Dividend / રિયલ એસ્ટેટ કંપની દરેક શેર પર આપશે 50 રૂપિયાનું ડિવિડન્ડ, જાણો રેકોર્ડ ડેટ

રિયલ એસ્ટેટ સેક્ટરની કંપની વિક્ટોરિયા મિલ્સ લિમિટેડ તેના શેરહોલ્ડર્સને નાણાકીય વર્ષ 2025-26 માટે દરેક શેર પર 50 રૂપિયાનું ફાઇનલ ડિવિડન્ડ આપવા જઈ રહી છે. આ ડિવિડન્ડ મેળવવા માટે રેકોર્ડ ડેટ 18 સપ્ટેમ્બર 2026 નક્કી કરવામાં આવી છે.

એટલે કે 18 સપ્ટેમ્બર સુધી જેમના નામે શેર કંપનીના રજિસ્ટર ઓફ મેમ્બર્સ કે ડિપોઝિટરીઝના રેકોર્ડમાં બેનિફિશિયરી ઓનર તરીકે નોંધાયેલા હશે. તેઓ આ ડિવિડન્ડના હકદાર બનશે. જેમની પાસે હાલમાં શેર નથી અને ડિવિડન્ડ લેવા માંગે છે, તેમને 17 સપ્ટેમ્બરે માર્કેટ બંધ થાય તે પહેલાં શેર ખરીદી લેવા પડશે.

કંપનીના શેરની ફેસ વેલ્યુ 100 રૂપિયા છે. વિક્ટોરિયા મિલ્સે પાછલા વર્ષે પણ એટલું જ ફાઇનલ ડિવિડન્ડ આપ્યું હતું. કંપનીની વાર્ષિક સામાન્ય સભા 25 સપ્ટેમ્બરે યોજાનાર છે, જેમાં શેરહોલ્ડર્સ પાસેથી ડિવિડન્ડ માટે મંજૂરી લેવામાં આવશે અને તે પછી ચુકવણી થશે.

• શેરની કામગીરી અને કિંમત

10 સપ્ટેમ્બરે શેરમાં થોડી ગિરાવટ જોવા મળી હતી. BSE પર તે આશરે 8590 રૂપિયાના ભાવે ટ્રેડ થઈ રહ્યો હતો. કંપનીનું માર્કેટ કેપ આશરે 85 કરોડ રૂપિયા છે. 52 અઠવાડિયાનું ઊંચું સ્તર 9,448.95 રૂપિયા અને નીચું 4,501 રૂપિયા રહ્યું છે. છેલ્લા એક મહિનામાં શેરમાં 73 ટકાનો તેજીનો વલણ જોવા મળ્યું છે. જ્યારે ત્રણ વર્ષમાં કિંમતમાં લગભગ 140 ટકાનો વધારો થયો છે. જૂન 2026ના અંત સુધી પ્રમોટર્સ પાસે 56.16 ટકા હિસ્સેદારી હતી.

વધુ વાંચો : ધીમા માર્કેટની વચ્ચે રોકેટ બન્યો આ સ્ટોક: જાણો ITDC ના શેરમાં તેજીનું સાચું કારણ

• કંપનીની સ્થિતિ

એપ્રિલ-જૂન 2026ની ત્રિમાસિકમાં કંપનીનું રેવેન્યુ 19.50 કરોડ રૂપિયા અને નેટ પ્રોફિટ 2.89 કરોડ રૂપિયા રહ્યો હતો. આ સમયગાળામાં પ્રતિ શેર કમાણી 293.67 રૂપિયા રહી હતી. આખા નાણાકીય વર્ષ 2026માં રેવેન્યુ 52.75 કરોડ રૂપિયા, નેટ પ્રોફિટ 6.66 કરોડ રૂપિયા અને પ્રતિ શેર કમાણી 675.98 રૂપિયા નોંધાઈ હતી.

(DISCLAIMER: બિઝનેસને લગતો આ આર્ટિકલ ન્યૂઝ આધારિત છે જેમાં રિસ્કનું પ્રમાણ વધુ હોય શકે છે, કોઈ પણ જગ્યાએ રોકાણ કે બિઝનેસને લગતો વહીવટ કરતી વખતે એક વખત માર્કેટ નિષ્ણાંતની સલાહ લેવી જરૂરી છે, vtvgujarati.com કોઈ પણ મુશ્કેલી માટે બંધનકર્તા રહેશે નહીં જેની ખાસ નોંધ લેવી.)

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ