Jobs / GSSSB Bharti 2025 : આરોગ્ય વિભાગમાં ભરતીની તક, સીધો 40 હજાર રૂપિયા પગાર

ગુજરાતમાં યુવાનો મોટી સંખ્યામાં સરકારી નોકરીની તૈયારીઓ કરી રહ્યા છે. હવે તેવા લોકો માટે એક સારા સમાચાર આવ્યા છે. કેમ કે, ગુજરાત ગૌણ સેવા પસંદગી મંડળે ડેન્ટલ ટેક્નીશિયન વર્ગ - 3ની 17 અને 04 એમ કુલ 21 જગ્યાઓ માટે ભરતી પાડી છે. હેલ્થ એન્ડ ફેમીલી વેલ્ફેર ડીપાર્ટમેન્ટ તરફથી આ ભરતી પાડવામાં આવી છે. તેમાં ઓનલાઈન અરજી કરવાની રહેશે. ચાલો તેની શૈક્ષણિક લાયકાત, વય મર્યાદા, પગાર ધોરણ વિશે જાણીએ.

• જગ્યા અને વય મર્યાદા

આ ભરતીમાં હેલ્થ એન્ડ ફેમીલી વેલ્ફેર ડીપાર્ટમેન્ટમાં અધિક નિયામક તબીબી શિક્ષણ અને સંશોધન પ્રભાગમાં 17 અને અધિક નિયામક તબીબી સેવાઓ પ્રભાગમા 4 એમ કુલ 21 જગ્યાઓ માટે ભરતી પડી છે. જેમાં અરજી કરનાર ઉમેદવાર 18 વર્ષથી નાનો અને 33 વર્ષથી મોટો ન હોવો જોઈએ. અનામત કેટેગરી અને દિવ્યાંગ લોકોને વય મર્યાદામાં 5 થી લઇ 20 વર્ષ સુધીની છૂટછાટ આપવામાં આવી છે.

• શૈક્ષણિક લાયકાત
  સરકાર માન્ય કોઈપણ યુનિવર્સિટીમાંથી ડેન્ટલ ટેક્નીશિયન કે ડેન્ટલ મિકેનિક્સમાં ઓછામાં ઓછા બે વર્ષનું ડિપ્લોમા હોવું જોઈએ. આ સિવાય ડેન્ટલ કાઉન્સિલ ઓફ ઈન્ડિયામાં ડેન્ટલ ટેક્નીશિયન / ડેન્ટલ મિકેનિક્સ તરીકે રજીસ્ટ્રેશન જરૂરી રહેશે. તથા કમ્પ્યુટર એપ્લિકેશનનું બેસિક નોલેજ હોવું જોઈએ. તથા હિન્દી અને ગુજરાતી બંને ભાષાનું પુરતુ નોલેજ જરૂરી છે.
  
• પગાર ધોરણ
  આ પોસ્ટ ઉપર પસંદ થયેલા ઉમેદવારોને પ્રથમ પાંચ વર્ષના પ્રોબેશન પીરિયડ દરમિયાન ફિક્સ પે તરીકે  40,800 પ્રતિ માસ પગાર મળશે. ત્યારબાદ પાંચ વર્ષ સેવા પૂરી થયા બાદ સંબંધિત કચેરીમાં સાતમા પગાર પંચના 29,200થી 92,300 (લેવલ-5)ના પગાર ધોરણમાં નિયમિત નિમણૂંક આપવામાં આવશે.
  

વધુ વાંચો : ઈન્ડિયન આર્મીમાં નોકરીની તક જવા ન દેતા, જાણો લાયકાતથી લઇને પગારધોરણ

• આ રીતે કરવી અરજી

1. સૌ પહેલા https://ojas.gujarat.gov.in વેબસાઈટ પર જવું.
2. online application પર ક્લિક કરવાથી અલગ અલગ ભરતી દેખાશે.
3. ત્યાર બાદ apply પર ક્લિક કરવું
4. અહીંયા  ગુજરાત ગૌણ સેવા પસંદગી મંડળની અલગ અલગ ભરતીઓ દેખાશે
   તમારે તેમાં Dental Technician પર ક્લિક કરવું.
5. ત્યાર બાદ apply now પર ક્લિક કરવું.
6. જો તમે પહેલાથી રજીસ્ટ્રેશન કરેલું હોય તો Registration નંબર અને Birth Date દાખલ કરવાથી તમારી બધી વિગતો ઓટોમેટીક ભરાઈ જશે.
7. જો રજીસ્ટ્રેશન ન કરાવ્યું હોય તો નવેસરથી રજીસ્ટ્રેશન કરાવવાનું રહશે.
8. છેલ્લે ફોટો અને સિગ્નેચર અપલોડ થઇ ગયા બાદ ઓનલાઈન અરજી કરવી.
9. ફાઈનલ સબમીટ કર્યા બાદ પ્રીન્ટ પણ કાઢી લેવી.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ