Hijack Scare / માનો કે પ્લેનમાં પાઈલટને કંઇ થયું તો બચાવશે કોણ? flydubaiના કેપ્ટન સ્મિતનું એ ઈન્ટરવ્યૂ, જે થઇ રહ્યું છે વાયરલ

ફ્લાઈદુબઈની ફ્લાઈટમાં બનેલી ભયાનક ઘટનાએ આખી દુનિયાનું ધ્યાન ખેંચી લીધું છે. દુબઈથી તેલ અવીવ જતી ફ્લાઈટ FZ1073માં હવામાં જ બે પાયલટ્સ વચ્ચે તકરાર થઈ અને ઓમાની કો-પાયલટે ભારતીય કેપ્ટન સ્મિત મચ્છર પર છરી વડે હુમલો કરીને વિમાનને ક્રેશ કરાવવાનો પ્રયાસ કર્યો હતો. યાત્રીઓ અને ક્રૂએ સમયસર દખલ કરીને હુમલાખોરને કાબૂમાં લઈને મોટી દુર્ઘટના ટાળી હતી.

આ ઘટના બાદ હવે કેપ્ટન સ્મિત મચ્છરનો એક વર્ષ જૂનો ઇન્ટરવ્યૂ સોશિયલ મીડિયા પર વાયરલ થઈ રહ્યો છે. તે ક્લિપમાં તેમને હવામાં મેડિકલ ઈમરજન્સીની સ્થિતિમાં મદદ અંગે વાત કરી હતી. જેમાં તેમને પૂછ્યું હતું, “જ્યારે આપણે હવામાં હોઈએ અને કંઈક થઈ જાય, તો તમને કોણ બચાવશે?”

જેમાં તેમને સમજાવ્યું કે યાત્રીઓમાં જો કોઈ ડૉક્ટર હોય તો તે ખૂબ સારું છે પણ ફ્લાઈટ ક્રૂ પણ જીવ બચાવવાની મદદ કરી શકે છે. સામાન્ય ફ્લાઈટ જ્યારે ઈમરજન્સીમાં ફેરવાઈ જાય ત્યારે ક્રૂની મદદ કરવાની ક્ષમતા સૌથી મહત્ત્વની બની જાય છે. આ વાતચીતમાં તેમના એવિએશન કરિયર અને નવા પાયલટ્સને માર્ગદર્શન આપવાના કામની પણ ચર્ચા થઈ હતી.

સ્મિત મચ્છર મૂળ ગુજરાતી છે. તેઓ જૂન 2022માં ડાયરેક્ટ-એન્ટ્રી કૅકેપ્ટન તરીકે ફ્લાઈદુબઈમાં જોડાયા હતા. તે પહેલાં તેમને સ્પાઈસજેટ સાથે લગભગ અગિયાર વર્ષ કામ કર્યું હતું.

એવામાં પ્રધાનમંત્રી નરેન્દ્ર મોદીએ પણ કેપ્ટન સ્મિત મચ્છરની પ્રશંસા કરી છે. તેમને કહ્યું કે કેપ્ટન સ્મિત મચ્છર હીરો છે. ખુબ જોખમી પરિસ્થિતિમાં અને ગંભીર રીતે ઘાયલ થવા છતાં તેમને બીજાના જીવ બચાવવા માટે અદ્ભુત હિંમત અને અડગ સંકલ્પ દાખવ્યો. તેમની બહાદુરીથી સેંકડો લોકોના જીવ બચ્યા અને મોટી દુર્ઘટના ટળી ગઈ. ભારતને કેપ્ટન મચ્છર પર ગર્વ છે અને તેમના જલ્દી સ્વસ્થ થવાની પ્રાર્થના કરે છે.

વધુ વાંચો : કોણ છે એ ગુજરાતી મૂળના પાયલટ, જેને ઓમાની પાયલટ સાથે બાથ ભીડી લીધી, જાણો વિગત

આ અંગે ઇઝરાયલના પ્રધાનમંત્રી બેન્જામિન નેતન્યાહુએ પણ મચ્છરની તારીફ કરતા કહ્યું કે, “ભારતીય પાયલટ કેપ્ટન સ્મિત મચ્છરને તેમની અસાધારણ બહાદુરી માટે મારો સલામ.છરીથી હુમલો થયો અને ગંભીર રીતે ઘાયલ થવા છતાં તેમનેણે પાછો હુમલો કર્યો, પ્રતિકાર કર્યો, કોકપિટનો દરવાજો ખોલ્યો અને યાત્રીઓ તથા ક્રૂને હુમલાખોરને કાબૂમાં લેવા મદદ કરી — આમ તેમણે હવામાં મોટી આપત્તિ ટાળી.તેમણે 180 લોકોના જીવ બચાવ્યા, જેમાં ઇઝરાયલી નાગરિકો અને અન્ય દેશના લોકોનો સમાવેશ થાય છે. હું કેપ્ટન મચ્છરના જલ્દી અને સંપૂર્ણ સ્વસ્થ થવાની ઈચ્છા રાખું છું. તે સાચા અર્થમાં હીરો છે.”

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ