કામની વાત / દિવાળી પહેલાં ખેડૂતોના ખાતામાં આવશે ₹2000, PM કિસાન યોજનાનો હપ્તો મેળવવા આજે જ કરો આ 3 કામ

તહેવારોની મોસમ શરૂ થતાં જ દેશના લાખો ખેડૂતો માટે પ્રધાનમંત્રી કિસાન સન્માન નિધિ યોજનાને લઈને રાહતના સમાચાર આવ્યા છે. દિવાળીના સમયે ખેતી અને તહેવારના ખર્ચને પહોંચી વળવા માટે સરકાર ખેડૂતોના ખાતામાં યોજનાનો 2000 રૂપિયાનો આગામી હપ્તો ટ્રાન્સફર કરે તેવી પૂરી શક્યતા છે.

દિવાળી પહેલાં કેમ મળી શકે છે હપ્તો?

PM કિસાન યોજનાના નિયમ મુજબ સરકાર ખેડૂતોને વાર્ષિક 6000 રૂપિયાની સહાય દર 4 મહિને 2000 રૂપિયાના ત્રણ હપ્તામાં આપે છે. આ પહેલાંનો હપ્તો જૂન મહિનામાં ખેડૂતોના ખાતામાં ટ્રાન્સફર કરવામાં આવ્યો હતો. 4 મહિનાનો આ સમયગાળો ઓક્ટોબર મહિનામાં પૂરો થઈ રહ્યો છે. આથી દિવાળીની ભેટ તરીકે સરકાર ઓક્ટોબરના અંત સુધીમાં આ પૈસા જમા કરાવી શકે છે.

હપ્તો મેળવવા માટે આ 3 કામ પતાવો

જો તમારા દસ્તાવેજો કે પ્રોફાઈલમાં ભૂલ હશે તો પૈસા અટકી શકે છે તેથી નીચે જણાવેલી ડીટેલ ખાસ ચેક કરી લો.

1. e-KYC પૂરૂ કરો: જો તમારું e-KYC બાકી હોય તો PM કિસાન પોર્ટલ પર આધાર OTP દ્વારા ફ્રીમાં અથવા નજીકના જન સેવા કેન્દ્ર (CSC) પર જઈને કરાવી લો.
2. આધાર અને NPCI સીડિંગ: તમારું બેંક ખાતું આધાર સાથે લિંક હોવું જ જોઈએ જેથી ડાયરેક્ટ બેનિફિટ ટ્રાન્સફર દ્વારા પૈસા સીધા ખાતામાં આવી શકે.
3. જમીન વેરિફિકેશન: પોર્ટલ પર તમારી જમીનનો રેકોર્ડ વેરિફાઈ થયેલો હોવો જરૂરી છે. જો સ્ટેટસમાં Land Seeding સામે 'No' દર્શાવતું હોય તો તરત સ્થાનિક તલાટીનો સંપર્ક કરો.

વધુ વાંચો : 1 ઓક્ટોબરથી બદલાઇ જશે આ 7 નિયમો, જાણો તમારા ખિસ્સાં પર શું થશે અસર?

મોબાઈલ પર સ્ટેટસ આ રીતે ચેક કરવું

• PM કિસાનની વેબસાઈટ pmkisan.gov.in પર જાવ.
• હોમપેજ પર આપેલા 'Know Your Status' ઓપ્શન પર ક્લિક કરો.
• તમારો રજીસ્ટ્રેશન નંબર અને કેપ્ચા કોડ નાખીને 'Get Data' પર ક્લિક કરો.
• જો e-KYC, આધાર બેંક લિંકિંગ અને લેન્ડ સીડિંગ ત્રણેયની સામે 'Yes' લખેલું આવે તો તમારો હપ્તો જમા થવામાં કોઈ વાંધો આવશે નહીં.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ