મનોરંજન / શુક્રવારે OTT પર એકસાથે રિલીઝ થશે આ 6 ફિલ્મો, લિસ્ટમાં 8.3 રેટિંગવાળું મૂવી પણ સામેલ

શુક્રવારે OTT પ્લેટફોર્મ્સ પર 6 નવી ફિલ્મો અને સિરીઝનું આગમન થઈ રહ્યું છે. નેટફ્લિક્સ, જીઓ હોટસ્ટાર અને ઝી5 પર રોમાન્ટિક સ્ટોરીથી લઈને ડોક્યુમેન્ટ્રી સુધી વિવિધ કન્ટેન્ટ આવવા જઈ રહ્યું છે. ચાલો જાણીએ કયા પ્લેટફોર્મ પર શું રિલીઝ થવા જઈ રહ્યું છે.

બેથલહેમ કુડુંબા યુનિટ

Jioહોટસ્ટાર પર આ મલયાલમ રોમાન્ટિક કોમેડી ફિલ્મ રિલીઝ થઈ રહી છે. 2 કલાક 37 મિનિટની આ ફિલ્મમાં એશ્લે અને જસ્ટિનની લવ સ્ટોરી છે. જસ્ટિન એશ્લેથી 13 વર્ષ મોટો છે અને આ વયનો તફાવત પરિવારને સ્વીકાર્ય નથી. ગિરીશ એડી દ્વારા દિગ્દર્શિત આ ફિલ્મની IMDb રેટિંગ 8.3 છે.

અંધ વિશ્વાસ – સાવધાન ઈન્ડિયા સ્ટોરીઝ

જીઓ હોટસ્ટાર પર આ સાચી ક્રાઈમ ઘટનાઓ પર આધારિત સિરીઝ આવી રહી છે. સમાજમાં ફેલાયેલા અંધશ્રદ્ધા અને પાખંડનો લાભ લઈને કેવી રીતે ગુનેગારો મોટી વારદાતો આચરે છે તે દર્શાવવામાં આવ્યું છે.

હેશટેગ લવ

નેટફ્લિક્સ પર આ તમિલ રોમાન્ટિક કોમેડી સિરીઝ રિલીઝ થશે. તે તેલુગુ, હિન્દી, કન્નડ અને મલયાલમમાં પણ ઉપલબ્ધ રહેશે. ડેટિંગ એપની ફાઉન્ડર અને ઇન્વેસ્ટર મેથ્યૂ વચ્ચે લવ અને આર્ગ્યુમેન્ટની સ્ટોરી છે.

ડૂઈંગ લાઈફ

નેટફ્લિક્સ પર આ ઈમોશનલ રોમાન્ટિક ડ્રામા ફિલ્મ આવી રહી છે. જેમાં સીંગલ મધર અને જેલમાં સજા ભોગવતા કેદી વચ્ચે પ્રેમભર્યા પત્રો દ્વારા જોડાણની સ્ટોરી છે.

પૂજા મેરી જાન

ઝી5 પર મૃણાલ ઠાકુર, હુમા કુરેશી અને વિક્રમ સિંહ ચૌહાણ સ્ટારર આ સસ્પેન્સ ક્રાઈમ થ્રિલર ફિલ્મ રિલીઝ થઈ રહી છે. એક રિજેક્શન કેવી રીતે અનેક લોકોના જીવનમાં તોફાન લાવી દે છે તે સ્ટોરી છે. જેમાં નવજોત ગુલાટીએ દિગ્દર્શન કર્યું છે.

શુમાખર ’94– ધ બર્થ ઑફ અ લિજેન્ડ

નેટફ્લિક્સ પર આ ડોક્યુમેન્ટ્રી આવી રહી છે. માઈકલ શુમાખરના ફોર્મ્યુલા 1ના શાનદાર સિઝન અને પહેલી વર્લ્ડ ડ્રાઈવર ચેમ્પિયનશિપ જીતની સ્ટોરી છે. તેની પત્ની કોરિના અને બીજ ફેમસ ચહેરાઓના ઇન્ટરવ્યૂ સામેલ છે.

વધુ વાંચો: ''કલાકનો શું રેટ છે?'', જ્યારે બોલ્ડનેસ દેખાડવા પર એક્ટ્રેસને મળ્યાં અશ્લીલ મેસેજ

નેટફ્લિક્સ પર આ અઠવાડિયું એકંદરે ખાસ રહેવાનું છે. શુક્રવાર સિવાય બીજા દિવસોમાં પણ અમુક ઇન્ટરેસ્ટિંગ ફિલ્મો અને સિરીઝ આવવાની છે.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ