વાયરલ / 'એક કચોરી, 2 સમોસા' વાળો નારો ક્યાંથી આવ્યો? લોકો બોલ્યા- દુનિયામાં કંઈપણ થાય, તારક મહેતા સાથે રિલેશન નીકળી જ આવે"

આજકાલ સોશિયલ મીડિયા પર કોઈ પણ ટ્રેન્ડ વાયરલ થતાં વાર નથી લાગતી. તાજેતરમાં દિલ્હીમાં યોજાયેલા એક મહિલા વિરોધ પ્રદર્શન દરમિયાન ગુંજેલો એક અનોખો અને મનોરંજક નારો "એક કચોરી, દો સમોસા, ઇન મર્દો કા ક્યા ભરોસા"એ ઇન્ટરનેટ પર છવાઈ ગયો છે. જેમાં લોકો આ મજેદાર સ્લોગન પર અસંખ્ય મીમ્સ અને રમુજી કમેન્ટ્સ બનાવી રહ્યા છે.

'તારક મહેતા કા ઉલ્ટા ચશ્મા'નું કનેક્શન?

આ વાયરલ નારાની વચ્ચે નેટિઝન્સે તેનું કનેક્શન ભારતના સૌથી ફેમસ કોમેડી શો 'તારક મહેતા કા ઉલ્ટા ચશ્મા' સાથે જોડી દીધું છે. સોશિયલ મીડિયા યુઝર્સ રમુજી અંદાજમાં કહી રહ્યા છે કે, "દુનિયામાં કે દેશમાં ગમે તે નવો ક્રેઝ કે ઘટના બને ગોકુલધામ સોસાયટીના સભ્યોએ વર્ષો પહેલાં પોતાના કોઈ ને કોઈ એપિસોડમાં તેની રમૂજ કરેલી જ હોય છે!"

View this post on Instagram

A post shared by Aanya Wig (She/Her) (@aanyawigg)

ગોકુલધામ પ્રીમિયર લીગની તૈયારી વખતે દયા બેનને ફોન પર એક વ્યક્તિ કહે છે – “હેલો દયા બેન, સચિન બોલ રહ્યો છું… એક કચોરી, બે સમોસા, જીજાની ટીમનો શું ભરોસો.” આ સંવાદને ફેન્સે હાલના વિરોધના નારા સાથે મેળવી દીધો છે. શો 2008માં શરૂ થયો હતો. છતાં આજે પણ લોકો કહે છે કે દુનિયામાં જે કંઈ થાય છે તે પહેલા તારક મેહતામાં જ થઈ ચૂક્યું હોય છે.

આ સિવાય એવી પણ કોમેન્ટ આવી કે, જેમ હોલિવૂડની ફેમસ એનિમેટેડ સિરીઝ 'ધ સિમ્પસન્સ' ભવિષ્યની ઘટનાઓની અગાઉથી આગાહી કરવા માટે જાણીતી છે તેમ હવે ભારતીય દર્શકો 'તારક મહેતા...' ને ભારતનું 'સિમ્પસન્સ' ગણાવી રહ્યા છે. જેઠાલાલ, આત્મારામ ભિડે કે પોપટલાલના જૂના ક્લિપિંગ્સ શેર કરીને ફેન્સ દાવો કરી રહ્યા છે કે ખાણી-પીણી સાથે જોડાયેલા આવા અનોખા વિરોધ પ્રદર્શનો અને નારાઓનો મૂળમાં આ શોમાં પહેલાં જ જોવા મળી ચૂક્યો છે.

વધુ વાંચો : શુક્રવારે OTT પર એકસાથે રિલીઝ થશે આ 6 ફિલ્મો, લિસ્ટમાં 8.3 રેટિંગવાળું મૂવી પણ સામેલ

મહિલા સુરક્ષાનો મુદ્દો ગંભીર છે અને આવા ક્રિએટિવ નારાઓથી લોકોનું ધ્યાન વધુ આકર્ષાય છે. જેમાં ફેન્સ કોમેન્ટ્સમાં લખી રહ્યા છે કે તારક મેહતા આજના યુગનું રાશિફળ જેવું બની ગયું છે. જે કંઈ વાયરલ થાય તેનું કનેક્શન અહીંથી નીકળી જ આવે છે.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ