જાણો / ગુજરાતી ઉદ્યોગપતિ પાસે 12 હજાર કરોડની સંપત્તિ, છતાં દીકરો 180 રૂપિયાની મજૂરી કરવા મજબૂર, કારણ જાણી કહેશો 'વાહ'

જો બેંકના ખાતામાં છ હજાર કરોડ રૂપિયા પડ્યો હોય તો ભાગ્યે જ કોઈ એવું હશે જે હોટલમાં ટેબલ સાફ કરવાથી માંડીને સેલ્સમેન જેવી નોકરી કરશે. તમને વિશ્વાસ નહીં થાય પણ આ વાત એકદમ સાચી છે. સુરતના ડાયમંડ કિંગના નામે જાણીતા સવજી ધોળકીયા જે દર વર્ષે દિવાળી ગિફ્ટને લઈને ચર્ચામાં રહે છે આજે તે તેમની શિખામણને લઈને પણ ચર્ચામાં છે.

કંપનીના કર્મચારીઓને દિવાળીમાં ક્યારેક કાર તો ક્યારેક ફ્લેટ ગિફ્ટ કરનારા સવજી ધોળકિયા સુરતના જાણીતા વેપારીઓમાંથી એક છે. હીરાનો વેપાર કરનારા સવજી ધોળકિયા ધનજી હરિકૃષ્ણા એક્સપોર્ટ્સ પ્રાઈવેટ લિમિટેડના ફાઉન્ડર અને ચેરમેન છે. તેમની સંપત્તિ 12 હજાર કરોડથી વધુ છે, પણ તેમ છતા તેમણે દીકરાઓ પાસે સેલ્સમેન અને વેઈટર જેવી નોકરી કરાવડાવી છે.

વર્ષ 1962માં અમરેલી જિલ્લાના દુધલા ગામમાં ખેડૂત પરિવારમાં જન્મેલા સવજી ધોળકિયાએ ચોથા ધોરણ સુધી અભ્યાસ કર્યો છે. મુશ્કેલીનો સામનો કરીને તેમણે 1992માં ત્રણ ભાઈઓ સાથે મળીને હરિ કૃષ્ણા એક્સપોર્ટ્સ પ્રાઈવેટ લિમીટેડની શરૂઆત કરી હતી. આજે તેમની કંપનીમાં 6500થી વધુ કર્મચારી છે. ખાસ વાત તો એ છે કે દર વર્ષે દિવાળીના અવસરે ગિફ્ટને લઈને ચર્ચામાં રહે છે.તેમણે બાળકોને સામાન્ય માણસનું જીવન જીવતા શિખવ્યું છે.

બાળકોની પૈસાની કિંમત થાય એ માટે સવજી ધોળકિયાએ એક અલગ પરપંરાની શરૂઆત કરી છે. બાળકોને ભણાવ્યા ગણાવ્યા પણ તેમને જીવવનું સાચુ મૂલ્ય શિખવવા માટે સામાન્ય લોકો જેવું જીવન જીવવાની પણ શરત રાથી. તેમણે દિકરા દ્રવ્ય ધોળકિયાને વેઈટર અને સેલ્સમેન નોકરી કરવા મોકલ્યો. લંડનથી ડિગ્રી લઈને આવ્યા પછી તેમને પોતાની કંપનીમાં નોકરી આપવાની જગ્યાએ વેઈટર અને સેલ્સમેન જેવી નોકરી કરવા માટે કહ્યું.

દ્રવ્ય ધોળકિયાએ ક્યારે ચંપલની દુકાનમાં તો ક્યારે મેકડોનાલ્ડ્સના આઉટલેટ પર કામ કર્યું. પિતાએ શરત મૂકી હતી કે મહિનામાં ચાર નોકરી બદલવાની છે. કરોડોની દૌલતનો ઉત્તરાધિકારી રસ્તા પર રહેવા મજબૂર બન્યો હતો, લોકો પાસે કામ માંગવા માટે ઘણો સંઘર્ષ કરવો પડ્યો હતો.

આ પણ વાંચોઃ 'ભારતમાં એક દિવસ પણ ગાઝામાં રોજ દિવાળી..' બૉલીવુડ ડાયરેક્ટરની પોસ્ટથી સોશિયલ મીડિયામાં હંગામો

દરરોજ 180 રૂપિયા કમાવા માટે ઘણા પડકારનો સામનો કરવો પડ્યો હતો. કોઈની પાસે ખાવાના પણ પૈસા માંગવા પડતા હતા. એવી સ્થિતિ થઈ ગઈ હતી કે દ્રવ્ય ધોળકિયા પાસે 40 રૂપિયા જમવાના પણ નહોતા.