8 ફોટો ગેલેરી

બિઝનેસ / સપ્ટેમ્બરના પહેલા દિવસે જ જોરદાર ઝટકો, વધ્યાં LPG સિલિન્ડરના ભાવ

Last Updated: 08:00 AM, 1 September 2026

FOLLOW ON

શેર કરો

સપ્ટેમ્બરના પહેલા જ દિવસે મોંઘવારીનો ઝટકો લાગ્યો છે. 19 કિલોના કોમર્શિયલ LPG સિલિન્ડરના ભાવમાં રૂ.9.50નો વધારો કરવામાં આવ્યો છે.

1/8

1. સપ્ટેમ્બરના પહેલા દિવસે જ જોરદાર ઝટકો

દર મહિનાની પહેલી તારીખે ઓઇલ માર્કેટિંગ કંપનીઓ LPG સિલિન્ડરના નવા ભાવ જાહેર કરે છે. 1 સપ્ટેમ્બર 2026થી કોમર્શિયલ LPG સિલિન્ડરનો ઉપયોગ કરતા ગ્રાહકોને હવે વધુ રૂપિયા ચૂકવવા પડશે. દેશભરમાં 19 કિલોના કોમર્શિયલ સિલિન્ડરના ભાવમાં રૂ.9.50નો વધારો થયો છે. જોકે સામાન્ય પરિવારો માટે રાહતના સમાચાર છે. 14.2 કિલોના ઘરેલુ LPG સિલિન્ડરના ભાવમાં કોઈ ફેરફાર કરવામાં આવ્યો નથી.

આ તસવીર શેર કરો

2/8

2. 19 કિલોના કોમર્શિયલ સિલિન્ડરના ભાવ વધ્યા

1 સપ્ટેમ્બરથી 19 કિલોના કોમર્શિયલ LPG સિલિન્ડરના ભાવમાં રૂ.9.50નો વધારો થયો છે. દિલ્હીમાં અગાઉ રૂ.2738માં મળતો સિલિન્ડર હવે રૂ.2747.50માં મળશે. મુંબઈમાં કોમર્શિયલ સિલિન્ડરનો ભાવ રૂ.2691.50થી વધીને રૂ.2701 થયો છે. જ્યારે ચેન્નાઈમાં ભાવ રૂ.2906થી વધીને રૂ.2916.50 થયો છે.કોમર્શિયલ LPG સિલિન્ડરનો ઉપયોગ મુખ્યત્વે હોટલ, રેસ્ટોરન્ટ, કેટરિંગ અને અન્ય વ્યવસાયિક સ્થળોએ થાય છે. તેથી ભાવમાં થયેલા આ વધારાની અસર વેપારીઓના ખર્ચ પર પડી શકે છે. આ વધારાને કારણે કેટલાક વ્યવસાયોમાં રસોઈ અને ઉત્પાદન ખર્ચમાં પણ વધારો થવાની શક્યતા છે.

આ તસવીર શેર કરો

3/8

3. ઘરેલુ રસોઈ ગેસના ભાવ સ્થિર

કોમર્શિયલ સિલિન્ડરના ભાવ વધ્યા હોવા છતાં 14.2 કિલોના ઘરેલુ LPG સિલિન્ડરના ભાવમાં કોઈ ફેરફાર થયો નથી. દિલ્હીમાં ઘરેલુ સિલિન્ડર રૂ.942માં મળી રહ્યો છે. મુંબઈમાં તેનો ભાવ રૂ.941.50 છે. લેહમાં ઘરેલુ LPGનો ભાવ સૌથી વધુ રૂ.1179 છે. એટલે સામાન્ય ઘરેલુ ગ્રાહકોને સપ્ટેમ્બરની શરૂઆતમાં ભાવ વધારાનો સીધો બોજ પડ્યો નથી.

આ તસવીર શેર કરો

4/8

4. 5 કિલોના સિલિન્ડરનો ભાવ પણ વધ્યો

નાના વ્યવસાયીઓ માટે ઉપયોગમાં લેવાતા 5 કિલોના નોન-ડોમેસ્ટિક ભરેલા LPG સિલિન્ડરના ભાવમાં પણ વધારો કરવામાં આવ્યો છે. તેનો ભાવ રૂ.762થી વધીને રૂ.764 થયો છે. જોકે સામાન્ય 5 કિલોના LPG સિલિન્ડરના ભાવમાં કોઈ ફેરફાર થયો નથી અને તે રૂ.349.50માં જ મળશે. XTRALITE 5 કિલોના સિલિન્ડરનો ભાવ પણ રૂ.339 પર સ્થિર રાખવામાં આવ્યો છે.

આ તસવીર શેર કરો

5/8

5. મુંબઈમાં સૌથી સસ્તો LPG

શહેર પ્રમાણે LPGના ભાવમાં તફાવત જોવા મળે છે. હાલ મુંબઈમાં ઘરેલુ અને કોમર્શિયલ બંને પ્રકારના સિલિન્ડર સૌથી સસ્તા છે. મુંબઈમાં 14.2 કિલોનો ઘરેલુ સિલિન્ડર રૂ.941.50 અને 19 કિલોનો કોમર્શિયલ સિલિન્ડર રૂ.2701માં મળી રહ્યો છે. દિલ્હીમાં ઘરેલુ સિલિન્ડર રૂ.942 અને કોમર્શિયલ સિલિન્ડર રૂ.2747.50 છે.

આ તસવીર શેર કરો

6/8

6. લેહમાં સૌથી મોંઘો LPG

દેશમાં LPGના સૌથી વધુ ભાવ લેહમાં છે. અહીં ઘરેલુ 14.2 કિલોના સિલિન્ડરનો ભાવ રૂ.1179 છે. જ્યારે 19 કિલોના કોમર્શિયલ LPG સિલિન્ડર માટે રૂ.3385.50 ચૂકવવા પડશે. આમ મુંબઈ અને લેહ વચ્ચે LPGના ભાવમાં મોટો તફાવત જોવા મળે છે.

આ તસવીર શેર કરો

7/8

7. ગુજરાતમાં કેટલો ભાવ?

ગુજરાતના અમદાવાદમાં 1 સપ્ટેમ્બરથી ઘરેલુ LPG સિલિન્ડરનો ભાવ રૂ.949 છે. જ્યારે 19 કિલોના કોમર્શિયલ સિલિન્ડરનો નવો ભાવ રૂ.2767.50 થયો છે. એટલે ગુજરાતમાં પણ કોમર્શિયલ LPGનો ઉપયોગ કરતા ગ્રાહકોને અગાઉની સરખામણીએ વધુ રૂપિયા ચૂકવવા પડશે.

આ તસવીર શેર કરો

8/8

8. 13 વર્ષમાં 1 સપ્ટેમ્બરે કેવો રહ્યો LPGનો ટ્રેન્ડ?

ઇન્ડિયન ઓઇલના 2014થી 2026 સુધીના આંકડા પ્રમાણે દિલ્હીમાં 1 ઓગસ્ટથી 1 સપ્ટેમ્બર દરમિયાન કોમર્શિયલ LPG સિલિન્ડરના ભાવમાં અનેક વખત વધારો અને ઘટાડો થયો છે. 2014માં ભાવ રૂ.32.50 ઘટ્યો હતો. 2015માં રૂ.41નો ઘટાડો થયો હતો. 2016માં કોઈ ફેરફાર થયો ન હતો. 2017માં રૂ.115નો વધારો થયો હતો જે આ સમયગાળામાં સૌથી મોટો વધારો હતો.ત્યારબાદ 2018માં રૂ.47 અને 2019માં રૂ.50.50નો વધારો થયો હતો. 2020માં રૂ.2નો ઘટાડો અને 2021માં રૂ.70નો વધારો થયો હતો. 2022માં રૂ.91.50નો ઘટાડો થયો હતો. 2023માં રૂ.157.50નો ઘટાડો થયો હતો જે 13 વર્ષમાં સૌથી મોટી રાહત હતી. 2024માં રૂ.39નો વધારો થયો હતો. 2025માં રૂ.51.50નો ઘટાડો થયો હતો અને હવે 2026માં ફરી રૂ.9.50નો વધારો કરવામાં આવ્યો છે.આમ સપ્ટેમ્બર મહિનાની શરૂઆતમાં કોમર્શિયલ LPG સિલિન્ડરના ભાવ વધ્યા છે. બીજી તરફ ઘરેલુ 14.2 કિલોના સિલિન્ડરના ભાવમાં કોઈ ફેરફાર કરવામાં આવ્યો નથી. તેથી કોમર્શિયલ LPGનો ઉપયોગ કરતા હોટલ, રેસ્ટોરન્ટ અને નાના વેપારીઓ પર વધારાનો ખર્ચ આવ્યો છે જ્યારે ઘરેલુ ગ્રાહકોને હાલ ભાવ વધારાથી રાહત મળી છે.

આ તસવીર શેર કરો

સંકળાયેલા મુદ્દાઓ

Commercial LPG LPG Cylinder Price LPG Price Today