ગાંધીનગર / સરકારે 'ઓપરેશન ગંગાજળ' અંતર્ગત IAS ગૌરવ દહીયા અને કે. રાજેશને ઘરે બેસાડી દીધા, મહિલાએ દહિયા પર લગાવ્યો હતો આરોપ

રાજ્ય સરકારના સામાન્ય વહીવટ વિભાગ દ્વારા IAS ગૌરવ દહિયા અને IAS કે.રાજેશને ફરજિયાત નિવૃત કરવામાં આદેશ કરાયો છે. લીનું સિંઘ નામની મહિલાએ IAS દહિયા પર ગંભીર આરોપ લગાવ્યા હતા. દહિયા સામે ચાલી રહેલી વિભાગીય તપાસ બાદ નિર્ણય લેવામાં આવ્યો છે. IAS ગૌરવ દહિયા રાજ્યના અધિક વિકાસ કમિશનર તરીકે કાર્યરત હતા.

View this post on Instagram

A post shared by Sambhaav Nascent LLP (@vtv_gujarati_news)

ગુજરાત કેડરના 2010 બેચના IAS અધિકારી ગૌરવ દહિયા અગાઉ પણ વિવાદોમાં રહ્યા છે. હવે 1 ઓક્ટોબર 2026ના સેવા સમીક્ષા બાદ તેમને ફરજિયાત નિવૃત્તિ આપવાનો નિર્ણય સામે આવ્યો છે. દિલ્હીની મહિલા લીનુ સિંઘે સ્થાનિક વિમેન સેલમાં ગંભીર આક્ષેપો સાથે આરોગ્ય વિભાગના તત્કાલીન કમિશનર ગૌરવ દહિયા સામે અરજી કરી હતી.

આઇએએસ કે.રાજેશ પર ભ્રષ્ટાચારના આરોપને લઈ ફરજિયાત ફરજમુક્ત કરાયા છે. વર્ષ 2022માં ભ્રષ્ટાચારના કેસમાં કે.રાજેશની ધરપકડ કરવામાં આવી હતી. સુરેન્દ્રનગર જિલ્લાના કલેક્ટરના હોદ્દા પર રહીને જમીન સોદામાં કટકી કરી હોવાના આક્ષેપ થયા હતા. EDએ મની લોન્ડરિંગ હેઠળ પણ કે.રાજેશ વિરુદ્ધ કાર્યવાહી કરી હતી. કે. રાજેશ એપ્રિલ 2018થી જૂન 2021 દરમિયાન સુરેન્દ્રનગરના કલેક્ટર રહ્યા હતા. કે. રાજેશને જુલાઈ 2022માં CBI દ્વારા ધરપકડ કરવામાં આવ્યા બાદ રાજ્ય સરકારે સસ્પેન્ડ કર્યા હતા.

View this post on Instagram

A post shared by Sambhaav Nascent LLP (@vtv_gujarati_news)

કે.રાજેશ કોણ છે

કે. રાજેશ ગુજરાત કેડરના 2011 બેચના આઇએએસ અધિકારી છે તેઓ મૂળ આંધ્રપ્રદેશના છે. ગુજરાતમાં જૂનાગઢમાં આસિસ્ટન્ટ કલેક્ટર તરીકે કારકિર્દીની શરૂઆત બાદ સુરતમાં આસિસ્ટન્ટ કલેક્ટર અને જિલ્લા વિકાસ અધિકારી તરીકે પણ ફરજ બજાવી હતી. ત્યારબાદ તેઓ સુરેન્દ્રનગરના કલેક્ટર બન્યા હતા.

આ પણ વાંચોઃ ડખો પડ્યો / GPSCના સભ્યપદની નિયુક્તિને લઇ વિવાદ, ગુજરાત પ્રદેશ કોંગ્રેસ સમિતિનાં મીડિયા કન્વીનર વિફર્યા

પૂર્વ IAS કે.રાજેશ સામે રાજ્ય સરકારે મોટી કાર્યવાહી કરી છે. ગુજરાત સરકારે કે.રાજેશને ફરજિયાત નિવૃત્ત કર્યા છે. કે.રાજેશની નિવૃત્તિના સરકારે આદેશ પણ આપ્યા છે. સામાન્ય વહીવટ વિભાગે તેમને ફરજ મુક્ત કરવાના આદેશ આપ્યા છે. મહત્વનું છે કે, વર્ષ 2022માં ભ્રષ્ટાચારના કેસમાં કે.રાજેશની ધરપકડ થઇ હતી. સુરેન્દ્રનગર જિલ્લાના કલેક્ટરના હોદ્દા પર રહીને જમીન સોદામાં કરી તેમણે કટકી પણ કરી હતી. ઇડીએ મની લોન્ડરિંગ હેઠળ પણ કે.રાજેશ વિરુદ્ધ કાર્યવાહી કરી છે.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ