ગુજરાત / પાટણના બગવાડા દરવાજા પાસે ભૂવામાં ST બસના પાછળના બંને ટાયર ફસાયા, મુસાફરોને રસ્તામાં ઉતાર્યા

પાટણ શહેરમાં પાલિકાના અણઘટ વહીવટના કારણે એક મોટી ઘટના બનતા બનતા ટળી ગઈ હતી. શહેરના બગવાડા દરવાજા પાસે રોડ અચાનક બેસી જતા ચાણસ્માથી પાટણ તરફ આવતી ST બસ ભુવામાં ફસાઈ ગઈ હતી. મુસાફરોથી ભરેલી બસ રોડ પર આગળ વધી રહી હતી ત્યારે રસ્તો બેસી જતા બસના પાછળના બંને ટાયર ભુવામાં ફસાઈ ગયા હતા. જેના કારણે બસ આગળ વધી શકી ન હતી અને મુસાફરોમાં પણ ગભરાટનો માહોલ સર્જાયો હતો.

ST બસ બગવાડા દરવાજા પાસેથી પસાર

મળતી માહિતી મુજબ, ચાણસ્માથી પાટણ આવતી ST બસ બગવાડા દરવાજા પાસેથી પસાર થઈ રહી હતી. આ દરમિયાન રોડનો એક ભાગ અચાનક બેસી ગયો હતો. બસના પાછળના બંને ટાયર ભુવામાં ફસાઈ જતા બસ ત્યાં જ અટકી ગઈ હતી. બસમાં પેસેન્જરો પણ સવાર હતા. સદનસીબે આ ઘટનામાં કોઈ જાનહાની થઈ ન હતી.

મુસાફરોને પણ મુશ્કેલીનો સામનો કરવો પડ્યો

રોડ બેસી જતા બસ ભુવામાં ફસાઈ હોવાથી મુસાફરોને પણ મુશ્કેલીનો સામનો કરવો પડ્યો હતો. બસમાંથી તમામ પેસેન્જરોને રસ્તામાં જ ઉતારવામાં આવ્યા હતા. ત્યારબાદ ફસાયેલી ST બસને બહાર કાઢવા માટે ક્રેનની મદદ લેવામાં આવી હતી. ક્રેનની મદદથી બસને ભુવામાંથી બહાર કાઢવાની કામગીરી હાથ ધરવામાં આવી હતી. આ ઘટનાને લઈને પાલિકાની કામગીરી સામે પણ સવાલો ઉઠી રહ્યા છે. શહેરના રસ્તા પર આ રીતે રોડ બેસી જતા મુસાફરોથી ભરેલી ST બસ ભુવામાં ફસાઈ જતા મોટી દુર્ઘટના સર્જાઈ શકતી હતી. સદનસીબે બસમાં સવાર કોઈ મુસાફરને ઈજા કે જાનહાની થઈ નથી.

કામગીરી સામે નારાજગી જોવા મળી

સ્થાનિક લોકોમાં પણ પાલિકાની કામગીરી સામે નારાજગી જોવા મળી રહી છે. રોડની સ્થિતિ યોગ્ય રીતે જાળવવામાં ન આવતી હોવાના કારણે ST બસને અકસ્માત નડ્યો હોવાનું સામે આવ્યું છે. પાલિકાની બેદરકારીના કારણે આ ઘટના બની હોવાના આક્ષેપો થઈ રહ્યા છે. ખાસ કરીને શહેરના મુખ્ય રસ્તાઓ પર રોડની સ્થિતિ અને આવા ભુવા અંગે સમયસર કામગીરી કરવામાં આવે તેવી માંગ ઉઠી રહી છે.

આ પણ વાંચો : આજે ગાંધીનગરમાં ત્રિપલ એક્શન, 3 દિવસીય વિધાનસભા સત્રની શરૂઆત, શાસક પક્ષની બેઠક અને સાંજે કેબિનેટ બેઠકમાં મહત્વના મુદ્દે થશે મંથન!

હાલમાં ફસાયેલી ST બસને બહાર કાઢવા માટે ક્રેનની મદદ લેવામાં આવી હતી. મુસાફરોને બસમાંથી રસ્તામાં જ ઉતારવામાં આવ્યા હતા. સદનસીબે આ સમગ્ર ઘટનામાં કોઈ જાનહાની થઈ નથી, પરંતુ મુસાફરોથી ભરેલી બસ ભુવામાં ફસાતા મોટી દુર્ઘટના ટળી હોવાનું કહી શકાય.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ