બહાદુરી / '174 ઈઝરાયેલીના જીવ બચાવ્યાં તે ખરેખર પ્રશંસનીય', સ્મિત મચ્છરના સાવરકુંડલામાં રહેતા સાળાએ શું કહ્યું?

ફ્લાયદુબઈની ફ્લાઈટમાં કો-પાઈલટના હુમલામાં ગંભીર રીતે ઘાયલ છતાં 174 ઈઝરાયેલીઓના જીવ બચાવનાર ગુજરાતી મૂળના કેપ્ટન સ્મિત મચ્છરના સાવરકુંડલામાં રહેતા તેમના સાળા હિરેન જોગીએ મીડિયા સાથેની વાતચીતમાં કહ્યું કે કેપ્ટન સ્મિત મચ્છર હુમલામાં જીવિત છે એ જાણીને પરિવારને ખૂબ આનંદ થયો.

કેપ્ટન સ્મિત મચ્છરના સાળાએ શું કહ્યું?

જોગીએ કહ્યું કે ગઈકાલની ઘટના દરમિયાન સ્મિતે 174 મુસાફરોને બચાવતી વખતે જે હિંમત બતાવી તે ખરેખર પ્રશંસનીય છે. તે મારા બનેવી છે અને હાલમાં તેમની સારવાર ચાલી રહી છે. ઘટના વિશે અપડેટ્સ મેળવવા માટે અમે તેમના બનેવી સાથે વાત કરી છે. પરિવારે વધુમાં જણાવ્યું કે, જૂન 2022 માં ફ્લાયદુબઈમાં જોડાતા પહેલા મચ્છરે ભારતીય એરલાઇન સ્પાઇસજેટમાં 11 વર્ષથી વધુ સમય સુધી કામ કર્યું હતું.

કેપ્ટન મચ્છર ઝડપથી સાજા થઈ રહ્યાં છે-ભારતીય દૂતાવાસ

સાઉદી અરેબિયામાં ભારતીય દૂતાવાસે પાઇલટ સ્મિત માછરના સ્વાસ્થ્ય અંગે મહત્વપૂર્ણ અપડેટ આપ્યું છે. સોશિયલ મીડિયા પ્લેટફોર્મ X પર જાહેર કરાયેલા એક નિવેદનમાં, રિયાધમાં ભારતીય દૂતાવાસે જણાવ્યું હતું કે સાઉદી અરેબિયામાં બંને ભારતીય મિશન કેપ્ટન મચ્છરના સ્વાસ્થ્ય પર નજર રાખી રહ્યા છે. દૂતાવાસે જણાવ્યું હતું કે પાઇલટ હાલમાં ઉત્તરપશ્ચિમ સાઉદી અરેબિયાના શહેર તાબુકમાં હોસ્પિટલમાં દાખલ છે અને જરૂરી સારવાર લઈ રહ્યાં છે. ભારતીય દૂતાવાસે કહ્યું કે તેઓ કેપ્ટન માછરના સ્વાસ્થ્ય વિશે વધુ વિગતોની રાહ જોઈ રહ્યા છે, પરંતુ પ્રારંભિક અહેવાલો દર્શાવે છે કે તેમની સ્થિતિ સ્થિર છે. "અમને આશા છે કે તેઓ જલ્દીથી તેમની ઇજાઓમાંથી સ્વસ્થ થઈ જશે," દૂતાવાસે કહ્યું. ભારતીય મિશનએ કહ્યું કે તે કેપ્ટનના પરિવાર સાથે સંપર્કમાં છે.

વધુ વાંચો : કોસંબામાં સાધુ દંપતિએ 3 લોકોને ઓશિકાથી ગૂંગળાવીને મારી નાખ્યાં, પત્ની ઝગડો કરીને ગઈ તેમાં ખુલ્યો ભેદ

નેતન્યાહુએ કેપ્ટન સ્મિતને સાચા હીરો ગણાવ્યા

ઇઝરાયલના વડા પ્રધાન બેન્જામિન નેતન્યાહૂએ બુધવારે કેપ્ટન સ્મિતને સાચા હીરો ગણાવ્યા. નેતન્યાહૂએ કહ્યું કે ઘાયલ હોવા છતાં, તેમણે સહ-પાયલટ સાથે લડાઈ લડી અને એક ભયાનક અકસ્માત ટાળ્યો. તેમણે કહ્યું, "અસાધારણ બહાદુરી દર્શાવનારા ભારતીય પાયલટ કેપ્ટન સ્મિતને મારી સલામ." નેતન્યાહૂએ અગાઉ કહ્યું હતું કે એક પાયલટે બીજા પાયલટ પર છરી વડે હુમલો કર્યો હતો અને કથિત રીતે મુસાફરોથી ભરેલા વિમાનને નીચે પાડવાનો પ્રયાસ કર્યો હતો.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ