ધરપકડ / સાધુનાં વેશમાં ડ્રગ્સ સપ્લાય કરતો વોન્ટેડ આરોપી ઝડપાયો, ફિલ્મી ઢબે ધરપકડ

સુરત: શહેરની SOG ટીમે લાંબા સમયથી ફરાર રહેલા ડ્રગ્સના વોન્ટેડ આરોપીને મુંબઇમાંથી ઝડપી પાડ્યો છે. માહિતી મુજબ, આરોપી ઇશાક અલી સૈયાદ છેલ્લા કેટલાક મહિનાથી સાધુના વેશમાં મહારાજ તરીકે ઓળખ આપી લોકોની આંખમાં ધૂળ ઝોકી રહ્યો હતો.

પોલીસ સૂત્રો અનુસાર, આ આરોપીએ ડ્રગ્સ વેચાણના ધંધા માટે પોતાનું હિન્દુ નામ “મહારાજ” રાખ્યું હતું જેથી કોઈને શંકા ન જાય. લગભગ નવ મહિના પહેલા સુરત પોલીસે બિલ્ડર ભરત પટેલની ધરપકડ કરી હતી. તેની પુછપરછ દરમિયાન ઇશાક અલી સૈયાદ ઉર્ફે મહારાજનું નામ સામે આવ્યું હતું.

સુરત SOGની ટીમ મુંબઇ પહોંચી

નામ બહાર આવતા જ અલી સૈયાદ સાઉદી અરેબિયા ભાગી ગયો હતો. તાજેતરમાં તે ગુપ્ત રીતે મુંબઇ પરત આવ્યો હતો. માહિતી મળતા જ સુરત SOGની ટીમ મુંબઇ પહોંચી અને રેસી હુમલો કરીને તેને મુંબઇ ખાતેથી ઝડપી પાડ્યો. પોલીસે આરોપીને સુરત લાવી વધુ પુછપરછ શરૂ કરી છે. SOG હવે તપાસ કરી રહી છે કે આરોપી સાથે અન્ય કોઈ નેટવર્ક અથવા સાથીદાર જોડાયેલા છે કે નહીં.

આ પણ વાંચોઃ સુરતીઓ રોજનું 200 કિલો નકલી પનીર ઝાપટી જતા, સુરભી ડેરીનો ભાંડો ફુટ્યો

મુખ્ય મુદ્દા:

• ડ્રગ્સ કનેક્શનમાં સાધુના વેશમાં ફરતો આરોપી ઝડપાયો
• આરોપીનું સાચું નામ: ઇશાક અલી સૈયાદ
• નકલી હિન્દુ નામ: “મહારાજ”
• સાઉદી અરેબિયા ભાગી જઇ મુંબઇ પરત ફર્યો હતો
• સુરત SOGની કાર્યવાહીથી વોન્ટેડ આરોપી જાળમાં

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ