બિઝનેસ / અનૂપ બાગચી કોણ છે? ત્રણ વર્ષ માટે બનશે HDFC Bankના MD અને CEO, RBIએ આપી મંજૂરી

ખાનગી ક્ષેત્રની દેશની અગ્રણી બેંક HDFC બેંકે પોતાના ટોપ મેનેજમેન્ટમાં મોટા ફેરફારની સત્તાવાર જાહેરાત કરી દીધી છે. બેંકના બોર્ડ ઓફ ડિરેક્ટર્સે અનૂપ બાગચીને આગામી 3 વર્ષ માટે બેંકના નવા મેનેજિંગ ડિરેક્ટર (MD) અને ચીફ એક્ઝિક્યુટિવ ઓફિસર (CEO) તરીકે નિયુક્ત કર્યા છે. સેન્ટ્રલ બેંક RBI એ 1 October ના રોજ એક કમ્યુનિકેશન દ્વારા અનૂપ બાગચીની નિયુક્તિ અને તેમના પગાર ભથ્થાને લીલી ઝંડી આપી દીધી છે. બાગચીનો 3 વર્ષનો આ કાર્યકાળ 27 October 2026 થી શરૂ થશે. તે પહેલાં 2 October 2026 થી તેઓ બેંકમાં એડિશનલ ડિરેક્ટર તરીકે જોડાશે. કંપનીઝ એક્ટ 2013 હેઠળ શેરહોલ્ડર્સની આખરી મંજૂરી મળ્યા બાદ આ નિયુક્તિ પૂર્ણપણે અમલી બનશે. તેઓ શશિધર જગદીશનનું સ્થાન લેશે, જેઓ બેંક સાથે અંદાજે 30 વર્ષ ગાળ્યા બાદ નિવૃત્ત થઈ રહ્યા છે.

કોણ છે અનૂપ બાગચી? 3 દાયકાનો બહોળો અનુભવ

અનૂપ બાગચી ફાઇનાન્શિયલ સર્વિસ ક્ષેત્રે 30 વર્ષથી વધુનો અનુભવ ધરાવે છે. તેઓ જૂન 2023 થી ICICI પ્રુડેન્શિયલ લાઇફ ઇન્શ્યોરન્સના MD અને CEO તરીકે સફળતાપૂર્વક જવાબદારી સંભાળી રહ્યા છે.

બેંકિંગ ક્ષેત્રે કારકિર્દી: બાગચી 1992 થી ICICI ગ્રુપ સાથે જોડાયેલા છે. તેમણે ટ્રેઝરી, રિટેલ બેંકિંગ, હોલસેલ બેંકિંગ, ઇન્વેસ્ટમેન્ટ બેંકિંગ અને ડિજિટલ ફાઇનાન્શિયલ સર્વિસિસમાં લીડરશિપ ભૂમિકાઓ ભજવી છે.

ICICI બેંકમાં અનુભવ: 2017 થી 2023 સુધી તેમણે ICICI બેંકના એક્ઝિક્યુટિવ ડિરેક્ટર તરીકે સેવા આપી હતી. આ સિવાય તેઓ ICICI સિક્યોરિટીઝના CEO અને MD પણ રહી ચૂક્યા છે.

શાનદાર ટ્રેક રેકોર્ડ: ICICI પ્રુડેન્શિયલ લાઇફમાં તેમના કાર્યકાળ દરમિયાન કંપનીએ FY25 માં પહેલીવાર Rs 10,000 Crore નો એન્યુઅલાઇઝ્ડ પ્રીમિયમ ઇક્વિવેલન્ટ (APE) હાંસલ કર્યો હતો. આ ગાળામાં કંપનીનો કરવેરા પછીનો નફો (PAT) 40% વધીને Rs 1,189 Crore થયો હતો.

HDFC બેંકમાં લીડરશિપનો નવો યુગ

HDFC બેંકમાં આ લીડરશિપ બદલાવ એવા સમયે થઈ રહ્યો છે જ્યારે બેંક પોતાની સિનિયર મેનેજમેન્ટ ટીમને સંપૂર્ણપણે રીશેપ કરી રહી છે. સપ્ટેમ્બરમાં બેંકે જિમી ટાટાને એક્ઝિક્યુટિવ ડિરેક્ટર અને વી. શ્રીનિવાસ રંગનને હોલ-ટાઇમ ડિરેક્ટર તરીકે ફરીથી નિયુક્ત કર્યા હતા. આ સિવાય 29 June ના રોજ રાજીવ કુમારને HDFC બેંકના પાર્ટ-ટાઇમ ચેરમેન તરીકે નિયુક્ત કરવામાં આવ્યા હતા.

આ પણ વાંચોઃ Business / સેન્સેક્સ લાલ, તો નિફ્ટી આ 5 કારણોના લીધે પહોંચ્યો 22500ની નજીક

RBI ને બેંક દ્વારા મોકલવામાં આવેલા બે નામોમાંથી અનૂપ બાગચીના નામ પર પસંદગીનો કળશ ઢોળાયો છે. તેમની આગેવાની હેઠળ HDFC બેંક એક નવા કોર્પોરેટ યુગમાં પ્રવેશ કરવા જઈ રહી છે.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ