ન્યૂઝ અપડેટ્સ
ન્યૂઝ અપડેટ્સ
VTV / બિઝનેસ / Forbesની સપ્ટેમ્બર 2026ની લિસ્ટમાં $892 બિલિયન સાથે એલન મસ્ક નંબર-1, જાણો ઝકરબર્ગથી બેઝોસ સુધી કોણ કેટલા અમીર!
6 ફોટો ગેલેરી
Last Updated: 04:10 PM, 9 September 2026
FOLLOW ON
શેર કરો
1/6
દુનિયાભરના દિગ્ગજ ઉદ્યોગપતિઓની કુલ સંપત્તિમાં દરરોજ વધઘટ થતી રહે છે. ફોર્બ્સે 1 સપ્ટેમ્બર, 2026ના ડેટાના આધારે વિશ્વના 10 સૌથી ધનિક વ્યક્તિઓની યાદી જાહેર કરી છે. ટેસ્લાના સીઈઓ એલન મસ્કે આ યાદીમાં ફરી એકવાર પોતાનો દબદબો સાબિત કર્યું છે. આ દરમિયાન, ગૂગલના સ્થાપકોથી લઈને એમેઝોનના વડા સુધીની હસ્તીઓની કુલ સંપત્તિમાં નોંધપાત્ર ફેરફારો જોવા મળ્યા છે. આ મહિને કેટલાક નવા નામોએ પણ ટોચના 10 માં સ્થાન મેળવ્યું છે.
આ તસવીર શેર કરો
2/6
એલોન મસ્ક 892 અબજ ડોલરની કુલ સંપત્તિ સાથે વિશ્વના સૌથી ધનિક વ્યક્તિ તરીકે યથાવત છે. ઓગસ્ટ મહિનો તેમના માટે અત્યંત લાભદાયી સાબિત થયો. તેમની કંપની 'સ્પેસએક્સ'ના શેરમાં 33 ટકાનો ઉછાળો આવ્યો, જ્યારે 'ટેસ્લા'ના શેરમાં પણ 18 ટકાનો નોંધપાત્ર વધારો જોવા મળ્યો. આ તેજીને કારણે, માત્ર ઓગસ્ટ મહિનામાં જ મસ્કની સંપત્તિમાં 202 અબજ ડોલરનો જંગી વધારો થયો. ઉલ્લેખનીય છે કે, આ વર્ષે જૂન મહિનામાં મસ્ક થોડા સમય માટે વિશ્વના પ્રથમ 'ટ્રિલિયોનેર' પણ બન્યા હતા.
આ તસવીર શેર કરો
ADVERTISEMENT
3/6
ગૂગલના કો-ફાઉન્ડર લેરી પેજ 277 અબજ ડોલરની કુલ સંપત્તિ સાથે અમીરોની આ યાદીમાં બીજા ક્રમે છે. જોકે, ઓગસ્ટ મહિનો તેમના માટે અનુકૂળ રહ્યો ન હતો. આ સમયગાળા દરમિયાન તેમની સંપત્તિમાં 15 અબજ ડોલરનો ઘટાડો થયો હતો. ઓગસ્ટમાં સૌથી મોટું નુકસાન સહન કરનારા અબજોપતિ લેરી પેજ હતા. તેમણે 1998માં સર્ગેઈ બ્રિન સાથે મળીને ગૂગલની સ્થાપના કરી હતી. દરમિયાન, તેમના ભાગીદાર સર્ગેઈ બ્રિનની સંપત્તિમાં પણ 13 અબજ ડોલરનો ઘટાડો થયો અને તે ઘટીને 256 અબજ ડોલર થઈ ગઈ. બ્રિન હવે આ યાદીમાં ચોથા સ્થાને છે, જોકે તેઓ હજુ પણ આલ્ફાબેટના બોર્ડ મેમ્બર છે.
આ તસવીર શેર કરો
4/6
એમેઝોનના સ્થાપક જેફ બેઝોસ 268અબજ ડોલરની કુલ સંપત્તિ સાથે વિશ્વના ત્રીજા સૌથી ધનિક વ્યક્તિ છે. તેમણે જુલાઈમાં સર્ગેઈ બ્રિનને પાછળ છોડીને આ સ્થાન મેળવ્યું હતું. જોકે, ઓગસ્ટ મહિનામાં બેઝોસને 10 અબજ ડોલરનું નુકસાન પણ થયું હતું. બીજી તરફ, ડેલ ટેક્નોલોજીસના સીઈઓ માઈકલ ડેલ 241અબજ ડોલરની સંપત્તિ સાથે પાંચમા સ્થાને છે. ઓગસ્ટમાં તેમની સંપત્તિમાં 12 અબજ ડોલરનો વધારો થયો હતો. ડેલે યુનિવર્સિટી ઓફ ટેક્સાસમાં અભ્યાસ કરતા હતા તે દરમિયાન પોતાની કંપની શરૂ કરી હતી.
આ તસવીર શેર કરો
ADVERTISEMENT
5/6
મેટાના સીઈઓ માર્ક ઝુકરબર્ગ પણ ઝડપથી આગળ વધી રહ્યા છે. 197 અબજ ડોલરની સંપત્તિ સાથે ઝુકરબર્ગ છઠ્ઠા સ્થાને છે. તેમણે હાર્વર્ડમાં અભ્યાસ દરમિયાન 2004માં ફેસબુકની સ્થાપના કરી હતી, જે સાહસ પાછળથી મેટામાં વિસ્તર્યું. ઓરેકલના સહ-સ્થાપક લેરી એલિસનની સંપત્તિમાં 25 અબજ ડોલરનો નોંધપાત્ર વધારો થયો છે.આ વધારા સાથે, તેઓ આઠમા સ્થાનેથી સાતમા સ્થાને પહોંચી ગયા છે. એલિસનની કુલ સંપત્તિ 193 અબજ ડોલર સુધી પહોંચી ગઈ છે. બીજી તરફ, 191 અબજ ડોલરની સંપત્તિ સાથે એનવીડિયાના સીઈઓ જેન્સેન હુઆંગ આઠમા સ્થાને સરકી ગયા છે. 1993માં એનવીડિયાની સ્થાપના કરનાર હુઆંગની સંપત્તિમાં 17 અબજ ડોલરનો વધારો થયો હોવા છતાં, એલિસનની સંપત્તિમાં થયેલા ઝડપી વધારાને કારણે તેઓ એક સ્થાન નીચે આવી ગયા છે.
આ તસવીર શેર કરો
6/6
આ વખતે ટોચની 10ની યાદીના નીચેના ભાગમાં બે નોંધપાત્ર ફેરફારો જોવા મળ્યા છે. માઈક્રોસોફ્ટના ભૂતપૂર્વ સીઈઓ સ્ટીવ બાલ્મર 11મા ક્રમ પરથી સીધા 9મા ક્રમ પર પહોંચી ગયા છે. ઓગસ્ટ મહિનામાં 10 અબજ ડોલરના વધારા સાથે, તેમની કુલ સંપત્તિ હવે 155 અબજ ડોલર સુધી પહોંચી ગઈ છે. બાલ્મર NBA ટીમ 'લોસ એન્જલસ ક્લિપર્સ'ના માલિક પણ છે. આ ઉપરાંત, ઝારાની મૂળ કંપની 'ઇન્ડિટેક્સ'ના કો-ફાઉન્ડર અમાન્સિયો ઓર્ટેગાએ આ યાદીમાંથી બિઝનેસ ટાયકૂન બર્નાર્ડ આર્નોલ્ટને પાછળ છોડી દીધા છે. આ સ્પેનિશ ઉદ્યોગસાહસિકની સંપત્તિમાં 5 અબજ ડોલરનો વધારો થયો છે અને 148 અબજ ડોલરની કુલ સંપત્તિ સાથે તેઓ હવે વિશ્વના 10મા સૌથી ધનિક વ્યક્તિ બની ગયા છે.
આ તસવીર શેર કરો
સંકળાયેલા મુદ્દાઓ
સબસ્ક્રાઇબ કરો
ટોપ સ્ટોરીઝ
