NRI / હવેથી રિજેક્ટ થઇ જશે આ ફોર્મ, અમેરિકા જનારા ભારતીયો ખાસ વાંચી લે

અમેરિકામાં અભ્યાસ કરનારા વિદ્યાર્થીઓ H-1B વિઝા ધારકો અને પરિવારો માટે એક મહત્વપૂર્ણ અપડેટ આવી છે. USCIS (U.S. Citizenship and Immigration Services) એ પોતાના બે પ્રમુખ ફોર્મ્સથી જોડાયેલા નિયમોમાં મોટા બદલાવ કરવામાં આવ્યા છે.

જો તમે યુનાઇટેડ સ્ટેટ્સમાં રહીને તમારા વિઝા સ્ટેટસમાં ફેરફાર કે લંબાવવાની અથવા વર્ક પરમિટ (EAD) માટે અરજી કરવાની યોજના બનાવી રહ્યા હોય, તો આ માહિતી તમારા માટે અત્યંત મહત્વપૂર્ણ છે. 15 સપ્ટેમ્બર, 2026થી જૂના ફોર્મનો ઉપયોગ બંધ કરવામાં આવશે અને માત્ર નવા ફોર્મ જ સ્વીકારવામાં આવશે. આવો આ નવા નિયમના મુખ્ય પાસાઓ અને તમારે કઈ બાબતો ધ્યાનમાં રાખવી જોઈએ તે સમજીએ.

ક્યા ફોર્મ્સમાં થયો છે બદલાવ?

USCIS એ જે બે મુખ્ય ફોર્મ્સને અપડેટ કર્યા છે, તે આ પ્રકારે છેઃ

• Form I-539 (વિઝા સ્ટેટસ લંબાવવા અથવા બદલવા માટે): આ ફોર્મનો ઉપયોગ અમેરિકામાં રહીતી વખતે 'નોન-ઇમિગ્રન્ટ' વિઝા સ્ટેટસને લંબાવવા અથવા બદલવા માટે થાય છે. જેમ કે, H-1B વિઝા ધારકોના જીવનસાથી (H-4 Dependent) અથવા બાળકો તેનો ઉપયોગ કરે છે. નોંધ લો કે H-1B વિઝા ધારકો પોતે આ હેતુ માટે ફોર્મ I-129 નો ઉપયોગ કરે છે.

• Form I-765 (વર્ક પરમિટ, એટલે કે EAD માટે): આ ફોર્મનો ઉપયોગ યુ.એસ.માં કામ કરવાની મંજૂરી (Employment Authorization Document) મેળવવા માટે થાય છે. H-4 વિઝા ધરાવતા જીવનસાથીઓ અને આંતરરાષ્ટ્રીય વિદ્યાર્થીઓ વર્ક પરમિટ માટે અરજી કરવા આ ફોર્મનો ઉપયોગ કરે છે.

જૂના અને નવા ફોર્મ માટેની તારીખો

ભૂલથી જૂનું ફોર્મ સબમિટ ન થઈ જાય તે સુનિશ્ચિત કરવા માટેના વર્ઝન સાથે સંકળાયેલી તારીખોને ધ્યાનથી સમજી લો:

• ફોર્મ I-539: જૂનું વર્ઝન ( 28 ઓગસ્ટ, 2024 ) હવે 15 સપ્ટેમ્બર, 2026થી માન્ય રહેશે નહીં, તેના સ્થાને નવું વર્ઝન અમલમાં આવશે.
• ફોર્મ I-765: તેવી જ રીતે, જૂનું વર્ઝન ( 21 ઓગસ્ટ, 2025) ના સ્થાને માત્ર 15 સપ્ટેમ્બર, 2026ની તારીખવાળું નવું વર્ઝન જ સ્વીકારવામાં આવશે.

જો તમે તમારી અરજી 15 સપ્ટેમ્બર, 2026 પહેલાં સબમિટ કરો છો, તો જૂના ફોર્મ સ્વીકારવામાં આવશે. જોકે, જો 15 સપ્ટેમ્બરના રોજ કે તે પછી જૂનું ફોર્મ સબમિટ કરવામાં આવે, તો અરજી નામંજૂર કરવામાં આવશે.

કોઇ ગ્રેસ પીરિયડ નહીં મળશે

આ નવા નિયમનું સૌથી મહત્વનું પાસું એ છે કે USCIS દ્વારા કોઈ પણ 'ગ્રેસ પિરિયડ' (Grace Period) આપવામાં આવ્યો નથી. આનો સીધો અર્થ એ છે કે જો 15 સપ્ટેમ્બર કે તે પછી જૂનું ફોર્મ સબમિટ કરવામાં આવે, તો ભલે તે ભૂલથી જ કેમ ન હોય. તો તમને તેમાં સુધારો કરવાની તક આપવામાં આવશે નહીં અને અરજીને તુરંત જ નામંજૂર કરી દેવામાં આવશે. જોકે USCIS એ જણાવ્યું છે કે તે નવા ફોર્મ માટેના નમૂના અને સૂચનાઓ અગાઉથી જાહેર કરશે, પરંતુ ધ્યાન રાખો કે, નવું ફોર્મ 15 સપ્ટેમ્બર પહેલાં ફાઇલ કરવું જોઈએ નહીં.

આ પણ વાંચોઃ ભારતીય કપલને વળગીને રડી અમેરિકન મહિલા, એવું કહ્યું કે વીડિયો થયો વાયરલ

તેથી, જો તમે અથવા તમારા પરિવારના કોઈ સભ્ય સપ્ટેમ્બર મહિનામાં યુએસ વિઝા અથવા વર્ક પરમિટ માટે અરજી કરવાનું વિચારી રહ્યા હોય, તો ફોર્મની edition date ખાસ તપાસી લેજો. ઉતાવળ કે બેદરકારીના કારણે તમારી અરજી નામંજૂર થઈ શકે છે, જેનાથી તમારો સમય અને નાણાં બંનેનો બગાડ થશે.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ