VIDEO / રાજકોટમાં ટી.રાજા સિંહનો હૂંકાર, કહ્યું "લવ જિહાદ કેન્સર સમાન, ગરબા મહોત્સવમાં ગેર-હિંદુઓનો પ્રવેશ બંધ કરો"

રંગિલા રાજકોટના રેસકોર્સ મેદાન ખાતે આયોજિત 'સનાતન યુવા કથા'માં તેજાબી વક્તા અને પ્રખ્યાત નેતા ટી. રાજા સિંહે વિશેષ હાજરી આપી હતી. રાજકોટના મહેમાન બનેલા ટી. રાજા સિંહે ધાર્મિક કાર્યક્રમ દરમિયાન લવ જિહાદ અને આગામી ગરબા મહોત્સવની સુરક્ષાને લઈને અત્યંત મહત્વપૂર્ણ અને ચકચારી નિવેદનો આપ્યા હતા. કાર્યક્રમ દરમિયાન રાજકોટના યુવાનો, મહિલાઓ અને વડીલોમાં ધર્મ પ્રત્યેનો ઉત્સાહ જોઈને તેમણે આનંદ વ્યક્ત કર્યો હતો.

લવ જિહાદ કેન્સર સમાન, ઘરથી જ જાગૃતિ લાવવી જરૂરી

પોતાના સંબોધનમાં ટી. રાજા સિંહે લવ જિહાદના મુદ્દે આકરા પ્રહારો કરતા તેને સમાજ માટે ઘાતક 'કેન્સર' ગણાવ્યું હતું. તેમણે ભારપૂર્વક જણાવ્યું હતું કે, લવ જિહાદ જેવા ષડયંત્રો સામે લડવા માટે દરેક પરિવારે પોતાના ઘરથી જ જાગૃતિની શરૂઆત કરવી પડશે. વાલીઓએ પોતાની બહેન-દીકરીઓને યોગ્ય સંસ્કાર આપવાની સાથે તેમને દોસ્ત અને દુશ્મન વચ્ચેનો સાચો તફાવત સમજાવવો અત્યંત જરૂરી બન્યો છે, જેથી તેઓ કોઈપણ પ્રકારના છળકપટનો ભોગ ન બને.

ગરબા આયોજનોમાં બોર્ડ લગાવવા અને કડક ચેકિંગની માગ

નવરાત્રિ ગરબા આયોજનો સંદર્ભે ટી. રાજા સિંહે આયોજકો અને શાસન સામે મોટો પ્રસ્તાવ મૂક્યો હતો. તેમણે અપીલ કરી હતી કે, દરેક ગરબા સ્થળના મુખ્ય પ્રવેશદ્વાર પર ‘ગેર-હિંદુઓ માટે પ્રવેશ વર્જિત’ લખાણ ધરાવતા બેનરો કે બોર્ડ સત્તાવાર રીતે લગાવવામાં આવે. ગરબા પંડાલમાં કામ કરતા બાઉન્સર, સિક્યુરિટી ગાર્ડ, સાઉન્ડ ઓપરેટરથી લઈને રસોઈયા અને કેટરિંગ સ્ટાફ સુધીના તમામ કર્મચારીઓનું આધાર કાર્ડ અને પોલીસ વેરીફિકેશન ફરજિયાતપણે કરવામાં આવે. સાંસ્કૃતિક અને ધાર્મિક પવિત્રતા જળવાઈ રહે તે માટે ગરબા આયોજકો અને સ્થાનિક સરકારે સાથે મળીને ચોક્કસ નીતિ-નિયમો નક્કી કરવા જોઈએ.

વધુ વાંચો : સચિન તેંડુલકરે OpenAI સાથે કર્યો કરાર, ChatGPTના ઉપયોગ અને AIના ફાયદા વિશે લોકો સાથે અનુભવ શેર કરશે

રાષ્ટ્ર અને ધર્મની રક્ષા માટે યુવાનોને આહ્વાન

રાજકોટની જનતાના ધાર્મિક ઉત્સાહની પ્રશંસા કરતા તેમણે દેશના યુવાધનને જાગૃત થવા હાકલ કરી હતી. ટી. રાજા સિંહે ઉમેર્યું હતું કે, આપણી સંસ્કૃતિ, દેશ, ધર્મ અને સમાજની સુરક્ષાની જવાબદારી આજના યુવાનોના ખભા પર છે. તેથી યુવાનોએ સંગઠિત થઈને અને જાગૃત બનીને દેશ તથા સંસ્કૃતિ વિરોધી તત્વો સામે અવાજ ઉઠાવવા માટે હંમેશાં તત્પર રહેવું પડશે.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ