી આ સુવિધાનો વ્યાપ વધશે અને વધુ શ્રમિકોને તેનો લાભ મળી શકશે.

આ પણ વાંચો : ઈન્સ્ટાગ્રામ પર યુવતીનો કોન્ટેક્ટ સાધ્યો, લગ્નની લાલચ આપીને હોટલે બોલાવી અને પછી...

સેવા સંકલ્પ અભિયાન અંતર્ગત શ્રમિકો માટે મહત્ત્વપૂર્ણ પહેલ

સેવા સંકલ્પ અભિયાન હેઠળ રાજ્ય સરકારે શ્રમિક અન્નપૂર્ણા યોજનાને વધુ વિસ્તૃત કરી છે. મુખ્યમંત્રી ભૂપેન્દ્ર પટેલ દ્વારા 101 નવા કેન્દ્રોનું લોકાર્પણ કરવામાં આવતાં રાજ્યમાં કાર્યરત કેન્દ્રોની સંખ્યા 394 જેટલી થઈ છે. રાજ્યના 34 જિલ્લામાં આ કેન્દ્રો મારફતે રોજ 45 હજાર જેટલા શ્રમિકોને સસ્તા દરે ભોજન આપવાનું આયોજન છે.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ